‘సర్’ ప్రక్రియ హాస్యాస్పదం.. ఈసీకి బీఆర్ఎస్ నేతల ఫిర్యాదు.. కాంగ్రెస్‌ వైఖరిపై ధ్వజం!

Telangana Voter Revision: కేంద్ర ఎన్నికల సంఘం సర్ ప్రక్రియను హాస్యాస్పదంగా నిర్వహిస్తోందని బీఆర్ఎస్ నేతలు మండిపడ్డారు. బీఆర్కే భవన్ లో మంగళవారం రాష్ట్ర ఎన్నికల ప్రధానాధికారి సుదర్శన్ రెడ్డిని కలిసి వినతిపత్రం అందజేశారు. ఈ సందర్భంగా ఎమ్మెల్సీలు ఎల్ రమణ, దాసోజు శ్రవణ్, మాజీ ఎమ్మెల్సీ కర్నె ప్రభాకర్, పార్టీ నేత సుమిత్రానంద్ మాట్లాడుతూ ఫైనల్ ఎలెక్టోరల్ లిస్ట్ రాకముందే గ్రాడ్యుయేట్ ఓటర్ గా నమోదు చేసుకోమని కేంద్ర ఎన్నికల సంఘం చెప్తోందన్నారు. దీంతో గందరగోళం ఏర్పడే ప్రమాదం ఉందని ఆందోళన వ్యక్తం చేశారు.

మరోవైపు గ్రాడ్యుయేట్ ఓటర్ నమోదు తేదీని నవంబర్ 6 నుంచి మరో రెండు వారాలు వాయిదా వేయాలని బీఆర్ఎస్ నేతలు కోరారు. ’43 లక్షల ఓట్లపై కత్తి పేరిట వార్తలు వస్తున్నాయి. పారదర్శకంగా సర్ ప్రక్రియ సాగడం లేదు. కాంగ్రెస్ ప్రభుత్వానికి ఓటరు సవరణపై చిత్తశుద్ధి లేదు’ అని ఆరోపించారు. 90 లక్షల మందికి నోటీసులు ఇచ్చినా అధికార పార్టీ నుంచి సరైన స్పందన లేదన్నారు. అందులో 36 లక్షల ఓట్లు పోయే ప్రమాదం ఉందని ఆందోళన వ్యక్తం చేశారు. అంటే ఇవి దొంగ ఓట్ల అనేది ప్రభుత్వం సమాధానం చెప్పాలని డిమాండ్ చేశారు.

రాష్ట్ర ఎన్నికల ప్రధానాధికారి సుదర్శన్ రెడ్డిని కలిసిన ఎమ్మెల్సీలు ఎల్. రమణ, @sravandasoju, మాజీ ఎమ్మెల్సీ @karne_prabhakar, బీఆర్ఎస్ నాయకురాలు @SumithraTanoba

గ్రాడ్యుయేట్ ఎమ్మెల్సీ ఓటర్ల నమోదు షెడ్యూల్‌కు సంబంధించి పలు అభ్యంతరాలను వ్యక్తం చేస్తూ, రాష్ట్ర ఎన్నికల… pic.twitter.com/9p2UlMdzrU

— BRS Party (@BRSparty) September 22, 2026

Also Read: హైదరాబాద్‌లో కుండపోత వర్షం.. రంగంలోకి సీఎం రేవంత్ అధికారులకు కీలక ఆదేశాలు జారీ!

రాష్ట్రంలో జరిగే ఎమ్మెల్సీ ఎన్నికల నేపథ్యంలో టెక్నికల్ మిస్టేక్స్ సరి చేయాలని కోరారు. చనిపోయిన, మిస్ అయిన వారి ఓటర్ల పేర్లు రాజకీయ పార్టీలకు తెలియజేయాలన్నారు. సర్ ప్రక్రియ సజావుగా జరిపించాలని కోరారు. అర్హులైన ప్రతీ ఒక్కరు ఓటర్ల జాబితాలో ఉండాలని బీఆర్ఎస్ పోరాడుతోందన్నారు. ఏ ఎన్నికకైనా ఓటు ప్రాధాన్యత అంతే ఉంటుందని, తాము లేవనెత్తిన అభ్యంతరాల పై సీఈఓ సానూకూలంగా స్పందించారన్నారు.

Also Read: ఐఫోన్ యూజర్లకు కీలక అప్‌డేట్.. భారత్‌లోకి Apple Pay ఎంట్రీ, మరి UPI సంగతేంటి?