GHMC WhatsApp number: మీ వీధిలో చెత్త ఉందా? ఫొటో తీసి వాట్సాప్ చేయండి: జీహెచ్‌ఎంసీ కొత్త సేవలు

GHMC WhatsApp number: గ్రేటర్ హైదరాబాద్ మున్సిపల్ కార్పొరేషన్ నగరంలో పేరుకుపోతున్న చెత్త కుప్పలు మరియు అనధికారిక డస్ట్ బిన్ల నిర్మూలనకు పటిష్టమైన చర్యలు చేపట్టింది. నగరాన్ని ‘చెత్త రహిత నగరంగా’ మార్చడమే లక్ష్యంగా సరికొత్త వ్యూహాలను అమలు చేస్తోంది. నగరంలో పారిశుధ్య నిర్వహణను మరింత మెరుగుపరిచేందుకు జీహెచ్ఎంసీ ఒక వినూత్న నిర్ణయం తీసుకుంది. నగరవాసులు తమ ప్రాంతాల్లో ఎదుర్కొంటున్న పారిశుధ్య సమస్యలను అధికారుల దృష్టికి తీసుకెళ్లడానికి ప్రత్యేకంగా ఒక వాట్సాప్ నంబర్‌ను అందుబాటులోకి తెచ్చింది. గతంలో ఫిర్యాదుల కోసం కేవలం ‘మై జీహెచ్ఎంసీ’ (My GHMC) యాప్ లేదా కార్యాలయాలకు వెళ్లాల్సి వచ్చేది. కానీ ఇప్పుడు సామాన్యులకు సైతం అందుబాటులో ఉండేలా వాట్సాప్ సేవలను మార్చి 8, 2026 నుంచి మరింత విస్తృతం చేసింది.

ఈ కొత్త సదుపాయం ద్వారా వీధుల్లో లేదా రహదారుల పక్కన చెత్త కుప్పలు ఉంటే ఫిర్యాదు చేయొచ్చు. గార్బేజ్ బిన్లు సకాలంలో ఖాళీ చేయకపోయినా అధికారులకు తెలపవచ్చు. నాలాల్లో పూడిక తీయడం లేదా మురుగు నీరు నిలిచిపోవడం వంటివి. భవన నిర్మాణ వ్యర్థాలు రోడ్లపై వేసినా ఫొటో తీసి పంపవచ్చు.

వినియోగదారులు పైన పేర్కొన్న సమస్యలు ఎక్కడైనా కనిపిస్తే, వాటిని తమ ఫోన్ ద్వారా ఫొటో తీయాలి. ఆ ఫొటోను, సమస్య ఉన్న లొకేషన్ వివరాలతో కలిపి 8125966586 నంబర్‌కు వాట్సాప్ మెసేజ్ చేయాలి. ఫిర్యాదు అందిన వెంటనే సంబంధిత పారిశుధ్య విభాగం సిబ్బంది అప్రమత్తమై సమస్యను పరిష్కరిస్తారు. ఈ సేవ ద్వారా అధికారులకు, ప్రజలకు మధ్య సమన్వయం పెరుగుతుందని జీహెచ్ఎంసీ అధికారులు ఆశాభావం వ్యక్తం చేస్తున్నారు.

రోడ్లపై, నాలాల్లో చెత్త వేసే వ్యక్తులు, సంస్థలపై ఎన్‌ఫోర్స్‌మెంట్  బృందాలు కఠినమైన జరిమానాలు విధిస్తున్నాయి. ముఖ్యంగా కమర్షియల్ షాపులు రోడ్లపై చెత్త వేస్తే భారీ జరిమానాలతో పాటు లైసెన్సుల రద్దు హెచ్చరికలు కూడా జారీ చేస్తున్నారు.

Read Also: Allu Arjun: అల్లు అర్జున్ కోసం మరోసారి రేవంత్ రెడ్డి.. ఈసారి ఎందుకంటే..!

Share

• 
• 
• 
• 
• 
•