Fake Rapido: హైదరాబాద్లోని చార్మినార్ వద్ద ఓ మహిళ తన సమయస్ఫూర్తితో ముప్పు నుంచి తప్పించుకున్న ఘటన ప్రస్తుతం నెట్టింట వైరల్గా మారింది. రాత్రి వేళల్లో ప్రయాణించేటప్పుడు ఎంత అప్రమత్తంగా ఉండాలో ఈ అనుభవం స్పష్టం చేస్తోంది. అసలు అక్కడ ఏం జరిగిందంటే..
అనుమానం రేకెత్తించిన ప్రవర్తన
రాత్రి దాదాపు 9 గంటల సమయంలో సిద్ధి అనే మహిళ చార్మినార్ సమీపంలో ఇంటికి వెళ్లేందుకు ఆటో కోసం వేచి చూస్తోంది. అదే సమయంలో మహమ్మద్ ఇర్ఫాన్ అనే వ్యక్తి అక్కడకు వచ్చాడు. తాను ర్యాపిడో డ్రైవర్నని పరిచయం చేసుకున్నాడు. అయితే, అతడి వాహనానికి అసలు నంబర్ ప్లేట్ లేకపోవడాన్ని సిద్ధి గమనించింది. దీంతో ఆమెకు అతడిపై అనుమానం మొదలైంది.
అప్పటికప్పుడు యాప్ డౌన్లోడ్!
తన అనుమానాన్ని నివృత్తి చేసుకునేందుకు ర్యాపిడో ఐడీ చూపించమని సిద్ధి అతడిని నిలదీసింది. దానికి సరైన సమాధానం చెప్పలేకపోయిన ఆ వ్యక్తి, కంగారులో అప్పటికప్పుడు ఫోన్ తీసి ప్లే స్టోర్ నుంచి యాప్ డౌన్లోడ్ చేయడం ప్రారంభించాడు. దీంతో అతడు నకిలీ డ్రైవర్ అని ఆమెకు పూర్తిగా అర్థమైంది.
Also Read: ‘మోడియా బింద్’ గ్లాసెస్తో ఎంపీ రేణుకా చౌదరి నిరసన.. వీడియో వైరల్!
వీడియో రికార్డ్ చేసి నెట్టింట పోస్ట్
ఈ విచిత్ర ప్రవర్తనను చూసి భయపడకుండా సిద్ధి ధైర్యంతో ఆ దృశ్యాలన్నింటినీ తన ఫోన్లో రికార్డు చేసింది. అనంతరం ఈ వీడియోను సోషల్ మీడియాలో పోస్ట్ చేయడంతో అది కాస్తా వైరల్గా మారింది. తెలియని వాహనాలు ఎక్కే ముందు జాగ్రత్త వహించాలని ఈ ఘటన హెచ్చరిస్తోంది.
చర్మిన్నార్ వద్ద మహిళకు విచిత్ర అనుభవం.
హైదరాబాద్లోని చార్మినార్ సమీపంలో రాత్రి 9 గంటల సమయంలో ఆటో కోసం వేచి చూస్తున్న సిద్ధి అనే మహిళను మహమ్మద్ ఇర్ఫాన్ అనే వ్యక్తి ర్యాపిడో డ్రైవర్గా పరిచయం చేసుకున్నాడు.
అతని వాహనానికి నంబర్ ప్లేట్ లేకపోవడంతో పాటు, ర్యాపిడో ఐడీ చూపించమంటే… pic.twitter.com/QVZEQ6FYU6
— ఉదయం (@udayamdigital) August 10, 2026
Share
1990 సమయంలో ప్రతీ మ్యాచ్ లోనూ టీమిండియాను చిత్తుగా ఓడించేవాళ్లం
రోడ్డు పేరుతో రైతుల భూములు కొట్టేయాలని ప్లాన్... మహిళ తిరుగుబాటుతో మొత్తం సిస్టమ్ షేక్
