Hayathnagar: ప్రయాణికుల ప్రాణాలకు భరోసా ఏదీ.. లబోదిబో మంటున్న ఆ ప్రాంత ప్రజలు..?

Hayathnagar: నిత్యం ప్రమాదాల వలయంలో ప్రజలు
–హైదరాబాద్​–విజయవాడ జాతీయ రహదారి విస్తీర్ణంలో కష్టాలు
–సర్వీస్​ రోడ్డులో నిలిపే పార్కింగ్​ వాహనాలతో ప్రమాదాలు
–సుమారుగా 10 కీమీ మేరకు ప్రయాణికులు నరకయాతన
రంగారెడ్డి బ్యూరో, స్వేచ్ఛ: రోడ్డు విస్తీర్ణతో ప్రయాణికులకు వెసులబాటు అవుతుందని ప్రజలు సంతోషిస్తారు. కానీ హైదరాబాద్​–విజయవాడ జాతీయ రహదారి విస్తీర్ణంతో నగరవాసులు లబోదిబోమంటున్నారు. నాలుగేండ్లుగా ఈ జాతీయ రహదారి పక్కనుంటున్న కాలనీల వాసులు, స్ధానికులు జాతీయ రహదారి విస్తీర్ణం తమ ప్రాణాలమీదకు తీసుకొచ్చిందని ఆవేధన వ్యక్త చేస్తున్నారు. జాతీయ రహదారికి ఇరువైపులున్న కాలనీ వాసులు సర్వీస్​ రోడ్డులోనే వచ్చిపోవడం జరుగుతుంది. అదే రోడ్డులో లారీలు, ట్రక్కులు పార్కింగ్​ చేయడంతో వచ్చిపోయే వాహనాలతో ప్రమాదాలు జరుగుతున్నాయి. ప్రతి రోజు పది కీలోమీటర్ల ప్రయాణం చేయడం కష్టంగా మారిపోతుందని ప్రజలు వివరిస్తున్నారు. ఈ ప్రమాదాలకు భరోసా ఇచ్చేందుకు అధికారులు, ప్రజాప్రతినినధులు చర్యలు తీసుకోవడం లేదని ప్రచారం సాగుతుంది.

ఈ సమస్యకు పరిష్కార మార్గమేది..?

ఎల్బీనగర్​ నియోజకవర్గ పరిధిలోని చింతలకుంట చెక్​ ఫోస్ట్ నుంచి హయత్​నగర్లోని వర్డ్​ ఆండ్​ డీడ్​ స్కూల్​ వరకు విస్తీరించిన రహదారితో కాలనీ వాసులు ఇబ్బందులు పడుతున్నారు. కుడి వైపు ఉన్న వాళ్లు ఎడమ వైపు వెళ్లేందుకు కాలనీ వాసులు తీవ్రమైన ఇబ్బందులు ఎదుర్కొంటున్నారు. సర్వీస్​ రోడ్డు కూడా పూర్తి స్ధాయిలో నిర్మాణం చేయకపోవడంతో రాకపోకలు ట్రఫిక్​ రూల్స్​కు విరుద్దంగా కనిపిస్తున్నాయి. చింతల కుంట చెక్​ ఫోస్​ట్ నుంచి వర్డ్​ ఆండ్​ డిడ్​ స్కూల్ వరకు సుమారుగా 10కీ.మీ ఉంది. ఈ దూరం ప్రయాణించే వాళ్లు సుమారుగా రెండు కీలోమీటర్ల మేర ఒకే రోడ్డులో ఎదురెదురుగా వెళ్లాల్సి వస్తుంది. కుడి నుంచి ఎడవ వైపు వెళ్లేందుకు ప్రయాణికులు ప్రమాదాలకు గురైతున్నారు. కనీసం ఫుట్​ వేర్​ బ్రీడ్జిలను కూడా నిర్మించలేకపోయారు.ఈ జాతీయ రహదారి రోడ్డు విస్తీర్ణంలో నిర్మించాల్సిన ప్లైఓర్​ బ్రిడ్జీలను నిర్మించకపోవడంతోనే ప్రమాదాలు జరుగుతున్నాయని స్ధానికులు ఆరోపిస్తున్నారు.

Also Read: Mr. Work From Home: భీమిలిలో సినిమా సందడి..ఘనంగా జరిగిన మిస్టర్ వర్క్ ఫ్రం హోమ్ ప్రీ రిలీజ్ వేడుక

ప్రభుత్వ సంస్థలున్నా పట్టించుకోని అధికారులు..

హయత్​నగర్​ మండల పరిధిలోనున్న కోర్టు, ఆర్టీసీ డిపో, విద్యుత్ సబ్​ స్టేషన్లు ఉన్న ప్రాంతంలోని రాకపోకల సమస్యకు పరిష్కారం లేదు. జాతీయ రహదారి నుంచి ఈ సంస్ధలు సుమారుగా 500 మీటర్ల దూరంలోనే ఉన్నాయి. ఆ సంస్థలకు వెళ్లే మార్గం పూర్తిగా ఇరుకుగానే ఉంది. బస్​ డిపోల నుంచి బస్సుల రాకపోకలతో ప్రజలు నిత్యం ఇబ్బందులు పడుతున్నారు. వందల సంఖ్యలోని ప్రజలు పరిసర ప్రాంతాల్లోనున్న కాలనీవాసులు రహదారిపైకి రావాల్సి వస్తుంది. వీరందరూ రోడ్డెక్కేందుకు ప్రాణాలు అరచేతిలో పెట్టుకోని బయటికి వచ్చే పరిస్థితి ఉంది. డిపోకు వెళ్లే దారిలోనున్న ఓ ఆసుపత్రి రోడ్డును కబ్జా చేసినప్పటికి అధికారులు మౌనం వహించడం విశేషం. ఒపక్క జాతీయ రహదారి విస్తీర్ణంతో సర్వీస్​ రోడ్డులో ప్రైవేట్​ వాహనాలు పార్కింగ్ చేయడంతో బస్సలు లోపలికి, బయటికి వెళ్లేందుకు డ్రైవర్లు ఇబ్బందులు పడుతున్నారు. మరో పక్క ఆ ఆసుపత్రి రోడ్డును కబ్జా చేయడంతో ఒక వాహనం పోతేగానీ మరోక వాహనం వచ్చే పరిస్థితి లేదు. రెండు వాహనాల రాకపోకలు ఆదారి వెంట పోయే పరిస్థితి లేదు. ఈ సమస్య కూడా రహదారి ప్రారంభంలోనే ఉంది.

ప్రమాదాలకు చెక్​ పెట్టాల్సిందే..

రాకపోకలతో ప్రయాణికులు నిత్యం ప్రమాదాలకు గురైతున్నారు. ఈవిషయం స్ధానిక పోలీస్ స్టేషన్ల పరిధిలోని వనస్థలిపురం, హయత్​నగర్​ పోలీస్ అధికారులు తెలుస్తోంది. ఆ సర్వీస్ రోడ్డులో ఇష్టానుసారంగా వాహనాలు నిలిపివేయడంతో రాకపోకలకు ఇబ్బంది పడుతున్నారు. రోడ్డుకు ఇరువైపుల పెట్టే వాహనాలను నివారించినప్పుడే ప్రమాదాలకు చెక్ పెట్టాల్సి వస్తుంది. అంతేకాకుండా ప్లే ఓవర్​, అండర్​పాస్​ రహదారులు ఏర్పాటు చేయాలని స్ధానికులు వివరిస్తున్నారు.చింతల కుంట సమీపంలోని ఈశ్వరమ్మ మడిగెల వద్ద, రాఘవేంద్ర హోటల్, బజాజ్​ ఎలక్ట్రికల్​, వనస్థలిపురంలోని సహార రోడ్డు, పనామా గోడన్స్​, ఆరోనగర్​, ద్వారకనగర్​, బాగ్యలత, ఆర్టీసీ డీపో, లెక్చరర్స్​ కాలనీ, డీర్​పార్క్​, ఆర్టీసీ కాలనీలు ఈ విధంగా అనేక కాలనీల ప్రజలు నిత్యం ఇబ్బందులు పడుతున్నారు. ఈ కాలనీల ప్రజలు రోడ్డుకు ఇరువైపుల రాకపోకలు చేసేందుకు ప్రాణమీదకు తీసుకోస్తున్నారు. ఈ సమస్యలకు పరిష్కారం చేయాలని స్ధానిక ప్రజలు వెడుకుంటున్నారు.

Also Read: Spicy Paneer Rara: బోర్ కొట్టే పన్నీర్ కూరలకు గుడ్ బై.. ఈ కొత్త రకం పన్నీర్ రారా ట్రై చేయండి!

Share

• 
• 
• 
• 
• 
•