Municipal Elections: స్టేషన్ ఘన్ పూర్, స్వేచ్ఛ: ము న్సిపల్ ఎన్నికల ప్రచారానికి మరో రెండు రోజుల గడువు మాత్రం ఉండడంతో అధికార కాంగ్రెస్, ప్రతిపక్ష టిఆర్ఎస్, బీజేపీ, జనసేన పార్టీలతోపాటు స్వతంత్ర అభ్యర్థుల ప్రచారం జనగామ జిల్లా స్టేషన్ ఘన్ పూర్ మునిసిపాలిటీ పరిధిలోని 18 వార్డుల్లో జోరుగా సాగుతుంది.
స్టేషన్ ఘన్ పూర్ మున్సిపాలిటీ పరిధిలోకి చాగల్, శివుని పల్లి, స్టేషన్ ఘన్ పూర్ మూడు గ్రామాలలోని 18 వేల పైచిలుకు జనాభాతో కలిపి 18 వార్డులుగా విభజించారు. ఈనెల 11న జరగనున్న మున్సిపల్ ఎన్నికల్లో 18 వార్డులకు గాను 82 మంది అభ్యర్థులు బరిలో ఉన్నారు. అధికార కాంగ్రెస్ పార్టీ నుంచి 18 అంది, టిఆర్ఎస్ నుండి 18 మంది, బిజెపి నుండి 12 మంది, బీఎస్పీ నుండి నలుగురు, జనసేన నుండి ఇద్దరు, సిపిఐ నుండి ముగ్గురు, డి.ఎస్.పి నుండి ఒక్కరు, స్వతంత్ర అభ్యర్థులు 24 మంది ఎన్నికల బరిలో నిలిచారు.
అధికార కాంగ్రెస్ పార్టీ మున్సిపల్ చైర్మన్ పీఠాన్ని లక్ష్యంగా ముందుకు సాగుతుంది. అభ్యర్థుల ఎంపిక నుండి ఉపసంహరణలు, రెబల్స్ బుజ్జగింపుతో పాటు ప్రచారంలో దూసుకుపోతుంది. ఏడు మండలాల నుండి కేటాయించిన ఇన్చార్జులు, అభ్యర్థులు వ్యక్తిగతంగా వార్డులు మొత్తం చుట్టి వస్తున్నప్పటికీ ఎంపీ కడియం కావ్య, ఎమ్మెల్యే కడియం శ్రీహరిలు కార్నర్ మీటింగ్లతో విస్తృత ప్రచారం చేస్తున్నారు.18 కి 18 స్థానాలు గెలుచుకుని చైర్మన్ పీఠం దక్కించుకునేందుకు అహర్నిశలు కృషి చేస్తున్నారు. వీరికి తోడు జిల్లా ఇన్చార్జి మంత్రి పొంగులేటి శ్రీనివాస్ రెడ్డి నేటి నుండి ఎన్నికల ప్రచారంలో పాల్గొంటున్నారు. దీనితో అధికార కాంగ్రెస్ పార్టీకి అనుకూలంగా ఫలితాలు వస్తాయని పలువురు రాజకీయ విశ్లేషకులు అభిప్రాయపడుతున్నారు.
ప్రధాన ప్రతిపక్ష పార్టీ టిఆర్ఎస్ కూడా మున్సిపల్ ఎన్నికలను ఛాలెంజ్ గా తీసుకుంది. స్థానికుడు మాజీ ఎమ్మెల్యే డాక్టర్ టి.రాజయ్య తో పాటు ఎమ్మెల్సీ పోచంపల్లి శ్రీనివాస్ రెడ్డి అభ్యర్థుల గెలుపు కోసం వ్యూహ రచనలు చేస్తున్నారు. ఇప్పటివరకు అభ్యర్థులతోపాటు మాజీ ఎమ్మెల్యే రాజయ్య ఇంటింటా ప్రచారం చేస్తుండగా నేటి నుండి పోచంపల్లి రంగంలోకి దిగానున్నారు.
12 వార్డులు అభ్యర్థులను బరిలోకి దింపిన బీజేపీ సైతం ఇంటింటా ప్రచారం చేస్తుంది. వీరితోపాటు స్వతంత్ర అభ్యర్థులు బి ఎస్ పి, జనసేన, డిఎస్పి కి చెందిన అభ్యర్థులు కూడా ప్రచార వాహనాలను ఏర్పాటు చేసి మున్సిపాలిటీ పరిధిలో విస్తృత ప్రచారం చేస్తున్నారు
మైకుల హోరు… ప్రచార జోరు అన్నట్టుగా స్టేషన్ ఘన్ పూర్ మున్సిపాలిటీ పరిధిలోని వాడవాడల ఒకవైపు అభ్యర్థులు మరోవైపు మైకుల మోతతో హోరెత్తిస్తున్నారు. ఇది ఇలా ఉంటే అధికార ప్రధానం ప్రతిపక్ష పార్టీలకు రెబెల్స్ తో ప్రమాదం పొంచి ఉన్నట్టు పలువురు భావిస్తున్నారు.
Share
Food Poisoning: బెల్లంపల్లి బాలికల వసతి గృహంలో ఘోరం.. 40 మంది విద్యార్థినులకు ఫుడ్ పాయిజన్!
Rajamouli : రెమ్యూనరేషన్ ను పెంచేసిన జక్కన్న.. ఒక్కో సినిమాకు ఎన్నికోట్లంటే..?
