Jagityala Collectorate : జగిత్యాల నూతన కలెక్టరేట్ ప్రారంభోత్సవ కార్యక్రమంలో సీఎం కేసీఆర్ పాల్గొని నూతన కలెక్టరేట్‌ను ప్రారంభించారు. ఈ సందర్భంగా సీఎం మాట్లాడుతూ తెలంగాణ అభివృద్ధి సాధించిన లక్ష్యాల గురించి మరోసారి వివరించారు. కొత్త కలెక్టరేట్ నిర్మించి తన చేతుల మీదుగా ప్రారంభించపజేసినందుకు చాలా సంతోషంగా ఉందన్నారు సీఎం కేసీఆర్. తెలంగాణలో జగిత్యాల కలెక్టరేట్ 14వ కలెక్టరేట్ అన్నారు. మిగతా కలెక్టరేట్‌లు కూడా త్వరలో ప్రారంభమవుతాయన్నారు.
దేశానికే ఆదర్శంగా నిలిచేలా తెలంగాణ ఎంతో సాధించిందన్నారు. తెలంగాణలో భగీరథ పైప్‌లైన్లు 2 లక్షల కిలోమీటర్ల మేర ఉన్నట్లు చెప్పారు. చైనా, బ్రేజిల్ తరువాత అత్యధికంగా అడవుల్ని పెంచినట్లు చెప్పారు. ఇలాగే కొనసాగితే..తెలంగాణ ఖచ్చితంగా డైమండ్ ఆఫ్ ఇండియాగా మారుతుందన్నారు.
తెలంగాణ ఇప్పటికే అనేక రంగాల్లో దేశంలో నంబర్ 1 స్థానాన్ని కైవసం చేసుకుందన్నారు. ఇక గురుకుల విద్య విషయానికి వస్తే..తెలంగాణకు సాటి, పోటీ ఎవరూ లేరన్నారు. గ్రామాల్లోని ధాన్యాన్ని కొనే ఒకే ఒక్క రాష్ట్రం తెలంగాణ అని అన్నారు. అన్ని వర్గాలకు మేలు చేకూరేలా ఎన్నో కార్యక్రమాలు రూపొందించామన్నారు. ఇదంగా సమిష్టి కృషితోనే సాధ్యమైందన్నారు సీఎం కేసీఆర్.
Share
Forbes Asia : దానకర్ణులు.. ఈ కుబేరులు..
Hyderabad Sex Racket : సెక్స్ రాకెట్ నిందితుడి భారీ నెట్వర్క్.. ఫోన్లోనే 49,900 అమ్మాయిల ఫోటోలు, ఫోన్ నంబర్లు..
