మహబూబాబాద్‌లో తీవ్ర విషాదం.. బావిలో దూకి తల్లీ, పిల్లలు ఆత్మహత్య!

Mahabubabad: మహబూబాబాద్ జిల్లా కురవి మండలంలో తీవ్ర విషాదకర సంఘటన చోటుచేసుకుంది. ఒకే కుటుంబానికి చెందిన ముగ్గురు బావిలో దూకి ఆత్మహత్యకు పాల్పడటంతో స్థానికంగా తీవ్ర దిగ్భ్రాంతి వ్యక్తమవుతోంది.

వివరాల్లోకి వెళ్తే..

లింగ్యా తండా-B గ్రామ పంచాయతీ పరిధిలోని సామ్యకుంట ప్రాంతంలో ఈ ఘటన జరిగింది. కుటుంబ సమస్యలు లేదా ఇతర కారణాల వల్ల మనస్తాపానికి గురైన తల్లి బానోత్ అనూష, తన కుమారుడు నిశాల్ కృష్ణ, కూతురు వర్షిణితో కలిసి సమీపంలోని బావిలో దూకేసింది. నీటిలో మునిగిపోవడంతో ముగ్గురు అక్కడికక్కడే ప్రాణాలు కోల్పోయారు.

శోకసంద్రంలో గ్రామం

ఒకే ఇంట్లో తల్లితో పాటు ఇద్దరు చిన్న పిల్లలు కూడా మృతి చెందడంతో తండాలో విషాదఛాయలు అలముకున్నాయి. సమాచారం అందుకున్న పోలీసులు వెంటనే ఘటనా స్థలానికి చేరుకుని మృతదేహాలను బయటకు తీశారు. ఈ ఘటనపై కేసు నమోదు చేసుకుని, ఆత్మహత్యకు గల అసలు కారణాలేంటనే దానిపై పూర్తిస్థాయిలో విచారణ జరుపుతున్నారు.

Also Read: రష్యా సైన్యంలో చిక్కుకున్న భారతీయులు.. కేంద్రం సీరియస్!

Join WhatsApp Channel

Share

• 
• 
• 
• 
• 
•