Old City Maya Gang : హైదరాబాద్ పాతబస్తీలో మాయా గ్యాంగ్ హల్చల్ చేస్తుంది. మాయా గ్యాంగ్ లీడర్ సయ్యద్ సాహిల్ ఉద్దీన్ తన అనుచరులతో కలిసి హల్ చల్ చేస్తున్నాడు. జిప్సీ, బైక్లపై ప్రాణాంతక విన్యాసాలు చేస్తూ భయాందోళనకు గురి చేస్తోంది. రోజూ మద్యం తాగడం, బొమ్మ తుపాకీలతో కాల్చిపారేస్తామనేలా నడి రోడ్డుపై హల్ చేయడం పరిపాటిగా మారిపోయింది. అంతేకాదు…తాము చేస్తున్న దాష్టీకాన్ని సినిమా షూటింగ్ లా చిత్రీకరించి సోషల్ మీడియాలో పోస్టు చేస్తున్నారు. వాటికి లైక్స్, కామెంట్లు రాగానే మరింత రెచ్చిపోతున్నారు. రీల్స్ ట్రెండింగ్ కోసం స్థానిక ప్రజలను, వాహనదారులను ఇబ్బంది పెడుతున్నారు. ముఖ్యంగా సంతోష్ నగర్ , కంచన్ బాగ్ పీఎస్ పరిధిలో నానా బీభత్సం చేస్తున్నారు.
గతంలోనే ఈ గ్యాంగ్ మరో గ్యాంగ్ తో కొట్లాటకు దిగింది. మాయా గ్యాంగ్, సమీర్ గ్యాంగ్ లు గ్రూపులుగా విడిపోయి రోడ్ల పై తల్వార్లతో గొడవకు దిగారు. అప్పట్లో సౌత్ జోన్ డీసీపీ సాయి చైతన్య రెడ్ హ్యాండెడ్ గా పట్టుకుని ఆయుధ నిషేదం చట్టం కింద కేసు నమోదు చేసి రిమాండ్ కు తరలించారు. అయినప్పటికీ వీరి ప్రవర్తనలో మార్పు రాలేదు. మళ్ల అదే పంథాలో వ్యవహరిస్తున్నారు. విచ్చలవిడిగా ప్రవర్తిస్తూ జనాన్ని భయాందోళనకు గురి చేస్తున్నారు.
Share
Maoists Surrender : నలుగురు మావోయిస్టులు సరెండర్..
Shraddha Murder Case Update : పూర్తయిన పాలీగ్రాఫ్ టెస్ట్.. అఫ్తాబ్ వ్యాన్ పై కత్తులతో దాడి..
