గోవాలో హోరెత్తిన ‘గోయ్ రాఖోన్న్ యాత్ర’.. ముఖ్య అతిథిగా పాల్గొన్న సీఎం రేవంత్ రెడ్డి!

Revanth Reddy: గోవా కాంగ్రెస్ పార్టీ ప్రతిష్టాత్మకంగా చేపట్టిన కార్యక్రమమైన ‘గోయ్ రాఖోన్న్ యాత్ర’ (సేవ్ గోవా క్యాంపెయిన్)లో తెలంగాణ ముఖ్యమంత్రి రేవంతం రెడ్డి ముఖ్య అతిథిగా పాల్గొన్నారు. కున్కోలిమ్ నియోజకవర్గ పరిధిలోని ప్రాచీన చీఫ్టెన్స్ స్మారకం నుంచి కున్కోలిమ్ బస్టాండ్ వరకు జరిగే పాదయాత్రలో సీఎం రేవంత్ రెడ్డి పాల్గోననున్నారు. అనంతరం భారీ బహిరంగ సభలో సీఎం రేవంత్ రెడ్డి ప్రసగించారు.

రేపు SIR కు వ్యతిరేకంగా..

గోవా పర్యటన ముగిసిన అనంతరం నేరుగా ఢిల్లీకి సీఎం రేవంత్ రెడ్డి బయలుదేరనున్నారు. రేపు SIR కు వ్యతిరేకంగా ఢిల్లీలో ఇండియా కూటమి చేపట్టిన నిరసన ర్యాలీలో పాల్గొననున్నారు. ప్రస్ధుతం ఢిల్లిలీ జరుగుతున్న ఆందోళనలో భాగంగా వివిధ పార్టీల నాయకులు పాల్గొనున్నారు. ప్రధాన ఎన్నికల కమిషనర్ జ్ఞానేశ్ కుమార్ రాజీనామా, ఢిల్లీలో జరిగిన అరెస్టులకు నిరసనగా రేపు భారీ నిరసన ప్రదర్శన నిర్వహించనున్నట్లు కాంగ్రెస్, ఇండియా కూటమి నేతలు ప్రకటించారు. ఢిల్లీలో భారీ నిరసన ర్యాలీ నిర్వహించి, అనంతరం సుప్రీంకోర్టు ప్రధాన న్యాయమూర్తిని (CJI) కలిసి వినతి పత్రం అందజేయనున్న ఇండియా కూటమి నేతలు తెలిపారు.

Also Read: ఢిల్లీ న‌డిబోడ్డున టీమిండియాను ఓడిస్తాం…బీసీసీఐ కుట్ర‌లు బ‌య‌ట పెడ‌తాం!