Pauls Comedy : మునుగోడు ఉపఎన్నికల బరిలో ఉన్న కేఏ పాల్ ప్రచారంలో హంగామా చేశారు. పోలింగ్ రోజు కూడా పోలింగ్ కేంద్రాల వద్ద పరుగులు తీస్తూ నవ్వించారు. నియోజకవర్గ పరిధిలోని 100 పోలింగ్ కేంద్రాలను చుట్టి రావాలని పాల్ లక్ష్యంగా పెట్టుకుని తిరిగారు. హడావుడిగా పోలింగ్ కేంద్రాలకు వెళ్తూ తిరిగి పరుగులు పెడుతున్న వీడియోలు సోషల్‌ మీడియాలో వైరల్‌గా మారాయి. స్వతంత్ర అభ్యర్థిగా బరిలో ఉన్న పాల్‌కు ఉంగరం గుర్తును ఈసీ కేటాయించింది. ఆయన తన రెండు చేతుల వేళ్లకూ ఉంగరాలు ధరించి పోలింగ్ కేంద్రాల్లో తిరిగారు. చేతికి ఉంగరాలతో రావడం ఎన్నికల నిబంధన ఉల్లంఘన కాదా? అన్న ప్రశ్నకు.. పాల్ తనదైన శైలిలో సమాధానమిచ్చారు. టీఆర్ఎస్ గుర్తు కారు కదా మరి ఆ పార్టీ నేతలు 30వేల కార్లలో తిరుగుతున్నారని కామెంట్ చేశారు. దీనికి సంబంధించిన వీడియో ఇప్పుడు సోషల్‌ మీడియాలో నవ్వులు పూయిస్తోంది.
Share
Election Polling : మునుగోడు ఉపఎన్నిక పోలింగ్ ప్రారంభం.. సాయంత్రం 6 గంటల వరకు పోలింగ్
Bharat Jodo Yatra : సంగారెడ్డి జిల్లాలో భారత్ జోడో యాత్ర జోష్.. రాహుల్ పాదయాత్రలో ఆసక్తికర సన్నివేశాలు
