CM Revanth Reddy: తెలంగాణ రాష్ట్ర ముఖ్యమంత్రి రేవంత్ రెడ్డి పేరుతో.. ఒక డీప్ఫేక్ వీడియో సోషల్ మీడియాలో వైరల్ అవుతోంది. ఏఐ టెక్నాలజీని దుర్వినియోగం చేస్తూ గుర్తు తెలియని వ్యక్తులు ఈ వీడియోను రూపొందించారు.
ఏం జరిగింది?
గుర్తు తెలియని వ్యక్తులు “క్వాంటమ్ AI” అనే వెబ్సైట్ను ప్రమోట్ చేయడానికి.. ఈ డీప్ఫేక్ వీడియోను రూపొందించారు. ఈ వీడియోలో సీఎం రేవంత్ రెడ్డి రూ.21,000 రూపాయలు పెట్టుబడి పెడితే.. రూ. 2 లక్షల రూపాయల లాభం వస్తుందని పేర్కొంటున్నారు. ఆయనే స్వయంగా ఈ స్కీమ్ను ప్రచారం చేస్తున్నట్లుగా ఈ వీడియోలో చూపించబడింది.
అధికారుల స్పందన
ఈ వీడియో వైరల్ కావడంతో పోలీసులు అప్రమత్తమయ్యారు. డీప్ఫేక్ టెక్నాలజీ వాడి, సీఎం వాయిస్, హావభావాలు కృత్రిమంగా మోడలింగ్ చేసి రూపొందించిన ఈ వీడియో.. పూర్తిగా అబద్దమని ప్రాథమిక విచారణలో తేలింది. తెలంగాణ ప్రభుత్వానికి చెందిన “Telangana Fact Check” అధికారికంగా ట్వీట్ చేస్తూ.. ఈ వీడియో ఫేక్ అని స్పష్టం చేసింది. రేవంత్ రెడ్డి ఇలాంటి ప్రకటన ఎప్పుడూ చేయలేదు అని పేర్కొంది.
డీప్ఫేక్ టెక్నాలజీ ప్రమాదకరమా?
డీప్ఫేక్ టెక్నాలజీ పాజిటివ్ వినియోగాల కోసం అయినా, దురుద్దేశాల కోసం దీనిని వాడటం ఆందోళనకరం. ఇందులో, అసలు వ్యక్తి మాట్లాడినట్లుగా.. ఒక కొత్త వీడియోను రూపొందించవచ్చు. ముఖంలోని హావభావాలను, వాయిస్ టోన్ను కూడా ఎడిట్ చేసి, వాస్తవానికి దగ్గరగా ఉన్న కంటెంట్ను.. తయారు చేయడం సాధ్యమవుతుంది.
ప్రస్తుతం సోషల్ మీడియాలో ప్రజలు చూసే వీడియోలు.. నకిలీవేనా, నిజమేనా అన్న అనుమానాలు వెల్లివిరుస్తున్నాయి. ఈ నేపథ్యంలో, ఇలాంటి డీప్ఫేక్ వీడియోలను వాస్తవంగా గుర్తించడం సాధ్యపడటం అంత సులభం కాదు.
మోసపోతున్న ప్రజలు
ఈ డీప్ఫేక్ వీడియోలో ఇచ్చిన లింకులు, స్కీమ్ వివరాలను నమ్మి కొంతమంది డబ్బులు ట్రాన్స్ఫర్ చేసినట్టు.. పోలీసులకు ఫిర్యాదులు అందుతున్నాయి. ఈ సంఘటన ఒక హెచ్చరిక కావాలి. ముఖ్యంగా వృద్ధులు, గ్రామీణ ప్రాంతాల ప్రజలు, డిజిటల్ అవగాహన తక్కువగా ఉన్నవారు.. ఈ మోసాలకు గురయ్యే అవకాశముంది.
పోలీసులు సూచన
సైబర్ క్రైమ్ పోలీసులు ప్రజలను హెచ్చరిస్తూ, సోషల్ మీడియాలో కనిపించే రాజకీయ నాయకుల.. ప్రమోషన్ల వీడియోలను తక్షణం నమ్మొద్దని సూచిస్తున్నారు. ఏదైనా అనుమానాస్పదంగా అనిపిస్తే.. cybercrime.gov.in వెబ్సైట్ లేదా 1930 టోల్ ఫ్రీ నంబర్ ద్వారా ఫిర్యాదు చేయాలి.
Also Read: పక్కా ప్లానింగ్ తో నిందలు వేస్తున్న కేటీఆర్.. మరింత ఘోర పరాభవం తప్పదు
ఈ ఘటన డిజిటల్ యుగంలో.. ఫేక్ సమాచారం ఎంత ప్రమాదకరంగా మారిందో అర్ధం చేసుకోవచ్చు. మీరు ఎప్పుడైనా రాజకీయ నాయకులు, సెలబ్రిటీలు ప్రమోట్ చేస్తున్నట్లు అనిపించే ఆన్లైన్ స్కీమ్లు చూస్తే, వాటిని అధికారికంగా నిర్ధారించుకునే వరకూ నమ్మవద్దు. “వైరల్ వీడియో” అనే పదం కన్నా “వెరిఫైడ్ వీడియో” అనే పదాన్ని మాత్రమే నమ్మండి.
Share
Brahmamudi Serial Today July 18th: ‘బ్రహ్మముడి’ సీరియల్: రేవతిని ఇంటికి తీసుకొస్తానన్న కావ్య – ఎమోషనల్ గా ఫీల్ అయిన ఇంద్రాదేవి
Hyderabad News: హైదరాబాద్లో భారీ వర్షాలు.. జలమండలి అలర్ట్, ఆ పని చేయవద్దని ప్రజలకు సూచన
