కొత్త పింఛన్లపై రేవంత్ సర్కార్ కోతలు.. ఈ రూల్స్ బ్రేక్ చేస్తే పింఛన్లు బంద్!

New Pensions: తెలంగాణ ప్రభుత్వం కొత్త పింఛన్ల మంజూరుకు సంబంధించిన కీలక మార్గదర్శకాలను ఖరారు చేసింది. అర్హులైన లబ్ధిదారులను ఎంపిక చేసేందుకు వీలుగా ఆదాయం, ఆస్తులు ఇంట్లోని వ్యక్తుల ఉద్యోగ స్థితికి సంబంధించిన కఠిన నిబంధనలను ప్రభుత్వం విధిస్తూ నిర్ణయం తీసుకుంది.

ఈ పరిమితి దాటితే..

గ్రామీణ ప్రాంతాల్లో కుటుంబ వార్షిక ఆదాయం రూ. 1.50 లక్షలు, పట్టణ ప్రాంతాల్లో రూ. 2 లక్షలు మించకూడదు. ఈ పరిమితి దాటితే కొత్త పింఛన్లకు అనర్హులుగా పరిగణిస్తారు. ఇక కుటుంబానికి 3 ఎకరాలకు మించి సాగు భూమి లేదా 7.5 ఎకరాలకు మించి మెట్ట భూమి ఉంటే పింఛన్ లభించదు. అలాగే సొంతంగా ఫోర్ వీలర్స్ (కార్లు), రైస్ మిల్లులు, పెట్రోల్ పంపులు ఉన్న కుటుంబాలు కూడా అనర్హుల జాబితాలోకి వస్తాయి.

Also Read: వరదలో చిక్కుకున్న కారు.. ప్రాణాలకు తెగించి కుటుంబాన్ని రక్షించిన స్థానికులు

ఔట్‌సోర్సింగ్ ఉద్యోగాలు..

ఇంట్లోని పిల్లలు, కుటుంబ సభ్యులు ప్రభుత్వ, ప్రైవేట్, కాంట్రాక్ట్, ఔట్‌సోర్సింగ్ ఉద్యోగాలు చేస్తున్నా లేదా వృత్తి నిపుణులుగా ఉన్నా ఆ కుటుంబానికి పింఛన్ సదుపాయం వర్తించదు. ఇప్పటికే ప్రభుత్వం నుంచి ఇతర రకాల పింఛన్లు పొందుతున్న వారు కొత్త పింఛన్ దరఖాస్తులకు అనర్హులని అధికారులు స్పష్టం చేశారు. అర్హులైన నిరుపేదలకు మాత్రమే సంక్షేమ ఫలాలు అందాలనే లక్ష్యంతోనే ఈ నూతన మార్గదర్శకాలను రూపొందించినట్లు అధికారులు వెల్లడించారు.

Also Read: ఒకేసారి ఇద్దరిని ప్రేమించడం కరెక్టేనా? కొత్త డేటింగ్ ట్రెండ్.. ఎథికల్ నాన్ మోనోగమీ