Hyderabad: తెలంగాణ అసెంబ్లీ సమీపంలో బీఆర్ఎస్ మహిళా ఎమ్మెల్యేల ఘటనపై హైకోర్టు కీలక ఉత్తర్వులు జారీ చేసింది. మహిళాఎమ్మెల్యేలతో దురుసుగా ప్రవర్తించిన పోలీసులను గుర్తించాలని ఆదేశించింది. ఈ మేరకు డీజీపీకి ఆదేశాలు జారీ చేసింది న్యాయస్థానం. దీంతో సదరు ఎమ్మెల్యే ఘటన వ్యవహారం కొత్త మలుపు తిరిగింది.
తెలంగాణ అసెంబ్లీ సమావేశాలు సెప్టెంబర్ ఏడున మొదలయ్యాయి. సమావేశాల తొలిరోజు బీఆర్ఎస్ ఎమ్మెల్యేలు నల్ల దుస్తులను ధరించి అసెంబ్లీకి బయలుదేశారు. అయితే అసెంబ్లీ ఆవరణలో వారిని పోలీసులు అడ్డుకున్నారు. అసెంబ్లీ సమీపంలో బీఆర్ఎస్ ఎమ్మెల్యేలు, ఎమ్మెల్సీలు-పోలీసుల మధ్య ఘర్షణ జరిగింది. దీనిపై బీఆర్ఎస్ మహిళా ఎమ్మెల్యేలు న్యాయస్థానం తలుపు తట్టారు.
ఈ పిటిషన్ను మంగళవారం విచారించిన తెలంగాణ హైకోర్టు కీలక వ్యాఖ్యలు చేసింది. బీఆర్ఎస్ మహిళా ఎమ్మెల్యేలు పోలీసులతో అసభ్యంగా ప్రవర్తించారన్న వాదనకు ఆధారాలు లేవని పేర్కొంది. మహిళా ఎమ్మెల్యేల పట్ల దురుసుగా ప్రవర్తించిన పోలీసులను గుర్తించాలని డీజీపీని ఆదేశించింది. ఈ ఘటనకు బాధ్యులైన పోలీసులను గుర్తించి, వారిపై చర్యలు తీసుకునేలా సమగ్ర నివేదిక సిద్ధం చేయాలని సూచించింది.
ALSO READ: రేవంత్కు మైండ్ దొబ్బింది.. మంచి డాక్టర్కి చూపించండి: రాంచందర్ రావు
అందుకు సంబంధించిన నివేదికను అసెంబ్లీ స్పీకర్ ముందు ఉంచాలని ఆదేశాలు జారీ చేసింది. పోలీసులు.. స్పీకర్ ఆదేశాల మేరకు వ్యవహరిస్తే వారిపై చర్యలు తీసుకునే అంశం స్పీకర్ పరిధిలోకి ఉంటుందని స్పష్టం చేసింది. ఈ సందర్భంగా అసెంబ్లీ స్పీకర్ అధికారాలను గుర్తు చేసింది. మరి డీజీపీ నివేదికపై ఇంకెంత రాద్ధాంతం జరుగుతుందో చూడాలి.
Share
ప్రతి నెలా డబ్బు ఆదా చేయలేకపోతున్నారా? ఖర్చులు తగ్గించుకోవడానికి బదులుగా ఈ ట్రిక్ ట్రై చేయండి!
హయబుసా కొత్త వెర్షన్ వచ్చేసింది.. ధర, ఫీచర్లు చూస్తే మతిపోవాల్సిందే!
