హైకోర్టులో ట్రైనీ ఐపీఎస్ ఉదయ్ కృష్ణారెడ్డికి ఎదురుదెబ్బ!

Potency Test: పొటెన్సీ టెస్టుపై హైకోర్టులో పిటిషన్ దాఖలు చేసిన ట్రైనీ ఐపీఎస్ ఉదయ్ కృష్ణారెడ్డికి హైకోర్టులో ఎదురుదెబ్బ తగిలింది. కిందికోర్టు ఇచ్చిన ఆదేశాల్లో జోక్యం చేసుకోలేమని పేర్కొన్న హైకోర్టు స్టే ఇవ్వటానికి నిరాకరించింది. హైదరాబాద్ లోని సర్ధార్ వల్లబ్ భాయ్ పటేల్ నేషనల్ పోలీస్ అకాడమీలో ఉదయ్ కృష్ణారెడ్డి ఐపీఎస్ ట్రైనింగ్ లో ఉన్న విషయం తెలిసిందే.

పొటెన్సీ టెస్ట్..

కాగా, తోటి మహిళా ట్రైనీ ఇటీవల తనపై లైంగిక వేధింపులకు పాల్పడటంతోపాటు చంపేస్తానని బెదిరించాడని ఉదయ్ కృష్ణారెడ్డిపై అత్తాపూర్ పోలీసులకు ఫిర్యాదు చేసింది. ఈ మేరకు కేసులు నమోదు చేసిన పోలీసులు ఉదయ్ కృష్ణారెడ్డిని అరెస్ట్ చేశారు. కాగా, కేసు విచారణలో భాగంగా ఉదయ్ కృష్ణారెడ్డికి పొటెన్సీ టెస్ట్ నిర్వహించడం కీలకమని భావించిన పోలీసులు రాజేంద్రనగర్ కోర్టులో పిటిషన్ వేశారు.

Also read: అంజయ్యనగర్‌లో మరో 5 అక్రమ భవనాలు గుర్తింపు.. రంగంలోకి హైడ్రా, సీఎమ్‌సీ!

ఆదేశాలు జారీ..

దీనిపై విచారణ జరిపిన కోర్టు పొటెన్సీ టెస్ట్ కు అనుమతులిస్తూ ఆదేశాలు జారీ చేసింది. వీటిని సవాల్ చేస్తూ ఉదయ్ కృష్ణారెడ్డి హైకోర్టులో పిటిషన్ వేశారు. దీనిపై విచారణ జరిపిన హైకోర్టు స్టే ఇచ్చేందుకు నిరాకరిస్తూ తదుపరి విచారణను వాయిదా వేసింది.

Also Read: తమిళనాడు అసెంబ్లీలో.. సీఎం విజయ్ సంచలన ప్రకటనలు