Air India Travel Advisory: అమెరికాకు వెళ్లాలనుకునే లేదంటే అక్కడి నుంచి భారత్‌కు తిరిగి వచ్చే విమాన ప్రయాణికులకు ఎయిర్ ఇండియా కీలక సూచన చేసింది. అమెరికాలోని పలు విమానాశ్రయాల్లో సమాచార వ్యవస్థలో అంతరాయం ఏర్పడిన నేపథ్యంలో విమాన సర్వీసులపై ప్రభావం పడే అవకాశం ఉందని హెచ్చరించింది. ఈ పరిస్థితుల కారణంగా విమానాల రాకపోకల్లో ఆలస్యం కావడంతో పాటు పలు మార్పులు చోటుచేసుకోవచ్చని తెలిపింది. అమెరికా విమానాశ్రయాల్లో ఏర్పడిన అంతరాయంపై ప్రయాణికులు అప్రమత్తంగా ఉండాలని సూచిస్తూ ఎయిర్ ఇండియా ట్రావెల్ అడ్వైజరీ విడుదల చేసింది.
అమెరికాలో విమాన రాకపోకలకు సంబంధించిన సమాచార వ్యవస్థలో అంతరాయం ఏర్పడటంతో దేశ వ్యాప్తంగా విమాన కార్యకలాపాలకు ఇబ్బందులు ఎదురయ్యాయి. ఈ నేపథ్యంలో అమెరికాకు రాకపోకలు సాగించే తమ విమాన సర్వీసుల షెడ్యూల్‌లో మార్పులు జరిగే అవకాశం ఉందని ఎయిర్ ఇండియా ప్రకటించింది. ముఖ్యంగా అమెరికాకు వెళ్లేందుకు ఇప్పటికే టికెట్లు బుక్ చేసుకున్న ప్రయాణికులు తమ ప్రయాణానికి ముందు ఫ్లైట్ స్టేటస్ తప్పనిసరిగా చెక్ చేయాలని సూచించింది. విమానాశ్రయానికి బయలుదేరే ముందు తాజా సమాచారాన్ని తెలుసుకోవడం ద్వారా అనవసరమైన ఇబ్బందులను నివారించుకోవచ్చని తెలిపింది.
ప్రయాణికులు ఎయిర్ ఇండియా అధికారిక వెబ్‌సైట్‌ను చూసి తమ విమానానికి సంబంధించిన తాజా వివరాలను తెలుసుకోవాలని కంపెనీ సూచించింది. విమానం సమయానికి బయలుదేరుతుందా? ఆలస్యం ఉందా? షెడ్యూల్‌లో ఏమైనా మార్పులు జరిగాయా? అనే వివరాలను ముందుగానే చెక్ చేసుకోవాలన్నది. ఫ్లైట్ స్టేటస్ ను బట్టి విమానాశ్రయానికి చేరుకునే సమయాన్ని ప్లాన్ చేసుకోవడం మంచిదని వెల్లడించింది.
అమెరికా విమానాశ్రయాల్లో నెలకొన్న పరిస్థితులను తమ టీమ్స్ నిరంతరం పర్యవేక్షిస్తున్నాయని ఎయిర్ ఇండియా వెల్లడించింది. ప్రయాణికులకు ఎలాంటి ఇబ్బందులు కలగకుండా అవసరమైన సమాచారాన్ని ఎప్పటికప్పుడు అందిస్తామని తెలిపింది. పరిస్థితిలో వచ్చే మార్పులను బట్టి తదుపరి ప్రయాణ సూచనలు జారీ చేస్తామని పేర్కొంది. అమెరికాకు ప్రయాణించేవారు విమానాశ్రయానికి వెళ్లే ముందు అధికారిక వెబ్‌సైట్‌లో తాజా వివరాలను పరిశీలించడం మంచిదని తెలిపింది.
Read Also: ప్రపంచం చూపు భారత్‌పైనే..టూరిస్టులను కట్టిపడేసే 10 అద్భుత ప్రదేశాలు ఇవే!
Share
జనసేన లేకపోతే కూటమికి ఆ ఓట్లు కూడా వచ్చేవి కావు: బొత్స సత్యనారాయణ
అచ్చమైన పల్లెటూరి రుచిలో..నోరూరించే చేమగడ్డ పులుసు
