E-Paper
Advertisement

అరకు రైల్వే మార్గం వెనుక ఆసక్తికర కథ.. మన కోసం కాదు, జపాన్ కోసం నిర్మించారా?

అరకు రైల్వే మార్గం వెనుక ఆసక్తికర కథ.. మన కోసం కాదు, జపాన్ కోసం నిర్మించారా?
Advertisement

Araku Train Route History: అరకు రైలు ప్రయాణం అనగానే పచ్చని కొండలు, లోయలు, జలపాతాలు, చుట్టూ ప్రకృతి అందాలు గుర్తుకొస్తాయి. ముఖ్యంగా రైలు ప్రయాణంలో కనిపించే సొరంగాలు, ఎత్తైన వంతెనలు పర్యాటకులను మంత్రముగ్ధులను చేస్తాయి. అయితే, ఈ అందమైన రైల్వే మార్గం వెనుక చాలా మందికి తెలియని ఆసక్తికరమైన చరిత్ర కూడా ఉంది. ఈ మార్గం నిర్మాణం అసలు మన కోసం కాకుండా జపాన్ కోసం నిర్మించారంటే ఆశ్చర్యం కలగకమానదు. అసలు జపాన్‌కు మన అరకు రైల్వే మార్గంతో సంబంధం ఏంటి? ఈ రైలు మార్గం ఎలా ఏర్పడింది?  అంటే..

జపాన్‌కు ఇనుప ఖనిజం సరఫరా కోసం..

1960వ దశకంలో జపాన్ లో ఇండస్ట్రియల్ రెవల్యూషన్ మొదలయ్యింది. అక్కడి ఉక్కు పరిశ్రమలకు భారీగా ఇనుప ఖనిజం అవసరం అయ్యింది. అప్పుడే జపాన్ ఫోకస్ ఇండియా వైపు మళ్లింది. దేశంలో అద్భుతమైన ఇనుప ఖనిజం ఉన్నట్లు గుర్తించింది. ఛత్తీస్‌గఢ్‌లోని బైలాడిలా ప్రాంతంలో అత్యుత్తమ నాణ్యత కలిగిన ఇనుప ఖనిజ నిక్షేపాలు ఉన్నట్లు కనిపెట్టింది. ఈ ఖనిజాన్ని జపాన్‌కు ఎగుమతి చేయాలంటే గనుల నుంచి సముద్ర తీరానికి రవాణా చేసే సౌకర్యం అవసరమైంది. ఈ నేపథ్యంలోనే బైలాడిలా నుంచి విశాఖపట్నం పోర్టుకు ఇనుప ఖనిజాన్ని తరలించే రైల్వే మార్గానికి ప్రాధాన్యత ఏర్పడింది. ఈ రవాణా వ్యవస్థలో కిరండూల్‌-కొత్తవలస రైల్వే మార్గం కీలకంగా మారింది.

తూర్పు కనుమలను చీల్చుకుంటూ రైల్వే నిర్మాణం

Advertisement

బైలాడిలా నుంచి విశాఖపట్నం వరకు రైల్వే లైన్ వేయడం అంత ఈజీ కాదు. మధ్యలో తూర్పు కనుమలు (Eastern Ghats) అడ్డుగా ఉన్నాయి. ఎత్తైన కొండలు, లోతైన లోయలు, దట్టమైన అడవుల మధ్య రైల్వే మార్గాన్ని నిర్మించాల్సి వచ్చింది. ఈ ప్రాజెక్టులో భాగంగా కొండలను తొలిచి ఏకంగా 58 సొరంగాలు నిర్మించారు. అంతేకాదు, లోయలను దాటేందుకు 84 పెద్ద వంతెనలను ఏర్పాటు చేశారు. అత్యంత కఠినమైన భౌగోళిక పరిస్థితుల్లో రైల్వే లైన్ నిర్మించడం అప్పట్లో ఇంజినీర్లకు పెద్ద సవాలుగా మారింది.

జపాన్ సహకారంతో సాకారమైన ప్రాజెక్టు

ఈ రైల్వే మార్గం నిర్మాణంలో జపాన్ సహకారం కూడా కీలకంగా నిలిచింది. బైలాడిలా ఇనుప ఖనిజాన్ని విశాఖపట్నం పోర్టుకు తరలించి, అక్కడి నుంచి జపాన్‌కు ఎగుమతి చేయాలన్న లక్ష్యంతో ఈ రవాణా వ్యవస్థను అభివృద్ధి చేశారు. కిరండూల్‌-కొత్తవలస రైల్వే లైన్ ఈ అవసరాన్ని తీర్చడంలో కీలక పాత్ర పోషించింది.

ఆరు దశాబ్దాలైనా అదే మార్గంలో ఇనుస ఖనిజం రవాణా

Advertisement

ఈ రైల్వే మార్గం అందుబాటులోకి వచ్చి దాదాపు ఆరు దశాబ్దాలు గడుస్తున్నా ఇప్పటికీ  తగ్గలేదు. బైలాడిలా గనుల నుంచి వెలికితీసిన ఇనుప ఖనిజాన్ని రైళ్ల ద్వారా విశాఖపట్నం పోర్టుకు తరలిస్తున్నారు. అక్కడి నుంచి ఇతర ప్రాంతాలకు, విదేశాలకు ఎగుమతి చేస్తున్నారు. అయితే, ఈ రైల్వే మార్గం కేవలం పారిశ్రామిక అవసరాలకే పరిమితం కాలేదు. నెమ్మది నెమ్మదిగా ప్రయాణికులకు కూడా అందుబాటులోకి వచ్చింది. ముఖ్యంగా విశాఖపట్నం నుంచి అరకు మీదుగా కిరండూల్‌ వరకు వెళ్లే రైలు ప్రయాణం పర్యాటకులకు ప్రత్యేక అనుభూతిని అందిస్తోంది. అందుకే అరకు రైల్వే మార్గం కేవలం ప్రకృతి అందాలను చూపించే ప్రయాణం మాత్రమే కాదు.. భారత పారిశ్రామిక చరిత్రను, ఇంజినీరింగ్ నైపుణ్యాన్ని గుర్తుచేసే అద్భుత నిర్మాణంగా చెప్పుకోవచ్చు.

Read Also: కిటికీలో నుంచి చూస్తే స్వర్గమే.. జీవింతంలో ఒక్కసారైన చూడాల్సిన 5 అద్భుతమైన రైలు మార్గాలు!

Tags

Related News

ఇండియా vs చైనా.. ఏ దేశంలో రైలు ప్రయాణం బెటర్? నెట్టింట వీడియో వైరల్..

ఇండియన్ ఫస్ట్ బుల్లెట్ ట్రైన్ రూట్ ఫిక్స్.. ఎక్కడెక్కడ ఆగుతుందంటే?

హైదరాబాద్-చెన్నై బుల్లెట్ ట్రైన్.. ఏపీ రూట్ ఓకే.. మరి బ్రేక్ ఎక్కడ పడింది?

పెళ్లిరోజు రాత్రి మహారాణికి జరిగిన అవమానం..ఉదయ్‌పూర్ ‘రూఠీ రాణి మహల్’ ఆసక్తికర కథ

కిటికీలో నుంచి చూస్తే స్వర్గమే.. జీవింతంలో ఒక్కసారైన చూడాల్సిన 5 అద్భుతమైన రైలు మార్గాలు!

రాత్రి అయితే చాలు.. ఈ ప్రదేశాలు మరో ప్రపంచంలా మారిపోతాయి!

రైలు పట్టాలు ఎందుకు తుప్పు పట్టవు? దీని వెనుక మ్యాజిక్ ఏంటి? ఓతూరి తెలుసుకుంటే పోలా!

Big Stories

Advertisement
×