కేరళలోని మున్నార్ హిల్ స్టేషన్ గురించి పెద్దగా పరిచయం అవసరం లేదు. సీజన్ తో సంబంధం లేకుండా నిత్యం వేలాది మంది పర్యాటకులు ఈ ప్రదేశాన్ని సందర్శిస్తారు. ఇండియాలోని బెస్ట్ హిల్ స్టేషన్లలో ఒకటిగా గుర్తింపు తెచ్చుకున్న మున్నార్.. ఇప్పుడు మరో ఘనత సాధించింది. 2025 సంవత్సరానికి ఆసియాలోని టాప్ రూరల్ డెస్టినేషన్స్ లో ఒకటిగా గుర్తింపు తెచ్చుకుంది. గ్లోబల్ ట్రావెల్ ప్లాట్‌ఫామ్ అగోడా ఈ ర్యాంకింగ్‌ను విడుదల చేసింది. రోలింగ్ టీ తోటలు, పొగమంచుతో కప్పబడిన లోయలు, చల్లని వాతావరణానికి ప్రసిద్ధి చెందిన మున్నార్, ప్రకృతి అన్వేషకులు ఎంతగానో ఇష్టపడుతారు. తాజా నివేదిక ఆసియాలోని ఎనిమిది బెస్ట్ రూరల్ డెస్టినేషన్స్ లో ఒకటిగా గుర్తింపు పొందింది. ఈ ప్రాంతం సహజ ఆకర్షణ, ప్రశాంతమైన వెదర్ పర్యాటకులను ఎంతగానో ఆకట్టుకుంటుంది.
పశ్చిమ కనుమలలో ఉన్న మున్నార్ టీ తోటలు, కొండలు, లోయలు, జలపాతాలతో కనువిందు చేస్తుంది. ట్రెక్కింగ్, పక్షుల సందడి, బోటింగ్ లాంటి సాహస క్రీడలకు అనుకూలంగా ఉంటుంది. అరుదైన నీలకురింజి పువ్వుకు నిలయం. ఇది ప్రతి 12 సంవత్సరాలకు ఒకసారి వికసించి కొండలను నీలిరంగులోకి మారుస్తుంది. ఈ అద్భుత దృశ్యాలను చూసేందుకు ఎక్కువగా పర్యాటకులు తరలి వస్తారు.
⦿ ఎరవికులం నేషనల్ పార్క్: అంతరించిపోతున్న నీలగిరి తహర్, అనముడి శిఖరం అద్భుతమైన దృశ్యాలకు ప్రసిద్ధి చెందింది.
⦿ మట్టుపెట్టి డ్యామ్: దట్టమైన కొండలు, టీ తోటల మధ్య ఉన్న ఈ ప్రసిద్ధ బోటింగ్ ప్రదేశం అందరినీ ఆకట్టుకుంటుంది.
⦿ టీ తోటలు, టాటా టీ మ్యూజియం: మున్నార్ అంతా ఆకుపచ్చగా కనువిందు చేస్తుంది. టీ సాగు వారసత్వాన్ని గుర్తించే మ్యూజియం ఆకట్టుకుంటుంది.
⦿ టాప్ స్టేషన్: విశాలమైన లోయ దృశ్యాలను ఇక్కడి నుంచి చూసే అవకాశం ఉంటుంది.
⦿ అట్టుకల్ జలపాతాలు: అందంమైన జలపాతాలను చూస్తూ ప్రశాంతమైన విశ్రాంతి తీసుకోవడానికి ఈ ప్రాంతం ఎంతో ఉపయోగపడుతుంది.
సంవత్సరంలో ఎక్కువ భాగం మున్నార్ లో ఆహ్లాదకరమైన వాతావరణం ఉంటుంది. సెప్టెంబర్, మార్చి మధ్య సందర్శించడానికి బెస్ట్ టైమ్ గా చెప్పుకోవచ్చు. దేశంలోని ఇతర ప్రాంతాలలో వేసవి (ఏప్రిల్-జూన్)హిల్ స్టేషన్ల మాదిరిగానే ఈ హిల్ స్టేషన్ కు కూడా పెద్ద సంఖ్యలో పర్యటలకులు తరలి వస్తారు. అయితే వర్షాకాలం (జూలై-ఆగస్టు) భారీ వర్షాలు వస్తాయి. వర్షాల నడుమ కొండలు మరింత ఆకుపచ్చగా, అందంగా కనిపిస్తాయి.
దేశంలోని అన్ని ప్రాంతాల నుంచి కొచ్చి అంతర్జాతీయ విమానాశ్రయానికి విమాన సర్వీసులు ఉంటాయి. ఇక్కడి నుంచి సుమారు 110 కి.మీ దూరంలో మున్నారు ఉంటుంది. బస్సు, టాక్సీ, ప్రైవేట్ కారు ద్వారా అక్కడికి వెళ్లొచ్చు.
అగోడా విడుదల చేసిన ఈ లిస్టు గ్రామీణ పర్యాటక రంగంపై పెరుగుతున్న ఆసక్తిని హైలైట్ చేసింది. మున్నార్ ఈ జాబితాలో ఏడవ స్థానంలో నిలిచింది. ఈ లిస్టులో మొత్తం8 ప్రాంతాలు ఏవో ఇప్పుడు తెలుసుకుందాం..
1.కామెరాన్ హైలాండ్స్, మలేషియా
2.ఖావో యాయ్, థాయిలాండ్
3.పున్‌ కాక్, ఇండోనేషియా
4.ఫుజికావాగుచికో, జపాన్
5.కెంటింగ్, తైవాన్
6.సాపా, వియత్నాం
7.మున్నార్, భారత్
8.ప్యోంగ్‌ చాంగ్, దక్షిణ కొరియా
Read Also: ప్రపంచంలోనే అత్యంత వేగంగా ప్రయాణించే 10 రైళ్లు ఇవే.. స్పీడ్ ఎంతో తెలిస్తే షాకవ్వాల్సిందే!
Share
Bank Robbery: బ్యాంకు నుంచి 5 లక్షలు దోచుకున్న 12 ఏళ్ల కుర్రాడు.. ఏంటీ షాకయ్యారా? ఎక్కడో కాదు ఇక్కడే!
Ananya Pandey: మాల్దీవ్స్ లో వెకేషన్ ఎంజాయ్ చేస్తున్న అనన్య.. ఫోటోలు వైరల్!
