వర్షాకాలంలో కొండ ప్రాంతాలు పచ్చదనంతో ఎంతో అందంగా కనిపిస్తాయి. చల్లని గాలులు, మేఘాలతో కప్పుకున్న పర్వతాలు ప్రతి ఒక్కరినీ ఆకర్షిస్తాయి. అయితే ఈ కాలంలో కొన్ని హిల్ స్టేషన్లకు వెళ్లడం ప్రమాదకరంగా మారవచ్చు. భారీ వర్షాల కారణంగా కొండచరియలు విరిగిపడటం, ఆకస్మిక వరదలు రావడం, రహదారులు దెబ్బతినడం వంటి సమస్యలు తరచూ ఎదురవుతుంటాయి. అందుకే వర్షాకాలంలో ప్రయాణానికి ముందు వాతావరణ పరిస్థితులను తప్పకుండా తెలుసుకోవాలి.
దేశంలోని హిల్ స్టేషన్లలో మసూరీ టాప్. వర్షాకాలంలో ఈ ప్రాంతం ఎంతో అందంగా కనిపించినా, భారీ వర్షాల వల్ల కొండచరియలు విరిగిపడే ప్రమాదం ఎక్కువగా ఉంటుంది. కొన్ని సందర్భాల్లో రహదారులు దెబ్బతిని ప్రయాణానికి ఆటంకం కలుగుతుంది. అందువల్ల ఈ కాలంలో మసూరీ ప్రయాణాన్ని వీలైనంత వరకు వాయిదా వేయడం మంచిది.
మనాలి దేశంలోని అత్యంత ప్రసిద్ధ పర్యాటక ప్రాంతాల్లో ఒకటి. అయితే వర్షాకాలంలో ఇక్కడ మేఘ విస్ఫోటనాలు, నదుల నీటిమట్టం పెరగడం, రహదారులు దెబ్బతినడం వంటి సమస్యలు ఎదురవుతాయి. ఈ పరిస్థితుల్లో ప్రయాణం ప్రమాదకరంగా మారే అవకాశం ఉంటుంది.
టీ తోటలు, ప్రకృతి అందాలకు ప్రసిద్ధి చెందిన మున్నార్‌లో వర్షాకాలంలో భారీ వర్షాలు కురుస్తాయి. దీంతో కొండచరియలు విరిగిపడటం, వరదలు రావడం వంటి పరిస్థితులు ఏర్పడవచ్చు. చాలా మార్గాలు తాత్కాలికంగా మూసివేయబడే అవకాశం కూడా ఉంటుంది.
నైనిటాల్ వర్షాకాలంలో మరింత అందంగా కనిపిస్తుంది. కానీ ఈ సమయంలో రహదారులు జారుడుగా మారుతాయి. కొండచరియలు విరిగిపడే ప్రమాదం కూడా పెరుగుతుంది. కాబట్టి ఈ ప్రాంతానికి వెళ్లాలనుకుంటే ప్రత్యేక జాగ్రత్తలు తీసుకోవాలి.
సిక్కిం రాజధాని గ్యాంగ్‌టక్ ప్రశాంతమైన వాతావరణానికి ప్రసిద్ధి. అయితే వర్షాకాలంలో ఆకస్మిక వరదలు, కొండచరియలు విరిగిపడటం వల్ల రవాణా సౌకర్యాలు దెబ్బతింటాయి. కొన్ని ప్రాంతాల్లో పర్యాటకుల ప్రవేశాన్ని కూడా తాత్కాలికంగా నిలిపివేస్తారు.
షిమ్లా కూడా వర్షాకాలంలో అందంగా కనిపిస్తుంది. కానీ ఈ సమయంలో తరచూ కొండచరియలు విరిగిపడటం, భారీ ట్రాఫిక్ సమస్యలు, జారుడుగా ఉండే రహదారులు ప్రయాణాన్ని ఇబ్బందికరంగా మారుస్తాయి. వర్షాకాలంలో శిమ్లా పర్యటనను జాగ్రత్తగా ప్లాన్ చేయాలి.
డార్జిలింగ్ పచ్చని లోయలు వర్షాకాలంలో మరింత ఆకర్షణీయంగా ఉంటాయి. అయినప్పటికీ భారీ వర్షాల కారణంగా కొండచరియలు విరిగిపడటం, రహదారులు మూసివేయడం వంటి సమస్యలు సాధారణంగా కనిపిస్తాయి. ప్రయాణానికి ముందు వాతావరణ సమాచారాన్ని ఎప్పటికప్పుడు తప్పకుండా తెలుసుకోవాలి.
Also Read: వర్షాకాలంలో స్వర్గాన్ని తలపించే హిల్ స్టేషన్.. దేశంలో టాప్ ట్రావెల్ డెస్టినేషన్స్‌లో స్థానం
వర్షాకాలంలో కొండ ప్రాంతాలకు వెళ్లే ముందు భారత వాతావరణ శాఖ హెచ్చరికలను పరిశీలించాలి. భారీ వర్షాల హెచ్చరికలు ఉంటే ప్రయాణాన్ని వాయిదా వేయడం మంచిది. స్థానిక అధికారుల సూచనలను తప్పకుండా పాటించాలి. అవసరమైన మందులు, వెచ్చని దుస్తులు, రెయిన్‌కోట్, టార్చ్ వంటి వస్తువులను వెంట తీసుకెళ్లాలి. భద్రతకు ప్రాధాన్యం ఇస్తే ప్రయాణం మరింత సురక్షితంగా ఉంటుంది.
వర్షాకాలంలో కొండ ప్రాంతాల అందాలు ఎంత ఆకట్టుకున్నా, భద్రతను నిర్లక్ష్యం చేయకూడదు. సరైన ప్రణాళికతో ప్రయాణిస్తే ప్రమాదాలను నివారించవచ్చు.
Share
Gundeninda Gudigantalu Shruthi : ' గుండెనిండా గుడిగంటలు ' శృతి ఏం చదివిందో తెలుసా..?
Intinti Ramayanam Today Episode: చక్రధర్ కు పల్లవి స్ట్రాంగ్ వార్నింగ్.. మీనాక్షికి ఘోర అవమానం.. శ్రీయ దెబ్బకు ఫ్యూజుల్ అవుట్..
