Indian Railway Pay Later Scheme: ప్రయాణీకులకు రోజు రోజుకు మెరుగైన సేవలు అందించేందుక భారతీయ రైల్వే కీలక నిర్ణయాలు తీసుకుంటుంది. ముఖ్యంగా టికెట్లు బుక్ చేసుకునే విషయంలో ఎలాంటి ఇబ్బందులు కలగకుండా జాగ్రత్తలు తీసుకుంటుంది. ఇందులో భాగంగానే డబ్బులు లేకపోయినా టికెట్లు బుక్ చేసుకునేలా ఓ స్కీమ్ ను అందుబాటులోకి తీసుకొచ్చింది. దీనికి ‘ఇప్పుడే బుక్ చేసుకోండి, తర్వాత చెల్లించండి’ పేరుతో ఈ పథకాన్ని పరిచయం చేసింది. టికెట్లు బుక్ చేసుకున్న తర్వాత 14 రోజుల వరకు డబ్బులు చెల్లించే అవకాశం ఉంటుంది. ఒకవేళ మీ దగ్గర కూడా డబ్బులు లేని సమయంలో ఈ పథకాన్ని ఉపయోగించుకోవచ్చు. ఇంతకీ ఈ పథకాన్ని ఎలా ఉపయోగించుకోవాలో స్టెప్ బై స్టెప్ ఇప్పుడు తెలుసుకుందాం.
డబ్బులు చెల్లించకుండా కన్ఫార్మ్ టికెట్ పొందే అవకాశం
డబ్బులు లేని సమయంలో దీనిని ఉపయోగించుకోవచ్చు. ఈ ప్రక్రియ అంతా ఆన్ లైన్ ద్వారానే చేసుకోవాల్సి ఉంటుంది. ఈ పథకాన్ని యూజ్ చేసుకునేందుకు ఈ క్రింది స్టెప్పులను ఫాలో అయితే సరిపోతుంది.
⦿ ముందుగా మీ IRCTC అకౌంట్ లోకి లాగిన్ కావాల్సి ఉంటుంది. ఆ తర్వాత, ‘ఇప్పుడే బుక్ చేసుకోండి’ ఆప్షన్ మీద క్లిక్ చేయాలి.
⦿ మీరు ప్రయాణీకుల వివరాలను, క్యాప్చా కోడ్ ను టైప్ చేయాల్సిన కొత్త పేజీ ఓపెన్ అవుతుంది. దాన్ని ఫిల్ చేసి సబ్ మిట్ చేయాల్సి ఉంటుంది.
⦿ చెల్లింపులకు సంబంధించిన పేజీ ఓపెన్ అవుతుంది. మీరు క్రెడిట్, డెబిట్, BHIM యాప్ తో పాటు నెట్ బ్యాంకింగ్ ద్వారా చెల్లింపులు చేసే అవకాశం ఉంటుంది.
⦿ మీరు ‘పే లేటర్’ అనే అవకాశాన్ని వినియోగించుకోవాలంటే.. www.epaylater.in లో ముందుగా నమోదు చేసుకోవాల్సి ఉంటుంది.
⦿ www.epaylater.in లో నమోదు చేసుకున్న తర్వాత.. మీకు చెల్లింపులకు సంబంధించి ఆప్షన్ కనిపిస్తుంది. అప్పుడు ‘పే లేటర్’ అనే ఎంపికను సెలెక్ట్ చేసుకున్న తర్వాత, మీరు డబ్బులు లేకుండానే కన్ఫార్మ్ రైలు టికెట్ ను పొందే అవకాశం ఉంటుంది.
⦿ టికెట్ రిజర్వేషన్ తర్వాత 14 రోజుల్లోపు మీరు డబ్బులు చెల్లించాల్సి ఉంటుంది. ఇందుకోసం 3.5 శాతం సర్వీస్ ఛార్జ్, జీఎస్టీ చెల్లించాలి. నిర్ణీత కాలపరిమితిలోపు చెల్లింపు చేస్తే, ఎలాంటి అదనపు ఛార్జ్ చెల్లించాల్సిన అవసరం లేదు. ఒకవేళ ఆలస్యం అయితే 36% వరకు జరిమానా వడ్డీని కలిగి ఉండవచ్చు.
ఈ పథకాన్ని తత్కాల్ టికెట్ల కోసం ఉపయోగించుకోవచ్చా?
‘పే లేటర్’ పథకాన్ని తత్కాల టికెట్లకు కూడా ఉపయోగించుకునే అవకాశం ఉంది. కానీ, కొన్ని కారణాల వల్ల దీనిని ఉపయోగించుకునేందుకు ఎక్కువగా ఇష్టపడరు. తత్కాల్ బుకింగ్స్ అనేవి నిమిషాల్లోనే అయిపోతాయి. కానీ, ఈ స్కీమ్ ఉపయోగించుకోవడానికి థర్డ్ పార్టీ సైట్ కు తీసుకెళ్తుంది. సమయం ఎక్కువగా పట్టే అవకాశం ఉంటుంది. బుకింగ్ ప్రక్రియను లేట్ చేస్తుంది. ఫలితంగా టికెట్లు అయిపోయే అవకాశం ఉంటుంది. అందుకే ఎక్కువ మంది UPI, డెబిట్/క్రెడిట్ కార్డ్లు, IRCTC iPay ద్వారా తత్కాల్ టికెట్లను బుక్ చేసుకుంటారు. ఒకవేళ మీ నెట్ స్పీడ్ గా ఉంటే, వేగంగా టికెట్ బుక్ చేసుకోగలం అనుకుంటే ట్రై చేయొచ్చు.
Read Also: రైలుకు అకస్మాత్తుగా బ్రేకులు ఫెయిల్ అయితే? రైల్వే ఏం చేస్తుందో తెలుసా?
Share
Coffee: మిషన్ కాఫీ తాగితే.. ఏం జరుగుతుందో తెలుసా?
Hit 3 Trailer Lunch Event : 15 ఏళ్ల క్రితం ఒక అమ్మాయిని కలవడానికి వైజాగ్ వచ్చేవాడిని
