Train Tea: ప్రపంచంలోని నాలుగో అతిపెద్ద నెట్ వర్క్ ఇండియన్ రైల్వే. ప్రతీ రోజూ కోట్లలో ట్రావెల్ చేస్తున్నారు ప్రయాణికులు. రైలులో వడ్డించే ఆహారం-టీ గురించి చెప్పనక్కర్లేదు. డబ్బులు తీసుకున్నా క్వాలిటీ ఉండదని పదే పదే ప్రయాణికులు చెబుతుంటారు. తాజాగా రైళ్లలో తయారు చేసే టీ గురించి ఓ వీడియో బయటకు వచ్చింది. ఆ వీడియో చూస్తే మీకే అర్థమవుతోంది.
ఏదో విధంగా నిత్యం వార్తల్లో నిలుస్తోంది ఇండియన్ రైల్వే. ఎందుకంటే ప్రతీరోజూ కోట్లాది మంది రైళ్లలో ప్రయాణిస్తుంటారు. కానీ సర్వీసుల విషయంలో అభాసుపాలవుతుంది. 2023 డేటా మేరకు భారతీయ రైల్వేలో దాదాపు 14 లక్షలకు పైగా ఉద్యోగులు పని చేస్తున్నారు. లక్షల్లో పని చేస్తున్న ఈ వ్యవస్థలో ఎక్కడో ఒక దగ్గర తప్పులు దొర్లుతుంటాయి. ఉద్యోగుల మాట కాసేపు పక్కనపెడదాం.
కనీసం రైళ్లలో ప్రయాణికులకు అందించే ఆహారం విషయంలో విమర్శల పాలవుతుంది. రైల్వే వ్యవస్థ గురించి తెలిసినవాళ్లు అందులో ఆహారం, టీ-కాఫీలు తాగేందుకు ఏమాత్రం ఇష్టపడరు. బయట నుంచి ఫుడ్ ఆర్డర్స్ ఇచ్చి తెప్పించుకున్న సందర్భాలు ఈ మధ్యకాలంలో విపరీతంగా పెరుగుతోంది.
తాజాగా సోషల్ మీడియాలో ఓ రైల్వే ట్రావెలర్ చేసిన వీడియో నెట్టింట్లో వైరల్ అవుతోంది. రైళ్లలో టీ-కాఫీలు ఇంత దారుణంగా ఉంటాయా? అంటూ షాకవుతున్నారు. కనిపిస్తున్న వీడియో ఆ విషయాన్ని రుజువు చేసింది.
ఇళ్లలో నీళ్లు కాచుకునేందుకు వాటర్ హీటర్ ఉపయోగిస్తాము. అదే విధంగా క్యాటరింగ్ ఉద్యోగి ఆ విధంగా టీ రెడీ చేస్తున్నాడు.
రైళ్లలో ప్రయాణికులకు ఇచ్చేందుకు తీసుకొచ్చిన క్యాన్లో నేరుగా వాటర్ హీటర్తో టీ ని వేడి చేస్తున్నాడు. ఈ దృశ్యాలు చూసి టీ తాగే వారు షాకయ్యారు. రైళ్లలో ఏమీ తాగవద్దు.. తినవద్దు అని చెబుతున్నా, తాము నమ్మలేదని అంటున్నారు. రియల్గా చూసిన తర్వాత ఇలాంటి చాయ్ తాగామా? అంటూ షాకవుతున్నారు.
ALSO READ: ఈ రోడ్లు ఉంటాయ్ భయ్యా.. నా భూతో నా భవిష్యత్.. లైఫ్లో ఒక్కసారైనా వెళ్లాల్సిందే!
ఇండియన్ రైల్వే క్యాటరింగ్ అండ్ టూరిజం కార్పొరేషన్ లాభాలు వస్తూనే ఉంటాయి. కానీ ప్రయాణికుల సేవల విషయంలో విమర్శల పాలవుతూనే ఉంటుంది. ఈ వీడియోను ఐఆర్సీటీసీతోపాటు రైల్వేమంత్రిని ట్యాగ్ చేస్తూ షేర్ చేస్తున్నారు నెటిజన్స్.
Many things will change, but the food in IRCTC won't. pic.twitter.com/e1MbaWYwYF
— EpicCommentsTelugu (@EpicCmntsTelugu) August 6, 2026
Share
శ్రీకాకుళం జిల్లాలో రైలు ప్రమాదం.. పట్టాలు తప్పిన గూడ్స్ రైలు, నిలిచిన రాకపోకలు!
మీ భూమి ORR పరిధిలో ఉందా? HILTP ఆన్లైన్ పోర్టల్ మళ్లీ ఓపెన్.. డెడ్లైన్ ఎప్పుడంటే?
