TTD room booking rules: తిరుమల ప్రయాణం అంటే శ్రద్ధ, శాంతి, సౌలభ్యం అన్నీ కలిసివచ్చే యాత్ర కావాలి. అందుకే చాలామంది భక్తులు ముందుగానే గదులు బుక్ చేసుకుంటారు. కానీ అక్కడికి వెళ్లిన తర్వాత కొన్ని విషయాల్లో చాలా మంది అయోమయంలో పడతుంటారు.
గది బుకింగ్ చేసుకోవడం ఒక ప్రక్రియైతే.. దానిని సజావుగా పొందడం మరో ప్రక్రియ. అప్పుడే మీరు ఊహించిన దానికన్నా త్వరగా, సులభంగా విశ్రాంతి తీసుకోవడం సాధ్యమవుతుంది. ఈ మధ్యనే టిటిడి అందిస్తున్న ఒక సౌకర్యం, ఇలాంటి ప్రయాణికులకి అసలు తలనొప్పులే లేకుండా చేసింది. అసలు అది ఏమిటంటే..
ఆన్లైన్ లో బుక్ చేసుకున్న తర్వాత?
తిరుమల శ్రీవారిని దర్శించుకునేందుకు భక్తులు ఎప్పుడూ పెద్ద సంఖ్యలో వస్తుంటారు. ముఖ్యంగా గదుల కోసం ముందే ఆన్లైన్లో బుకింగ్ చేసుకునే వారు చాలా మంది ఉంటారు. అయితే అక్కడికి వెళ్లిన తర్వాత గదుల వివరాల కోసం భక్తులు ఎదుర్కొనే అవాంతరాలు ఎన్నో. కౌంటర్లు ఎక్కడ, కీ ఎక్కడ ఇస్తారు, ఏ కౌంటరుకెళ్లాలో తెలియక భక్తులు తికమకకు గురయ్యే పరిస్థితులు గతంలో చాలానే కనిపించాయి. అయితే ఇప్పుడు అలాంటి అనవసర గందరగోళానికి చెక్ పెట్టే విధంగా టిటిడి (TTD) కీలక చర్య తీసుకుంది.
అసలేం చేయాలంటే?
ఇప్పటి నుంచి ఆన్లైన్ ద్వారా గదులు బుక్ చేసుకున్నవారికి గదుల తాళాల పంపిణీ (Room Key Collection) సదుపాయాన్ని తిరుమలలోని ARP కౌంటర్ వద్ద అందిస్తోంది. అంటే మీరు ముందే గదిని బుక్ చేసుంటే, తిరుమలకు వెళ్లిన వెంటనే అక్కడే ఉన్న ARP కౌంటర్కు వెళ్లి సరైన ఐడీ ప్రూఫ్ చూపించి రూమ్ కీ తీసుకోవచ్చు. దీని వల్ల ఇకనుండి భక్తులు ఎటు పోవాలో తెలియక, క్యూలలో నిలబడే అవసరం లేకుండా మరింత సులభంగా గదిని పొందే అవకాశముంటుంది.
ఈ నూతన విధానం కేవలం సామాన్య భక్తులకు మాత్రమే కాకుండా, Donor, Srivani Trust, ARP, Cottage Donor బుకింగ్లకు కూడా వర్తిస్తుంది. అంటే ఈ తరహా గదులు పొందినవారు కూడా ఇకపై తామే ARP కౌంటర్కు వెళ్లి తమ గదుల తాళాలను పొందవచ్చు.
ఒకవేళ మీరు Srivani Trust ద్వారా గదిని బుక్ చేసుకున్నా, లేక Donor Quota ద్వారా గదిని పొందినా, మీ వద్ద ఉన్న ధృవీకరణ పత్రం, ఒక ID ప్రూఫ్ అంటే.. ఆధార్, డ్రైవింగ్ లైసెన్స్, పాస్పోర్టు వంటి వాటిలో ఏదైనా చూపించి తాళాలు పొందవచ్చు. ఇది పండుగ రోజులలో తిరుమలలో కనిపించే ఆందోళనను తగ్గించడంలో ఎంతో ఉపయోగపడుతోంది. గదుల వివరాల కోసం ఏ కారిడార్కెళ్లాలో తెలియని భక్తులు ఇక ముందుగా ARP కౌంటర్కి వెళ్లడం వల్ల సమయం, శ్రమ రెండూ ఆదా అవుతుంది.
ఈ విధానం అమలు చేయడం ద్వారా టిటిడి పరిపాలనలో పారదర్శకత, వేగం, సౌలభ్యం మరింత పెరిగిందని అధికారులు అంటున్నారు. భక్తుల కోసం టెక్నాలజీని ఉపయోగించి సేవల్ని అందించడం ద్వారా తిరుమలలోని భక్తుల నడకలను సులభతరం చేయడమే కాక, అనవసర క్యూలలో నిదానంగా కదలాల్సిన పరిస్థితులను నివారించగలిగింది.
ఇక మీ గది బుక్ అయ్యిందా? తిరుమలకు బయలుదేరేముందు మీ ID ప్రూఫ్ మర్చిపోవద్దు. ఎందుకంటే తాళాలు పొందే సమయంలో మీ ఐడీ ప్రూఫ్ చూపించాల్సి ఉంటుంది. మీరు ఆన్లైన్లో బుక్ చేసుకున్న డాక్యుమెంట్స్ కూడా రెడీగా ఉంచుకోండి. వాటితో కలిసి ARP కౌంటర్ వద్దకు వెళ్లినట్లయితే ఎలాంటి సమస్యలు లేకుండా తాళాలు మీ చేతికి వస్తాయి.
ఈ మార్పు వల్ల పెద్దవారికి, మహిళలకు, పిల్లలతో ప్రయాణిస్తున్న కుటుంబాలకు ఎంతో ఉపశమనం లభిస్తోంది. ముందు గదులు బుక్ చేసుకున్న భక్తులు ARP కౌంటర్కి చేరిన వెంటనే తాళాలు తీసుకొని, విశ్రాంతిగా గదిలోకి వెళ్లొచ్చు. ఇక ఆలయం దర్శించుకోవడం, అన్నప్రసాదం తీసుకోవడం, వేంకటేశ్వరుని పాదాల దగ్గర కాసేపు కూర్చోవడం లాంటి విశేషాలు మరింత తేలికగా నెరవేరతాయి.
ఈ విధంగా టిటిడి తీసుకొచ్చిన తాజా మార్పు భక్తులకు చాలా ప్రయోజనం కలిగించనుంది. మీరు కూడా త్వరలో తిరుమల వెళ్లనున్నారా? అయితే గది బుక్ చేసుకున్నారో లేదో ఇప్పుడు చూసేయండి. బుక్ చేసుంటే మీ ID Proof తో ARP కౌంటర్ను డైరెక్ట్గా సంప్రదించండి.
Share
RIP Current: బీచ్ లో ఎప్పుడైనా కెరటాలు ఇలా కనిపిస్తే.. అస్సలు దిగొద్దు.. ఎందుకంటే?
Nagababu :‘జబర్దస్త్’లోకి నాగబాబు రీ ఎంట్రీ.. రోజాకు ఘోర అవమానం?
