World’s Longest Ttrain Journeys: ప్రపంచ వ్యాప్తంగా ఎన్నో అద్భుతమైన రైల్వే ప్రయాణాలు ఉన్నాయి. ప్రయాణీకులను మంత్రముగ్ధులను చేసేలా ప్రకృతి దృశ్యాలు, సాంస్కృతిక అనుభవాలు, మరపురాని జ్ఞాపకాలను అందిస్తాయి. ప్రయాణీకులను వేల కిలో మీటర్లు తీసుకెళ్లడంతో పాటు మర్చిపోలేని అనుభూతులను అందించే 7 అత్యంత పొడవైన రైల్వే ప్రయాణాల గురించి ఇప్పుడు తెలుసుకుందాం..
⦿ ట్రాన్స్-సైబీరియన్ రైల్వే (రష్యా): ఈ రైల్వే ప్రయాణం సుమారు 9,289 కిలో మీటర్లు ఉంటుంది. ఇది మాస్కో నుంచి వ్లాడివోస్టాక్ వరకు విస్తరించి ఉన్నది. ఉరల్ పర్వతాలు, ప్రశాంతమైన బైకాల్ సరస్సు, అద్భుతమైన అడవుల గుండా ఈ ప్రయాణం కొనసాగుతుంది. సుమారు 7 రోజుల పాటు ఈ జర్నీ ముందకుసాగుతుంది.
⦿కెనడియన్ (కెనడా): ఈ రైలు టొరంటో నుంచి వాంకోవర్ వరకు ప్రయాణిస్తుంది. 4,466 కి.మీ దూరాన్ని కవర్ చేస్తుంది. నాలుగు రోజుల పాటు కొనసాగే ఈ ప్రయాణంలో ప్రేరీలు, అద్భుతమైన సరస్సులు, రాకీ పర్వతాలు ప్రయాణీకులకు సినిమాటిక్ అనుభవాన్ని అందిస్తుంది.
⦿ ఇండియన్ పసిఫిక్ (ఆస్ట్రేలియా): ఇది సిడ్నీ నుంచి పెర్త్ వరకు ప్రయాణిస్తుంది. సుమారు 4,352 కి.మీ దూరాన్ని కవర్ చేస్తుంది. నాలుగు రోజుల పాటు కొనసాగే ఈ ప్రయాణం ఆస్ట్రేలియా తూర్పు నుంచి పశ్చిమ తీరం వరకు తీసుకెళుతుంది. ఈ జర్నీ బ్లూ మౌంటైన్స్, విస్తారమైన ఎడారులు, ఐకానిక్ నుల్లార్బోర్ మైదానం మీదగా కొనసాగుతుది.
Read Also: దేశంలో ఎక్కువ దూరం ప్రయాణించే వందేభారత్ రైలు.. ఏకబిగిన అన్ని కిలో మీటర్లు వెళ్తుందా?
⦿ వివేక్ ఎక్స్‌ ప్రెస్ (భారత్): ఇది దాదాపు 4,200 కిలోమీటర్ల దూరాన్ని కవర్ చేస్తుంది. ఈ ప్రయాణం పూర్తయ్యేందుకు సుమారు 75 గంటల సమయం పడుతుంది. ఇది 59 స్టేషన్లలో ఆగుతుంది. ఇది అస్సాంలోని దిబ్రూగఢ్‌ నుంచి తమిళనాడులోని కన్యాకుమారి వరకు 9 రాష్ట్రాల మీదుగా ప్రయాణిస్తుంది. వివేక్ ఎక్స్‌ ప్రెస్ భారతదేశంలోని అత్యంత ఎక్కువ దూరం ప్రయాణించే రైలుగా గుర్తింపు తెచ్చుకుంది.
⦿ ఈస్ట్రన్ & ఓరియంటల్ ఎక్స్‌ ప్రెస్ (ఆగ్నేయాసియా): ఇది బ్యాంకాక్ నుంచి సింగపూర్‌ వరకు ప్రయాణిస్తుంది. సుమారు 2,030 కి.మీ దూరాన్ని కవర్ చేస్తుంది. ఈ మూడు రోజుల పాటు ఈ ప్రయాణం కొనసాగుతుంది. పచ్చని వర్షారణ్యాలు, విచిత్రమైన గ్రామాలు, సుందరమైన వరి పొలాల గుండా ఈ రైలు ప్రయాణం కొనసాగుతుంది.
Read Also: ప్రపంచంలో అత్యంత భయంకరమైన రైల్వే స్టేషన్లు.. ఇందులో మన స్టేషన్లు కూడా ఉన్నాయండోయ్!
⦿ క్వింఘై-టిబెట్ రైల్వే (చైనా): జినింగ్ నుంచి లాసా వరకు ప్రయాణిస్తుంది. సుమారు 1,956 కి.మీ దూరాన్ని కవర్ చేస్తుంది. 22 గంటల ప్రయాణంలో మంచుతో కప్పబడిన శిఖరాలు, టిబెటన్ పీఠభూమి అద్భుతమైన అందాలను చూపిస్తూ ముందుకు సాగుతుంది.
⦿బ్లూ ట్రైన్ (దక్షిణాఫ్రికా): ఇది ప్రిటోరియా నుంచి కేప్ టౌన్ వరకు ప్రయాణిస్తుంది. ఈ రైలు ప్రయాణం 1,600 కి.మీ వరకు ఉంటుంది. సుమారు 31 గంటల ప్రయాణంలో పర్యాటకులు అద్భుతమైన ద్రాక్షతోటలు, బంగారు ఎడారులు, అద్భుతమైన తీరప్రాంతా గుండా ఈ ప్రయాణం కొనసాగుతోంది. ఇందులో ఫైవ్ స్టార్ వసతులు అందిస్తారు.
Share
Cardamom Water: ప్రతి రోజు ఉదయం ఈ డ్రింక్ త్రాగితే.. ఆరోగ్య సమస్యలు రమ్మన్నా రావు
CM Revanth Reddy: ఆ విషయంలో కేంద్రం విఫలం.. సీఎం రేవంత్ రెడ్డి
