భారతీయ రైల్వే ప్రయాణంతో పోల్చితే యూరప్ లో మరింత లగ్జరీగా ఉంటుంది. రైళ్ల వేగంతో పాటు అందులో అందించే వసతులు కూడా చాలా లగ్జరీగా ఉంటాయి. సాధారణంగా భారతీయ రైళ్లలో తక్కువ ధరలకు ఫుడ్ అందించడంతో పాటు వాటర్ బాటిళ్లు అమ్ముతారు. అర లీటర్, లీటర్ బాటిళ్లు కేవలం రూ. 20 లోపే లభిస్తాయి. తాజాగా ఓ భారతీయ ట్రావెలర్ యూరప్ లో రైలు ప్రయాణం చేశాడు. ఇందులో వాటర్ బాటిల్ ధర చూసి షాకయ్యాడు. ఇంతకీ అక్కడ ఒక్క వాటర్ బాటిల్ ధర ఎంతంటే..
తాజాగా సదరు వ్యక్తి రైలు ప్రయాణం చేస్తూ వాటర్ తాగుతుండగా, ఆయన భార్య “ఈ వాటర్ బాటిల్ ధర ఎంతో చెప్పు?” అని అడుగుతుంది. “ఇది నా జీవితంలోనే అత్యంత ఖరీదైన వాటర్ బాటిల్” అని చెప్తాడు. రైల్లో వాటర్ బాటిల్ ధర ఏకంగా €5 అంటే భారత కరెన్సీలో సుమారు రూ. 500 తీసుకున్నట్లు వెల్లడించాడు. భారతీయ రైళ్లలో రూ.10 రూ. 20కే వాటర్ బాటిళ్లను అందిస్తున్న విషయాన్ని గుర్తు చేశాడు. అయితే, యూరప్ రైళ్లలో విక్రేతలు ఉండరని.. తామే వెళ్లే ఓ బోగీలో వాటర్ బాటిళ్లు కొని తెచ్చుకోవాలన్నారు. ఆ విషయం తెలియక తాను, తన భార్య 4 గంటల పాటు ఫుడ్, వాటర్ లేకుండా రైల్లో ప్రయాణించినట్లు చెప్పాడు. ఆ తర్వాత రైల్లోని ఓ బోగీలో రెస్టారెంట్ ఉందని తెలుసుకుని అక్కడికి వెళ్లి కొనుగోలు చేసినట్లు చెప్పాడు. ఫారిన్ రైళ్లతో పోల్చితే భారతీయ రైళ్లు బెస్ట్ అని చెప్పుకొచ్చాడు. పాప్ కార్న్ నుంచి మొదలుకొని అన్ని రకాల ఫుడ్ ఐటెమ్స్ సీట్ల దగ్గరికే రావడం చాలా బాగుంటుందన్నారు. ఇక్కడ రైళ్లలో కనీసం పాప్ కార్న్ అమ్మే వ్యక్తులు కూడా రావడం లేదన్నారు.
Read Also: విమానాలకు ఎడమ వైపే ఎంట్రీ ఎందుకు ఉంటుంది? కుడి వైపు డోర్ ఎందుకు ఉండదు? కారణం ఇదేనట!
అటు ఈ వాటర్ బాటిల్ గురించి నెటిజన్లు క్రేజీగా కామెంట్స్ పెడుతున్నారు. ఇలాంటి సమయాల్లోనే ఇండియన్ రైల్వే గొప్పదనం తెలుస్తుందని కామెంట్స్ చేస్తున్నారు. “ఆమ్‌ స్టర్‌ డామ్‌ లో ఇలాంటి గాజు సీసా ధర 9 యూరోలు(సుమారు రూ. 900)” అని మరో నెటిజన్ కామెంట్ చేశాడు. “నేను యూరప్ లో రైలు ప్రయాణం చేసిన తర్వాత భారత్ లో పర్యాటకులకు అందించే అన్ని సౌకర్యాల పట్ల నేను గొప్పగా ఫీలవుతున్నాను. భారతీయ రైల్వేను గౌరవిస్తున్నాను” అని మరో నెటిజన్ రాసుకొచ్చాడు. “మీరు ఈ బాటిల్ లో యూరప్ లోని ఏ ట్యాప్ నుంచి అయినా నీళ్లు నింపుకోవచ్చు. అంత శుభ్రంగా ఉంటాయి” అని మరో వ్యక్తి రాసుకొచ్చాడు. ప్రస్తుతం ఈ వాటర్ బాటిల్ వ్యవహారం సోషల్ మీడియాలో తెగ వైరల్ అవుతోంది.
Read Also: రీల్స్ చేసేవారికి చైనా కొత్త రూల్.. ఇవన్నీ ఉంటేనే అందుకు అనుమతి, లేకుంటే?
Share
North face: ఉత్తరం వైపు తలపెట్టి ఎందుకు నిద్రపోకూడదు?
Today Gold Rate: పసిడి ప్రియులకు శుభవార్త.. తగ్గిన బంగారం ధరలు.. తులం ఎంతో తెలుసా?
