Big tv Kissik Talks: బుల్లితెరపై ప్రసారమైన చంద్రముఖి సీరియల్ ఎంతలా ఆదరణ పొందిందో అందరికీ తెలిసిందే. ఈ సీరియల్ ద్వారా నటి శ్రీవాణి (Sreevani)పూజ పాత్రలో నటించి మంచి సక్సెస్ అందుకున్నారు. ఇలా చంద్రముఖి సీరియల్ ద్వారా ఎంతో మంచి గుర్తింపు సంపాదించుకున్న ఈమె ఇప్పటికే వరుస సీరియల్స్ లో నటిస్తూ కెరియర్ పరంగా ఎంతో బిజీగా ఉన్నారు. ఇలా నటిగా, హోస్ట్ గా, యూట్యూబర్ గా ఎంతో బిజీగా గడుపుతున్న శ్రీవాణి తాజాగా బిగ్ టీవీ కిస్సిక్ టాక్స్(Big tv kissik talks) కార్యక్రమంలో పాల్గొన్నారు. ఈ కార్యక్రమంలో భాగంగా ఈమె తన కెరియర్ గురించి అలాగే తన ఫ్యామిలీ గురించి ఎన్నో విషయాలను అభిమానులతో పంచుకున్నారు.
ఇక శ్రీవాణి 17 సంవత్సరాల వయసులోనే ప్రేమ వివాహం చేసుకున్న సంగతి తెలిసిందే. ఈమె నటుడు విక్రమాదిత్యను ప్రేమించి వివాహం చేసుకున్నారు. ఈ దంపతులకు రాజనందిని అనే కుమార్తె ఉంది. నందిని కూడా ప్రస్తుతం ఢీ డాన్స్ షో కార్యక్రమంలో పాల్గొంటున్న సంగతి తెలిసిందే. ఇలా చిన్న వయసులోనే పెళ్లి చేసుకున్న శ్రీవాణి తాజాగా పెళ్లి గురించి ఆసక్తికరమైన విషయాలను అభిమానులతో పంచుకున్నారు పెళ్లి తర్వాత ఏ విషయంలోనైనా రిగ్రెట్ గా ఫీలయ్యారా? అంటూ ప్రశ్న ఎదురైంది. ఈ ప్రశ్నకు శ్రీవాణి ఆసక్తికరమైన సమాధానం ఇవ్వడమే కాకుండా అందరికీ కొన్ని సలహాలు కూడా ఇచ్చారు.
తాను ఇంటర్ సెకండియర్ పూర్తి అయిన తర్వాత పెళ్లి చేసుకున్నాను. పెళ్లి తర్వాత చదువు ప్రాధాన్యత ఏంటో తెలిసి వచ్చింది. అప్పుడు అనుకున్నాను చదువుకొని ఉంటే బాగుండేదే అనే భావన నాకు కలిగిందని అందుకే ప్రతి ఒక్కరూ కూడా చదువు పూర్తి చేసిన తరువాతనే మీరేమైతే కోరుకుంటున్నారో ఆ పనులు చేయండి. చదువు చాలా ముఖ్యం అంటూ ఈమె అందరికీ చదువుకోమని సలహా ఇచ్చారు. తన కూతురు కూడా ప్రస్తుతం ఇంటర్ సెకండ్ ఇయర్ చదువుతోందని తను పెద్దయిన తర్వాత సినిమాలలోకి వచ్చినా, లేదా ఏదైనా ప్రొఫెషన్ లో చేరిన మేం సపోర్ట్ చేస్తాం కానీ చదువు అయిపోయిన తరువాతనే అంటూ శ్రీవాణి రాజనందిని కెరియర్ గురించి కూడా తెలిపారు.
ప్రతి ఒక్కరికి చదువు అనేది చాలా ఇంపార్టెంట్ చదువు ఉంటేనే ఏ విషయంలోనైనా చాలా కాన్ఫిడెంట్ గా మాట్లాడగలం ఏ పనులైనా చేయగలం చదువు లేకపోతే ఇబ్బందులు పడాల్సి వస్తుందని నేను చాలా ఇబ్బందులు పడ్డానని శ్రీవాణి తెలిపారు. ఇక ఈమె తన పెళ్లి గురించి కూడా తెలిపారు. తాను ఏడో తరగతి చదువుతున్న సమయంలోనే ఇండస్ట్రీలోకి వచ్చాను అప్పటినుంచి విక్రమాదిత్య గారు నన్ను ఎన్నో విషయాలలో సపోర్ట్ చేశారు. ఒక యాంకర్ గా నటిగా ఇలా అన్ని విషయాలను సపోర్ట్ చేయడంతో తను నాకు పర్ఫెక్ట్ అనుకొని పెళ్లి చేసుకున్నాను అంటూ ఈ సందర్భంగా తన పెళ్లి గురించి కూడా శ్రీవాణి తెలియజేశారు.
Share
East Godavari Crime: చేతబడి చిచ్చు.. మటన్ షాప్ ఓనర్ దారుణ హత్య, నిందితుడెవరో తెలుసా?
Dishapatani : అబ్బా.. ఇలా మొత్తం చూపిస్తే కుర్రాళ్ళు ఏమైతారు.. పిల్లలు కళ్లు మూసుకోండి..!
