Bigg Boss 10 Telugu: బిగ్ బాస్ తెలుగు సీజన్ 10 కార్యక్రమం ప్రారంభమై అప్పుడే వారం రోజులు పూర్తి అయింది.16 మంది కంటెస్టెంట్లతో ప్రారంభమైన ఈ కార్యక్రమం నుంచి మొదటి వారమే ఇద్దరు కంటెస్టెంట్ లో హౌస్ నుంచి బయటకు రావడంతో అందరూ ఆశ్చర్యం వ్యక్తం చేస్తున్నారు. సాధారణంగా మొదటి వారం ఇద్దరు కంటెస్టెంట్లను బయటకు పంపించడం అనేది ఊహించని విషయం. అయితే మొదటి వారం ఎలిమినేట్ అయిన చరణ్ (Charan), చైత్ర రాయ్(Chaitra Rai) ఇద్దరు కూడా సీక్రెట్ రూమ్ లో ఉన్నారని, వీక్ ఎండ్ లో భాగంగా వీరిద్దరిలో ఎవరో ఒకరు హౌస్ లోకి ఎంట్రీ ఇస్తారని అందరూ భావించారు.
ఇకపోతే తాజాగా వీకెండ్ ఎపిసోడ్ కి సంబంధించిన ఒక ప్రోమో వీడియో విడుదల చేశారు. ఇందులో భాగంగా నాగార్జున(Nagarjuna) సీక్రెట్ రూమ్ గురించి క్లారిటీ ఇచ్చారు. నాగార్జున వేదిక పైకి రాగానే మహా పరీక్ష గురించి అలాగే మొదటి వారం ఇద్దరు కంటెస్టెంట్లు ఎలిమినేట్ కావడం గురించి తెలిపారు . ఇక 11 మంది డేంజర్ జోన్ లో ఉన్నారని నాగార్జున గుర్తు చేశారు. అనంతరం హౌస్ లో ఉన్న కంటెస్టెంట్లతో మాట్లాడుతూ… చైత్ర, చరణ్ సీక్రెట్ రూమ్ లోనే ఉన్నారు అనుకుంటున్నారు కదా అని కంటెస్టెంట్లను అడగడంతో వారు కూడా అవునని చెప్పారు. అయితే వెంటనే చరణ్, చైత్ర వారి ఇంట్లో ఉన్నటువంటి ఒక వీడియోని ప్లే చేశారు. వారిద్దరు కూడా తమ ఇంట్లో ఉన్నామని చెప్పారు.
ఇద్దరు కూడా నేరుగా ఇంటికి వెళ్లిపోయారని సీక్రెట్ రూమ్ లో ఎవరు లేరని నాగార్జున క్లారిటీ ఇస్తూనే బిగ్ బాస్ దశావతారం ఎలా ఉండబోతుందో మరోసారి గుర్తు చేశారు. అదేవిధంగా హౌస్ లో ఉన్న కంటెస్టెంట్లకు కూడా ఈయన వార్నింగ్ ఇచ్చారు. హౌస్ లో ఉన్న కంటెస్టెంట్ల గురించి మాట్లాడుతూ ఆటలో ఏ మాత్రం అలసత్వం చూపించిన నేరుగా హౌస్ నుంచి బయటకు వెళ్తారని నాగార్జున కంటెస్టెంట్లను హెచ్చరించారు. ఏది ఏమైనా మొదటివారం హౌస్ నుంచి ఇద్దరు కంటెస్టెంట్లు బయటకు రావటం అనేది పెద్ద ఎత్తున చర్చలకు కారణమైంది.
Asalu sisalaina aata gurinchi matladadaniki mana KING vachesadu! 👑🔥
Get ready for BIGG Weekend Energy! 👁️🔥Watch #BiggBossSeason10Telugu Mon – Fri 9:30 PM, Sat & Sun 9 PM on #StarMaa & Stream 24/7 on #JioHotstar#StarMaaPromo pic.twitter.com/YCzpeDlsPE
— Starmaa (@StarMaa) September 12, 2026
ఇకపోతే 16 మంది కంటెస్టెంట్లతో ప్రారంభమైన ఈ కార్యక్రమం మొదటి వారమే ఇద్దరు హౌస్ నుంచి బయటకు వెళ్లడం వెనుక వైల్డ్ కార్డు ఎంట్రీస్ కారణమని చెప్పాలి. త్వరలోనే హౌస్ లోకి వైల్డ్ కార్డు ద్వారా మరి కొంత మంది కంటెస్టెంట్లను పంపించబోతున్నారు అందుకే మొదటి వారమే డబల్ ఎలిమినేషన్ జరిగిందని తెలుస్తోంది. ఇక ఈ వీకెండ్ ఎపిసోడ్ లో భాగంగా నాగార్జున కంటెస్టెంట్ల ఆట తీరు గురించి మాట్లాడనున్నారు. మరి ఈయన ఎవరికి ఎలాంటి సలహాలు ఇవ్వబోతున్నారు ఎవరిని హెచ్చరించబోతున్నారనేది తెలియాల్సి ఉంది.
Also Read: అభిమాని కుటుంబానికి అండగా రామ్ పోతినేని.. ఫిదా అవుతున్న ఫ్యాన్స్!
Share
ఉన్నట్టుండి పుట్టుకొచ్చే వింత పుట్టగొడుగులు... ఊళ్ళో జనాల విచిత్ర ప్రవర్తన... ఉత్కంఠ రేపే మలయాళం సర్ప్రైజ్ హిట్
పులిహోరను తిరుమలలో ఏమని పిలుస్తారో మీకు తెలుసా.. శ్రీవారి 45 రకాల ప్రసాదాలు ఇవే?
