Daiwik Singer: దైవిక్ ..దైవిక్ ..దైవిక్ ..ఇపుడు సింగింగ్ రియాలిటీ షో ‘సరిగమప – ది నెక్స్ట్ సింగింగ్ సెన్సేషన్’ప్రోగ్రాం చూస్తున్న ప్రతివారి నోట వినిపిస్తున్న పేరిదే.ఈ టాలెంటెడ్ సింగర్ గొంతు తెరిచి పాట పాడితే చాలు లక్షలాది సంగీత ప్రియులు అలా టీవీలకి అతుక్కుపోతున్నారు.
కారణం ఏంటో తెలుసా ..ఈ కుర్రాడు గొంతు తెరిచి పాట పాడాడంటే అచ్చం స్వర్గంలో ఉన్న బాలుగారే కళ్ళ ముందుకు వచ్చి పాట పాడుతున్నారా అని అనిపించేంతగా అదరగొడుతుండటమే.అంతలా బాలు గారి గొంతుని తన గొంతులో రీక్రియేట్ చేస్తున్నాడు దైవిక్.ఒక రకంగా రీ క్రియేట్ అనడం కన్నా బాలు గారి గొంతును పోలిన గొంతు ఆ అబ్బాయికి దక్కిందనే చెప్పాలి.
విశాఖపట్నంకి చెందిన దైవిక్
మరి సరిగమపలో అదరగొడుతున్న దైవిక్ ఎక్కడి నుండి వచ్చాడు,అసలు అతడికి సంగీతంపై ఇంతటి ఆసక్తి ఎలా కలిగింది ?అంటూ ఆరాలు తీస్తున్నారు మ్యూజిక్ లవర్స్.టాలెంటెడ్ సింగర్ దైవిక్ స్వస్థలం వైజాగ్. అవును..విశాఖపట్నంకి చెందిన దైవిక్ కి చిన్నప్పటి నుండే సంగీతం అంటే చాల ఇష్టం. ఇక తన గొంతు అచ్చం బాలు గారి గొంతుని పోలి ఉందని అందరూ అంటుండటంతో సంగీతం అంటే మరింత మక్కువ పెంచుకుని ఎన్నో పాటల పోటీలలో పాల్గొని అవార్డులని సొంతం చేసుకున్నాడు.
అలా మెల్లిగా మెల్లిగా తన పాటల ప్రయాణాన్ని నిర్విరామంగా కొనసాగిస్తూ ఎట్టకేలకి జీ తెలుగులో ప్రసారం అవుతున్న సింగింగ్ రియాలిటీ షో ‘సరిగమప – ది నెక్స్ట్ సింగింగ్ సెన్సేషన్’లో అవకాశం దక్కించుకున్నాడు.
బాలు గారు పాడినట్టే
ఇక ఈ సింగింగ్ రియాలిటీ షోలోకి ఎంట్రీ ఇచ్చిన దైవిక్ ఒక్కసారిగా తన గొంతుతో అటు సంగీత అభిమానులతో పాటు,ఇటు జడ్జ్ లని కూడా మెస్మరైజ్ చేశాడు. మాములుగా ఇలాంటి సింగింగ్ రియాల్టీ షోలకి వచ్చే కంటెస్టెంట్లకు పెద్ద టాస్క్ ఏమైనా తమ గొంతుని ఆడియన్స్ కి పరిచయం చేయడమై.అదిగో అక్కడ సక్సెస్ అయ్యాడు దైవిక్. దైవిక్ కళ్ళు మూసుకుని పాడుతుంటే బాలు గారు పాడినట్టే ఉండటంతో ఈజీగా కనెక్ట్ అయ్యారు అంతా.
ఆకాశానికి ఎత్తేసిన sp శైలజ
ముఖ్యంగా ఎస్.పి. బాలు గారు పాడిన ‘శంకరాభరణం’ సినిమాలోని “ఓంకార నాదానుసంధానమౌగానమే” ‘సాగర సంగమం’ మూవీలోని “తకిట తధిమి తకిట తధిమి తంధాన” అలాగే ‘స్వాతిముత్యం’ లోని “సువ్వీ సువ్వీ సువ్వాలమ్మ” ‘జగదేకవీరుడు అతిలోకసుందరి’ చిత్రంలోని “అబ్బనీ తీయని దెబ్బ”, ‘ప్రేమ’ సినిమాలోని “ప్రియతమా నా హృదయమా” వంటి సాంగ్స్ ని పాడి మెప్పించాడు.ఇది చూసిన జడ్జ్ sp శైలజ దైవిక్ పాట విని అచ్చం బాలు గారు తన కెరీర్ తొలినాళ్ళలో ఎలా పాడేవారో అలాగే పాడారంటూ ఆకాశానికి ఎత్తేసింది.
భావం అర్థమయ్యేవిధంగా పాడటంపైనే ఫోకస్
దైవిక్ పాట పాడుతున్న విధానం చూస్తే పాటని కేవలం పాడేశాం అని కాకుండా ,ఆ పాటలో ఉన్న భావాన్ని ఆడియన్స్ కి చేరే విధంగా పాడటంపైనే ఎక్కువగా ఫోకస్ చేశాడని అర్థం అవుతుంది. స్మూతీగా పాడటంతో పాటు,అవసరమైన చోట గొంతులో సరైన ఎమోషన్ తీసుకురావడం అతని స్పెషాలిటీ అని చెప్పాలి.ఇక షో లో పాడే పాటలలో ఒకసారి క్లాసికల్ సాంగ్స్ తో ఆకట్టుకుంటే,మరోసారి మెలోడీతో మెస్మరైజ్ చేస్తున్నాడు
మంచి అవకాశాలు రావాలని కోరుకుందాం
ఇక దైవిక్ స్వస్థలం వైజాగ్‌కు తెలుగు సంగీత ప్రపంచంలో ఎంత ప్రత్యేకమైన స్థానం ఉందో చెప్పక్కర్లేదు. ఈ నగరం నుండే ఎంతో మంది కళాకారులు తమదైన టాలెంట్ తో ఆడియన్స్ మనసుల్ని దోచేశారు. ఇప్పుడు అదే నగరం నుంచి వచ్చిన దైవిక్ సింగింగ్ రియాలిటీ షో ‘సరిగమప – ది నెక్స్ట్ సింగింగ్ సెన్సేషన్’ప్రోగ్రాంలో సత్తా చాటుతుండటంతో వైజాగ్ ఆడియన్స్ లోనూ అతనిపై ఆసక్తి పెరుగుతోంది.
మరి తనదైన గొంతుతో అలరిస్తున్న ఈ జూనియర్ బాలుకి వచ్చే రోజుల్లో సంగీత దర్శకుల నుండి మంచి మంచి అవకాశాలు రావాలని, ప్లే బ్యాక్ సింగర్ గా సత్తా చాటాలని మనస్పూర్తిగా కోరుకుందాం.
Share
ఫోన్‌లో 2 సిమ్‌లు వాడితే బ్యాటరీ త్వరగా పాడవుతుందా? అసలు నిజమిదే!
పవర్ స్టేషన్స్ పరిశీలనకు 6 బృందాలు! థర్మల్ పవర్ స్టేషన్లలో ఏం జరుగుతోంది..? పరిశీలనకు రేపు ఆరు చోట్ల పర్యటనలు...
