Jabardasth Actress Anu Birthday Party:బర్త్డే పార్టీలంటేనే ఎంత సందడిగా సాగుతాయో చెప్పక్కర్లేదు.కేకు,సౌండ్, డెకరేషన్, సాంగ్స్,డాన్స్ అంటూ పార్టీకి వచ్చిన వాళ్ళంతా తెగ హడావిడి చేస్తుంటారు.కానీ విశాఖపట్నం జిల్లాలో జబర్దస్త్ ఫేమ్ నటి అను బర్త్ డే పార్టీ రణరంగంగా మారిపోయింది.
విశాఖపట్నం జిల్లా ఆనందపురం మండలం శొంఠ్యాం సమీపంలోని హ్యాపీ నేచర్ రిసార్ట్స్లో జరిగిన ఈ వేడుకల్లో రెండు వర్గాల మధ్య గొడవ జరిగిందనే వార్త ఇప్పుడు హాట్ టాపిక్గా మారింది. ఒక దశలో రెండు వర్గాల మధ్య మొదలైన ఈ వివాదం కత్తులతో దాడి చేసుకునే స్థాయికి వెళ్లినట్టు తెలుస్తుంది.
అందుతున్న సమాచారం ప్రకారం.. మంగళవారం రాత్రి ప్రారంభమైన ఈ బర్త్డే వేడుకలకు సుమారు 70 మంది వరకు హాజరైనట్లు తెలుస్తోంది. పార్టీ మొదట్లో అంతా సరదాగానే సాగినప్పటికీ, బుధవారం తెల్లవారుజామున సుమారు 4 గంటల సమయంలో పరిస్థితి ఒక్కసారిగా మారిపోయినట్లు సమాచారం. పార్టీలో ఉన్న కొందరి మధ్య మొదలైన చిన్న వివాదం క్రమంగా మాటామాటా పెరిగి ఘర్షణకు దారితీసినట్లు తెలుస్తోంది.
ఈ గొడవలో టీడీపీ నేత మమ్ముల వెంకట్ దినేష్పై యర్రా చరణ్తేజ్ కత్తితో దాడి చేసినట్లు ఆరోపణలు వినిపిస్తున్నాయి. ఈ ఘటనలో వెంకట్ దినేష్ ఎడమ భుజం వెనుక భాగంలో తీవ్ర గాయం అయినట్లు సమాచారం. వెంటనే అక్కడున్నవారు స్పందించి ఆయనను చికిత్స కోసం విశాఖలోని విమ్స్ ఆస్పత్రికి తరలించినట్లు తెలుస్తోంది. ప్రస్తుతం వైద్యులు ఆయనకు చికిత్స అందిస్తున్నట్లు సమాచారం.
ఇక ఈ ఘటనలో రాజకీయ కోణం కూడా చర్చకు వస్తోంది. పార్టీలో టీడీపీ, టీడీపీ అనుబంధ విద్యార్థి విభాగం TNSFకు చెందిన వ్యక్తులు ఉన్నట్లు సమాచారం. వీరి మధ్యే వివాదం ముదిరిందా? లేక వ్యక్తిగత కారణాలతో గొడవ మొదలైందా? అనేది ప్రస్తుతం స్పష్టంగా తెలియాల్సి ఉంది. అసలు గొడవకు కారణం ఏంటి అన్న విషయంపై పోలీసులు దర్యాప్తు చేస్తున్నారు.
ఘటనపై సమాచారం అందుకున్న ఆనందపురం పోలీసులు వెంటనే హ్యాపీ నేచర్ రిసార్ట్స్కు చేరుకున్నారు. అక్కడి పరిస్థితిని పరిశీలించడంతో పాటు పార్టీలో పాల్గొన్న వ్యక్తుల గురించి ఆరా తీసినట్లు తెలుస్తోంది. ఈ ఘటనకు సంబంధించి హత్యాయత్నం కేసు నమోదు చేసినట్లు సమాచారం. దాడికి ఉపయోగించిన ఆయుధం, దాడిలో పాల్గొన్న వ్యక్తులు, గొడవ ఎలా మొదలైంది అనే అంశాలపై పోలీసులు వివరాలు సేకరిస్తున్నట్లు తెలుస్తోంది.
also read :200 కోట్ల టార్గెట్.. ఇరుముడి రీచ్ అవుతుందా?
మరోవైపు ఈ బర్త్డే వేడుకను కొందరు రేవ్ పార్టీగా పేర్కొంటుండటం కూడా ఇప్పుడు చర్చనీయాంశంగా మారింది. దీంతో అసలు అక్కడ ఏం జరిగింది? పార్టీకి అనుమతులు ఉన్నాయా? ఎంతమంది పాల్గొన్నారు? మద్యం వినియోగం ఎంతవరకు జరిగింది? డ్రగ్స్ వినియోగం జరిగిందా? అనే కోణాల్లోనూ పోలీసులు దృష్టి పెట్టినట్లు సమాచారం. .
నిజానికి ఇలాంటి పార్టీల్లో చిన్న గొడవలు పెద్ద వివాదాలుగా మారడం కొత్తేమీ కాదు. ముఖ్యంగా అర్ధరాత్రి తర్వాత మందు తాగిన సమయంలో మాటామాటా పెరగడం, వ్యక్తిగత గొడవలు గ్రూపుల మధ్య వివాదాలుగా మారడం వంటి ఘటనలు గతంలోనూ మనం చూశాం.
మరి జరిగిన ఈ ఘటనలో కూడా అసలు గొడవ ఎక్కడ మొదలైంది? దాని వెనుక వ్యక్తిగత కారణాలున్నాయా? రాజకీయ విభేదాలున్నాయా? అన్నది పోలీసుల విచారణ పూర్తయితేనే క్లారిటీ వచ్చే అవకాశం లేదు.
also read :‘టాక్సిక్’ దెబ్బ..KVNకు బ్యాడ్ టైమ్ మొదలైందా?
మొత్తానికి నటి అను బర్త్డే వేడుకగా మొదలైన ఈ పార్టీ.. చివరకు దాడులు చేసుకుని ఆస్పత్రి చికిత్స వరకు వెళ్లడం ఇప్పుడు తీవ్ర చర్చకు దారితీసింది. ముఖ్యంగా రాజకీయ నాయకులకు సంబంధించిన వ్యక్తులు ఇందులో ఉండటంతో ఈ వివాదం మరింత వైరల్ అవుతుంది.
ఏది ఏమైనా జబర్దస్త్ ఫేమ్ నటి అను బర్త్ డే పార్టీ సందర్భంగా ఈ గొడవ జరగడంతో ఇటు ఇండస్ట్రీ వర్గాల్లో కూడా ఈ న్యూస్ హాట్ టాపిక్ మారింది.
Share
మాజీ మంత్రి అంబటి రాంబాబుకు అస్వస్థత.. గుండెకు స్టెంట్ వేసిన వైద్యులు!
అక్కినేని ఫ్యాన్స్ గెట్ రెడీ.. కింగ్ 100 నుంచి బిగ్ అప్డేట్..వీడియో వైరల్!
