Bigtv kissik talks: బిగ్ టీవీ ఎంతో ప్రతిషాత్మకంగా నిర్వహిస్తున్న కార్యక్రమాలలో కిసిక్ టాక్స్ షో ఒకటి .ఈ కార్యక్రమంలో ఈ వారం మనల్ని ఎంటర్ టైన్ చేయడానికి వచ్చేసాడు జబర్దస్త్ ఫెమ్ శాంతి స్వరూప్ .ఈ ఇంటర్వ్యూలో శాంతి స్వరూప్ తన జీవితంలో ఎదుర్కొన్న కష్టాల గురించి చెప్పిన మాటలు ఇప్పుడు సోషల్ మీడియాలో వైరల్ అవుతున్నాయి. ముఖ్యంగా లేడీ గెటప్స్ ఎందుకు వేయాల్సి వచ్చిందో ఆయన చెప్పిన విషయం చాలామందిని కదిలిస్తోంది. ఆ ఇంటర్వ్యూలో ఆయన తన జీవితంలో పడ్డ కష్టాల గురించి చెప్తూ బాగా ఎమోషనల్ అయ్యాడు.
ఇండస్ట్రీకి రాకముందు ఆయన పరిస్థితి నిజంగా చాలా దారుణంగా ఉండేదట. ఉండటానికి ఇల్లు లేదు, కనీసం తినడానికి తిండి కూడా సరిగ్గా దొరకలేదట. గుడులు, చర్చిలలో ఇచ్చే ప్రసాదాలు తింటూ రోజులు గడిపానని, రాత్రిళ్లు షాపుల ముందు అరుగుల మీద పడుకున్నానని ఆయన గుర్తు చేసుకున్నారు.
ఎవరి దగ్గరా డబ్బులు లేకపోవడంతో
అలాగే తన జీవితంలో 2007లో తండ్రి చనిపోయిన రోజుని తలుచుకుంటూ చాలా బాధపడ్డారు. నాన్న చనిపోతే అంత్యక్రియలు చేయడానికి కూడా జేబులో కనీసం రెండు వేల రూపాయలు లేవని, ఐదుగురు అన్నదమ్ములు ఉన్నా ఎవరి దగ్గరా డబ్బులు లేకపోవడంతో అప్పు చేసి నాన్న అంత్యక్రియలు చేయాల్సి వచ్చిందని కన్నీళ్లు పెట్టుకున్నారు.
కుటుంబాన్ని, కన్నతల్లిని పోషించుకోవడానికి వచ్చిన ప్రతి అవకాశాన్ని వాడుకున్నానని శాంతి స్వరూప్ చెప్పారు. అందుకోసమే విగ్గులు పెట్టుకుని, చీరలు కట్టుకుని లేడీ గెటప్స్ వేసి నటించాల్సి వచ్చిందట. తనకు ఆ గెటప్స్ వేయడం సరదా కాదని, కేవలం బతకడానికి, జీవనోపాధి కోసమే ఆ పని చేశానని స్పష్టం చేశారు.
పేరు, డబ్బు రావాలని కొందరు తప్పు దారులు
ఇక ఇండస్ట్రీలో విషయాల గురించి మాట్లాడుతూ.. తొందరగా పేరు, డబ్బు రావాలని కొందరు తప్పు దారులు తొక్కుతుంటారని, అవకాశాల కోసం కాంప్రమైజ్ కావడం అస్సలు మంచిది కాదని చెప్పారు. అయితే, అమ్మాయిల గురించి ఆయన చెప్పిన కొన్ని మాటలు మాత్రం సోషల్ మీడియాలో చిన్నపాటి చర్చకు దారితీశాయి. అందరినీ ఒకేలా మాట్లాడటం కరెక్ట్ కాదని నెటిజన్లు కామెంట్లు పెడుతున్నారు.
ప్రస్తుతం తన పరిస్థితి గురించి చెప్తూ ఆయన చాలా ఆవేదన చెందారు. తనకు ఎప్పుడైనా అనారోగ్యం వస్తే ఆస్పత్రికి తీసుకెళ్లడానికి పక్కన ఎవరూ ఉండరని, తానే స్వయంగా ఫోన్ లో క్యాబ్ బుక్ చేసుకుని హాస్పిటల్ కి వెళ్తుంటానని బాధపడ్డారు.తెర మీద అందరినీ నవ్వించే వాళ్ళ వెనుక కూడా ఎన్నో కన్నీళ్లు, కష్టాలు ఉంటాయనేదానికి శాంతి స్వరూప్ జీవితమే ఒక ఉదాహరణ.
also read:ఆగస్టు 15 వేడుకల్లో మెగా ఫ్యామిలీ.. నిహారిక, లావణ్య స్పెషల్ అట్రాక్షన్
ఇక ఈ విషయాలన్నింటిపై మరింత క్లారిటీ రావాలంటే ఆదివారం రాత్రి 8 గంటలకి బిగ్ టీవీలో టెలీకాస్ట్ కానున్న ఫుల్ ఇంటర్వ్యూ చూడాలసిందే !
Share
చోడవరంలో దారుణం.. భర్తను నరికి చంపి, తల వద్ద దీపం పెట్టిన భార్య!
డబుల్ బెడ్‌రూమ్ ఇండ్ల భూమిని కాజేసేందుకు.. బిగ్ స్కెచ్చేసిన అక్రమార్కులు!
