Lenin Movie: అక్కినేని వారసుడిగా సినీ ఇండస్ట్రీలోకి అడుగుపెట్టిన అఖిల్ (Akhil Akkineni) ఎన్నో ఏళ్లుగా బ్లాక్ బస్టర్ విజయం కోసం ఆరాటపడిన విషయం తెలిసిందే. అయితే ఎట్టకేలకు ఆయన ఎదురుచూపుకు తెరపడింది. లెనిన్ (Lenin) రూపంలో బ్లాక్ బాస్టర్ విజయాన్ని ఆయన సొంతం చేసుకున్నారు. ప్రముఖ డైరెక్టర్ మురళీ కిషోర్ అబ్బూరు (Murali Kishore abburu) దర్శకత్వంలో అఖిల్ హీరోగా, భాగ్యశ్రీ బోర్సే(Bhagya shri Borse) హీరోయిన్గా నటించిన ఈ చిత్రం జూలై 10వ తేదీన విడుదలై అఖిల్ కెరీర్ కు మంచి బ్రేక్ ఇచ్చింది. థియేటర్ రన్ పూర్తి చేసుకున్న ఈ సినిమా ప్రముఖ ఓటీటీ ప్లాట్ఫారం జీ ఫైవ్, అమెజాన్ ప్రైమ్ వీడియోలలో స్ట్రీమింగ్ అవుతున్న విషయం తెలిసిందే. అమెజాన్ ప్రైమ్ వీడియోలో హిందీ వెర్షన్ లో ఈ సినిమా అందుబాటులో ఉంది.
ఇకపోతే థియేటర్లలో, ఓటీటీలలో సినిమాను అందుబాటులోకి తీసుకొచ్చారు. అయితే మరి టీవీ ప్రియుల కోసం ఎప్పుడు అందుబాటులోకి తెస్తారు అంటూ టీవీ ప్రేక్షకులు ఆసక్తిగా ఎదురు చూడగా వారికి గుడ్ న్యూస్ చెబుతూ చిత్ర బృందం మరో ఆసక్తికర వార్త బయట పెట్టింది. లెనిన్ సినిమాను మరింత ఎక్కువ మంది వీక్షించేలా ఈ సినిమాను బుల్లితెరపై ప్రీమియర్ చేయడానికి ప్రముఖ టీవీ ఛానల్ సిద్ధమయ్యింది. ఆగస్టు 30వ తేదీన ఆదివారం సాయంత్రం 5:30గంటలకు జీ తెలుగు ఛానల్ లో ఈ సినిమా ప్రసారం కానుంది. ఇక ఈ సినిమా శాటిలైట్ ప్రీమియర్ హక్కులను జీ తెలుగు సొంతం చేసుకున్నట్లు సమాచారం. మొత్తానికైతే థియేటర్లలో సందడి చేస్తూ ఓటీటీలలో విపరీతంగా పాపులారిటీ అందుకున్న ఈ సినిమా ఇప్పుడు బుల్లితెరపై ప్రేక్షకులను అలరించడానికి సిద్ధం అయ్యింది.
also read: ఇరుముడి’తో సంచలనం సృష్టించిన బేబీ నక్షత్ర రెమ్యూనరేషన్ ఎంతో తెలుసా?
ఇదిలా ఉండగా మరొకవైపు ప్రేక్షకులకు మరో గుడ్ న్యూస్ చెప్పింది చిత్ర బృందం. లెనిన్ సినిమాను మరింత మంది వీక్షించే విధంగా మరో ఓటిటి ప్లాట్ఫామ్ జియో హాట్ స్టార్ లో కూడా హిందీ వర్షన్ స్ట్రీమింగ్ అవుతోంది. థియేటర్లలో రెస్పాన్స్ అందుకున్న ఈ సినిమా ఓటీటీలలో కూడా మంచి రికార్డులు క్రియేట్ చేస్తోంది. అయితే ఇప్పుడు జియో హాట్ స్టార్ లో హిందీ వెర్షన్ కూడా అందుబాటులోకి తీసుకొచ్చారు. ఇకపోతే ఈ చిత్రాన్ని అన్నపూర్ణ స్టూడియోస్ తోపాటు సితార ఎంటర్టైన్మెంట్ బ్యానర్లపై అక్కినేని నాగార్జున, నాగవంశీ సంయుక్తంగా నిర్మించారు . రొమాంటిక్ యాక్షన్ డ్రామాగా వచ్చిన ఈ చిత్రంలో సునీల్ , శివాజీ కీలకపాత్రలు పోషించగా.. ఈశ్వరీ రావు, బ్రహ్మాజీ, ప్రమోద్ పంజు తదితరులు కీలకపాత్రలు పోషించారు . ఎస్ తమన్ ఈ చిత్రానికి మ్యూజిక్ అందించారు.
Share
కిచెన్లో కింగ్ లాంటి టాప్ మైక్రోవేవ్ ఓవెన్లు..అన్ని వంటకాలు చిటికెలో!
నాగ్ బర్త్ డే ట్రీట్ లోడింగ్.. ఫ్యాన్స్ కు పునకాలే..!
