నువ్వింకా శీలవతివేనా.. అదిరిపోయే సమాధానం ఇచ్చిన వేణుస్వామి భార్య!

Venuswamy Wife :సెలబ్రిటీ జ్యోతిష్యుడు వేణుస్వామి భార్య, ప్రముఖ వీణా విద్వాంసురాలు వీణా శ్రీవాణి సోషల్ మీడియా వేదికగా ట్రోలర్స్‌కు గట్టి కౌంటర్ ఇచ్చారు. సెలబ్రిటీల వ్యక్తిగత విషయాలపై నిత్యం చర్చ జరిగే డిజిటల్ ప్రపంచంలో, కొందరు నెటిజన్లు హద్దు మీరి చేసే కామెంట్లు ఎంత దారుణంగా ఉంటున్నాయో ఆమె బయటపెట్టారు. ఒక వ్యక్తి తనను ఉద్దేశించి చేసిన అత్యంత నీచమైన కామెంట్‌పై వీణా శ్రీవాణి తీవ్ర ఆగ్రహం వ్యక్తం చేస్తూ చెప్పిన సమాజిక స్పృహతో కూడిన మాటలు ఇప్పుడు నెట్టింట తెగ వైరల్ అవుతున్నాయి.

అసభ్యకరమైన మెసేజ్‌తో వేధింపులు:

సోషల్ మీడియాలో ఎప్పుడు ఏదో ఒక నెగెటివ్ పోస్ట్ లేదా కామెంట్‌తో వార్తల్లో నిలిచే ఈ దంపతులపై కొందరు మరీ దిగజారి పోస్ట్ చేస్తుంటారు. తాజాగా ఒక నెటిజన్ వీణా శ్రీవాణికి పంపిన మెసేజ్ తనను తీవ్రంగా బాధించిందని ఆమె తెలిపారు. “మీరు ఇంకా శీలవతేనా? మీ ఆయన మీద ఒట్టు వేసి చెప్పు” అంటూ అత్యంత అసభ్యకరంగా ఆ వ్యక్తి ప్రశ్నించినట్లు ఆమె చెప్పారు. అలాంటి చీప్ మెసేజ్ చూసి తనకు కోపం వచ్చి వెంటనే ఆ యూజర్‌ను బ్లాక్ చేసినట్లు ఆమె వెల్లడించారు.

“అవును.. నేను శీలవతిని కాదు, పర్ఫెక్ట్ మహిళను:

ఆ నెటిజన్ అడిగిన ప్రశ్నకు వీణా శ్రీవాణి తనదైన శైలిలో ఘాటుగా బదులిచ్చారు. “అవును, నేను శీలవతిని కాదు.. నేను ఒక పర్ఫెక్ట్ మహిళను” అని ధైర్యంగా స్పష్టం చేశారు. తొమ్మిది నెలలు బిడ్డను మోసి, కనే సమయంలో సిజేరియన్ కష్టమని వైద్యులు చెబితే ఆపరేషన్ కు ఓకే చెప్పానని అన్నారు. ఇక ఆ సమయంలో ఐసీయూలో తన చుట్టూ ఉన్న మత్తు డాక్టర్లు, కంపౌండర్లు అందరూ మగవారేనని, ఆపద సమయంలో ప్రాణ రక్షించుకోవడం ముఖ్యం కానీ ఇలాంటి చీప్ ఆలోచనలు రావని ఆమె ఘాటుగా ప్రశ్నించారు.

సమాజంలో మారుతున్న ఆలోచనలపై మండిపాటు:

మహిళల ప్రసవాలు, ఆసుపత్రి పరిస్థితుల గురించి కూడా అవగాహన లేకుండా మాట్లాడే ఇలాంటి వెధవల వల్ల దేశానికి ఒరిగేదేమిటని వీణా శ్రీవాణి నిలదీశారు. ప్రతీ మనిషి తల్లి, చెల్లి, భార్య ప్రసవ వేదనను, ఈ వైద్య పరిస్థితులను దాటుకొచ్చిందేనని గుర్తుచేశారు. మహిళలు అన్ని రంగాల్లో దూసుకుపోతూ కష్టపడుతుంటే, వీళ్లు మాత్రం ఇంకా ఇలాంటి పాత చింతకాయ ఆలోచనల వద్దే ఆగిపోయి సమాజాన్ని వెనక్కిలాగుతున్నారని తీవ్రస్థాయిలో ఆగ్రహం వ్యక్తం చేశారు.

also read:రోహిత్ వర్సెస్ వంశీ.. శాలిని పై నీతూ ఫైర్.. అసలేం జరుగుతోంది?

మగాళ్లందరినీ అనలేదు.. ఆ వెధవలకే:

తన మాటలు అందరు మగాళ్లను ఉద్దేశించినవి కాదని, కేవలం ఇలాంటి చీప్ మెసేజ్‌లు పెట్టే కొద్దిమంది పనికిమాలిన మనుషులకే వర్తిస్తాయని ఆమె స్పష్టం చేశారు. మగవారంటే తనకు ఎంతో గౌరవం ఉందని, కానీ ఇలాంటి వారిని సమాజంలో ఎవరూ మార్చలేరని, జీవితాంతం ఇలాగే వెధవలుగా మిగిలిపోతారంటూ ఆమె తీవ్రంగా విమర్శించారు. ఆమె సాహసోపేతమైన సమాధానానికి నెటిజన్ల నుంచి మద్దతు లభిస్తోంది.

ఇక మొత్తానికి చూస్తే, సోషల్ మీడియా వేదికగా మహిళలపై జరిగే ఇలాంటి చీప్ ట్రోలింగ్‌ను వీణా శ్రీవాణి ఎదుర్కొన్న తీరు ఎంతో మందికి ఒక పాఠం లాంటిది. పరామర్శించాల్సింది పోయి, మహిళల వ్యక్తిత్వాన్ని కించపరిచేలా ప్రవర్తించే వారి ముఖాన కొట్టినట్లు ఆమె ఇచ్చిన సమాధానం సెలబ్రిటీలకే కాక సాధారణ మహిళలకు కూడా ధైర్యాన్ని ఇస్తోంది. ట్రోలర్స్‌కు సోషల్ మీడియా సాక్షిగా ఆమె చెంపపెట్టులాంటి సమాధానం ఇచ్చి అందరి ప్రశంసలు అందుకున్నారు.

?utm_source=ig_web_copy_link&rpxt=MzRlODBiNWFlZA==&srtk=MzRlODBiNWFlZA==