Director Sriram Aditya Son Playing Sharwanand’s Sons Role in ‘Maname’ Movie: కుర్ర హీరో శర్వానంద్, కృతి శెట్టి జంటగా శ్రీరామ్ ఆదిత్య దర్శకత్వంలో తెరకెక్కుతున్న చిత్రం మనమే. పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్, వివేక్ కూచిభోట్ల నిర్మిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమా టీజర్ ను మేకర్స్ రిలీజ్ చేశారు. టీజర్ ఆద్యంతం ఆకట్టుకుంటుంది. టీజర్ మొత్తం విదేశాల్లోనే చూపించారు.
మంచివాడు అని చెప్పుకొని తిరిగే హీరో.. మాట మీద నిలబడాలి అనుకొనే హీరోయిన్.. వీరిమధ్య అనుకోకుండా వచ్చిన ఒక చిన్న బాబు. అసలు ఆ బుడ్డోడు ఎవరు.. ? ఈ కుర్ర జంట బాబుకు తల్లిదండ్రులుగా ఎందుకు మారారు.. ? అనేది సినిమా చూసి తెలుసుకోవాల్సిందే. ఇక టీజర్ లో శర్వానంద్, కృతి కన్నా అందరి చూపు బాబుపైనే పడింది. ఎంతో ముద్దుగా లాంగ్ హెయిర్ తో ఉన్న ఈ బాబు ఎవరో కాదు.. ఈ సినిమా డైరెక్టర్ శ్రీరామ్ ఆదిత్య ముద్దుల కొడుకు విక్రమ్ ఆదిత్య. ఏంటి.. నిజమా.. ? అంటే అవును.. విక్రమ్ బాలనటుడుగా తన తండ్రి సినిమాలోనే ఎంట్రీ ఇస్తున్నాడు.
Also Read: Nandamuri Balakrishna: తారకరత్న ఇంటికి కొడుకుతో పాటు వెళ్లిన బాలయ్య..
శ్రీరామ్ ఆదిత్య సినిమాల్లోకి రాకముందు సాఫ్ట్ వేర్ ఉద్యోగిగా పనిచేశాడు. భలే మంచిరోజు సినిమాతో తెలుగు తెరకు అడుగుపెట్టాడు. ఇక అతని భార్య ప్రియాంక గ్రేస్. వీరిద్దరిది ప్రేమ పెళ్లి.. 2020 లో ఈ జంటకు విక్రమ్ జన్మించాడు. ఇక మనమే కథకు బాబు పాత్ర ఎంతో ముఖ్యం. దీంతో తన కొడుకునే తీసుకుంటే బావుంటుందని శ్రీరామ్ అనుకోని విక్రమ్ ను చైల్డ్ ఆర్టిస్ట్ గా పరిచయం చేశాడు. ఈ గడుసు పిల్లాడు ఎలాంటి బెరుకు లేకుండా తండ్రి చెప్పినట్లు విని నటించేశాడు. ప్రస్తుతం తండ్రీకొడుకుల ఫోటోలు నెట్టింట వైరల్ గా మారాయి.
Share
Toyota Launched Fortuner Hybrid: అదరగొడుతున్న టయోటా ఫార్చ్యూనర్ మైల్డ్ హైబ్రిడ్ ఎస్యూవీ.. ఫీచర్స్ చూస్తే అవక్కే..!
PM Modi on Rahul & Akhilesh: వద్దని చెప్పినా వాళ్లు మళ్లీ వస్తున్నారు: పీఎం మోదీ!
