Viral Video: గురుగ్రామ్‌లో దారుణం వెలుగులోకి వచ్చింది. ఓ భవనం సెల్లారులో వలస కార్మికుడిని తలక్రిందులుగా వేలాడ దీసి కొట్టిన దృశ్యాలు వెలుగులోకి వచ్చాయి. కారణం ఏంటన్నది కాసేపు పక్కనబెడితే దీనిపై చాలామంది ఆగ్రహం వ్యక్తం చేస్తున్నారు. దీనికి సంబంధించిన వీడియో వైరల్ అయ్యింది.
హర్యానాలోని గురుగ్రామ్‌లో సెక్టార్ 37లోని ఐఎల్‌డి గ్రీన్స్ కాంప్లెక్స్‌లో ఈ దారుణమైన ఘటన చోటు చేసుకుంది. లేబర్‌ని దారుణంగా కొట్టిన వీడియో వైరల్ కావడంతో పోలీసులు సుమోటోగా కేసు నమోదు చేశారు. తాను ఏ తప్పు చేయలేదని వలస కార్మికుడు చెబుతున్నా, కాంట్రాక్టర్ ఏ మాత్రం వినలేదు. ఏడుస్తూ వేడుకుంటున్నట్లు కనిపించింది.
కాంట్రాక్టర్ చేసిన పనిని మరొకరు సమర్థించే ప్రయత్నం చేశారు. సంఘటన జూన్ 2025లో జరిగినట్లు చెబుతున్నారు. వీడియో మాత్రం జూలై 28న సోషల్ మీడియాలో వైరల్ అయ్యింది. కార్మికుడిని భవనం స్తంభానికి తలకిందులుగా వేలాడదీసి ఓ వ్యక్తి తన చేతిలో ఉన్న కర్రతో వాడ్ని చావబాదుతున్నారు.
ఈ తతంగం చాలాసేపు జరిగింది. దీన్ని గమనించిన అక్కడే ఉన్న ఓ వ్యక్తి ఆ దృశ్యాలను తన ఫోన్‌లో చిత్రీకరించాడు. వాటిని సోషల్ మీడియాలో అప్‌లోడ్ చేశాడు. కాంట్రాక్టర్ స్వయంగా హర్యానాకు చెందిన ఓ మంత్రికి సన్నిహితుడని, అతని భార్య హైకోర్టు న్యాయవాది అని చెబుతున్నారు.
ALSO READ: చీమలకూ కుల పిచ్చి.. ఇదిగో ఇలా తమ క్యాస్ట్, పని డిసైడ్ చేసుకుంటాయట
కార్మికుడ్ని బెదిరిస్తూ వివాదాన్ని అణచివేయడానికి చేస్తున్నట్లు తెలుస్తోంది. కాపలాకు బదులుగా అందరు గార్డులు తాగి పార్టీ చేసుకుంటున్నారని చెప్పడం వాయిస్ వినబడుతోంది. జోక్యం చేసుకోవడానికి ప్రయత్నించిన మరో వ్యక్తి ఇక్కడ అలాంటిదేమీ జరగలేదని, ఎవరూ తాగరని అంటున్నాడు. ఈ ఘటనకు సంబంధించి పోలీసులు నలుగుర్ని అరెస్టు చేసినట్టు తెలుస్తోంది. నిందితుల్లో ఒకరు నిర్మాణ సంస్థకు చెందిన యోగేంద్ర భాటి అని భావిస్తున్నారు. అదే కంపెనీకి చెందిన మరో ప్రతినిధి పేరు ఎఫ్‌ఐఆర్‌లో ప్రస్తావించారు అధికారులు.
🚨 Disturbing video from Gurugram: A migrant worker was brutally beaten and hung upside down by a contractor said to be of Sector 37C getting viral on social media.
Hope the police and the authorities take cognisance #Gurugram #JusticeForWorkers #HumanRights #StopTheAbuse pic.twitter.com/oTixRlGZPq— Sushil Manav (@sushilmanav) July 28, 2025
Share
The Raja Saab: ప్రభాస్ ‘ది రాజా సాబ్’ నుంచి కీలక అప్డేట్.. సంజయ్ దత్ ఫస్ట్ లుక్ వచ్చేసింది..
Trains Cancelled: ఆ రూట్‌ లో వెళ్లే రైళ్లన్నీ రద్దు.. చెక్ చేసుకోండి లేకపోతే బుక్కైపోతారు!
