AI టెన్నాలజీ అందుబాటులోకి వచ్చిన తర్వాత, ఏది నిజమో? ఏది అబద్దమో? తెలియక జనాలు తలలు పట్టుకుంటున్నారు. తాజాగా అలాంటిదే ఓ వీడియో సోషల్ మీడియాలో తెగ చక్కర్లు కొట్టింది. ఈ వీడియోలో ఓ టీసీ అమ్మాయితో అనుచితంగా ప్రవర్తించడం కనిపిస్తుంది. ఆ అమ్మాయి దగ్గర టికెట్ లేకపోవడంతో ఆమెను అసభ్యంగా తాకడంతో పాటు కొట్టడం కనిపిస్తుంది. అంతేకాదు, ఆమెను బెదిరించి డబ్బులు కూడా లాక్కున్నట్లు ఈ వీడియోలో కనిపిస్తుంది. రైల్వే ఉద్యోగి లంచం తీసుకుంటూ రైలులో అమ్మాయితో అసభ్యంగా ప్రవర్తించిన క్లిప్ సోషల్ మీడియాలో బాగా వైరల్ అయ్యింది. నెటిజన్లు ఈ వీడియోపై తీవ్ర స్థాయిలో స్పందించారు. సదరు టీసీపై చర్యలు తీసుకోవాలని డిమాండ్ చేశారు.
కొంత మందికి ఈ వీడియోపై అనుమానం కలిగింది. రైల్వే టీసీలు నిజంగానే అలా చేస్తారనే డౌట్ వచ్చింది. వెంటనే ఆ వీడియోను ఫ్యాక్ట్ చెక్ చేశారు. ఇటీవల ఇలాంటి ఘటన ఏదైనా జరిగిందని చెక్ చేసినప్పుడు, ఎక్కడా రిపోర్టు కాలేదు. నిజమేనని కన్ఫార్మ్ చేసే ఎలాంటి సమాచారం లేదు. అయితే, ఈ వీడియోను పరిశీలించి చూసినప్పుడు ‘అఫీషియల్ రాజ్ ఠాకూర్’ అనే ఇన్ స్టా అకౌంట్ లో తొలిసారి షేర్ చేసినట్లు ఉంది. ఈ వీడియోకు “ఆ అమ్మాయికి టికెట్ లేనప్పుడు ఇలా చేశాను” అనే క్యాప్షన్ ఉంది. అదే వీడియోలో కాస్త కిందికి వెళ్తే ఓ ఒక డిస్క్లైమర్ నోట్ కనిపించింది. “ఈ వీడియో పూర్తిగా స్క్రిప్ట్ ప్రకారం చేసింది. నిజమైనది కాదు. ఈ కంటెంట్ కేవలం వినిదం కోసం రూపొందించింది. అదే సమయంలో అవగాహన కల్పించేందుకు క్రియేట్ చేయబడింది” అని రాసి ఉంది.
Read Also: స్కూల్ బస్సు ఆగకుండా వెళ్లిపోయిందని చిన్నారి ఏడుపు.. అది తెలిసి డ్రైవర్ ఏం చేశాడంటే?
అటు ‘అఫీషియల్ రాజ్ ఠాకూర్’ అకౌంట్ ను పరిశీలించినప్పుడు ఇలాంటి వీడియో మరికొన్ని కనిపించాయి. అవన్నీ స్క్రిప్ట్ ప్రకారం క్రియేట్ చేసినవే కావడం విశేషం. ఈ వీడియోలో ఉన్న అమ్మాయి గతంలో మరికొన్ని వీడియోల్లోనూ కనిపించింది. రైళ్లలో జరిగే దొంగతనాలు, వేధింపులకు సంబంధించి అవగాహన కల్పించేందుకు ఈ వీడియోలను క్రియేట్ చేస్తున్నట్లు తేలింది. సో, ఈ విషయంలో తెలియడంతో చాలా మంది నెటిజన్లు కూల్ అయ్యారు. మరికొంత మంది మాత్రం, జనాలను మిస్ లీడ్ చేసే ఇలాంటి వీడియోలను క్రియేట్ చేయడం మానుకోవడం మంచిదని సూచిస్తున్నారు. ఇలాంటి పనుల వల్ల రైల్వేకు చెడ్డపేరు వచ్చే అవకాశం ఉందంటున్నారు. మొత్తంగా రైల్వే ఉద్యోగి అమ్మాయితో అనుచితంగా ప్రవర్తించినట్లు వైరల్ అయిన వీడియోలో ఎలాంటి నిజం లేదని తేలిపోయింది.
Read Also: పాముతో బెదిరించి డబ్బులు డిమాండ్.. రైల్లో బిచ్చగాడి అరాచకం, రైల్వే స్పందన ఇదే!
Share
Bastar Dussehra Festival: అక్కడ 75 రోజుల పాటు దసరా ఉత్సవాలు.. ప్రాముఖ్యత ఇదే!
Heart Attack: వ్యాయామం చేసేటప్పుడు ఈ లక్షణాలు కనిపిస్తున్నాయా ? హార్ట్ ఎటాక్ కావొచ్చు !
