Viral News: దేనికైనా ఒక హద్దు ఉంటుంది. అది దాటితే కోపం తన్నుకొస్తుంది. ఆ ఎమ్మెల్యే విషయంలో అదే జరిగింది. ఏకంగా హోటల్ చెఫ్‌ని ఉతికేశాడు. ఈ తతంగాన్ని ఓ వ్యక్తి వీడియో తీసి సోషల్‌మీడియాలో పెట్టాడు. దీనిపై మహారాష్ట్ర విపక్ష నేతలు తమదైనశైలిలో రియాక్ట్ అయ్యారు.
శివసేన ఎమ్మెల్యే సంజయ్ గైక్వాడ్ మరోసారి వివాదానికి కేంద్రబిందువుగా మారారు. ఆహారం సరిగా లేదని చెఫ్ను చితగ్గొట్టారు. ఈ ఘటన ముంబై సిటీలో వెలుగుచూసింది. బుల్దానాకు చెందిన షిండే (డిప్యూటీ సీఎం) వర్గానికి చెందిన శివసేన ఎమ్మెల్యే సంజయ్ గైక్వాడ్ ఆకాశవాణి ఎమ్మెల్యే రెసిడెన్స్‌లో ఉంటున్నారు. అక్కడి క్యాంటీన్‌లో భోజనానికి ఆయన వెళ్లారు.
చపాతీతో పాటు రైస్, పప్పు కావాలని ఆర్డర్ చేశారు ఎమ్మెల్యే. పప్పు నుంచి లైటుగా దుర్వాసన రావడం మొదలైంది. దీంతో ఆయన తట్టుకోలేక పోయారు. వెంటనే క్యాంటీన్‌లోకి వెళ్లిన ఎమ్మెల్యే సంజయ్ గైక్వాడ్, ఈ పప్పు ఎవరు వండారంటూ అక్కడి స్టాఫ్‌ను నిలదీశారు. చేతిలో పప్పు ప్యాకెట్ పట్టుకున్న సదరు ఎమ్మెల్యే వాసన చూడాలంటూ స్టాఫ్‌‌కి చూపించాడు.
ఆ తర్వాత కోపం తారాస్థాయికి చేరడంతో వారిపై సీరియస్ అయ్యారు. కొంత తినేసరికి నొప్పి మొదలై వికారంగా ఉందన్నారు. ఎమ్మెల్యేకు ఇలాగే వడ్డిస్తారా? తనకే ఇలాంటి వంట పెడితే మిగతావారి పరిస్థితి ఏంటంటూ ఆగ్రహంతో ఊగిపోయారు. వెంటనే క్యాంటీన్ ఆపరేటర్ రావడంతో కోపం పట్టలేక అతడిపై దాడికి దిగారు ఎమ్మెల్యే.
ALSO READ: భార్యకు ఖరీదైన గిఫ్ట్ ఇచ్చిన లాయర్, ఓపెన్ చేయగానే పోలీసులు వచ్చి
చెంపదెబ్బ కొట్టిన సంజయ్ గైక్వాడ్, ఆ తర్వాత అతడి ముఖం మీద పంచ్‌లు విసిరారు. దీంతో క్యాంటీన్ ఆపరేటర్ కింద పడిపోయాడు. మహారాష్ట్ర శాసనసభ వర్షాకాల సమావేశాలు జరుగుతున్న సమయంలో మంగళవారం రాత్రి ఈ సంఘటన జరిగింది. ఏదో విషయంలో గతేడాది రాహుల్ గాంధీ నాలుక కోసిన వారికి 11 లక్షల రూపాయల బహుమతి ఇస్తానని ప్రకటన చేశారు సంజయ్ గైక్వాడ్.
ఇప్పుడు క్యాంటీన్ వ్యక్తిని కొట్టి వార్తల్లోకి వచ్చేశారు. వైరల్ అవుతున్న ఈ వీడియో ఎంపీ ప్రియాంక చతుర్వేది షేర్ చేశారు. తన చర్యలను సమర్థించుకున్న ఎమ్మెల్యే సంజయ్, ఆహారం నాణ్యత తక్కువగా ఉందని తాను ఫిర్యాదు చేశానన్నారు. ఆహారం సరిగా లేదని, ఈ అంశాన్ని సభలో లేవనెత్తుతానని అన్నారు.
అంతకుముందు గత ఫిబ్రవరిలో శివ జయంతి వేడుకల సందర్భంగా మహిళలను బెదిరించారని ఆరోపిస్తూ వ్యక్తుల గుంపు సమూహాన్ని కొట్టడానికి ఆయన పోలీసు లాఠీని ఉపయోగించిన విషయం తెల్సిందే.
Meet Shah Sena’s MLA Sanjay Gaikwad. Last year he had threatened&announced 11 lakh rupees to anyone who cuts off Sh. Rahul Gandhi’s tongue. Now the man is seen beating up a poor helpless canteen worker. But wait no news TV outrage here since its a BJP ally pic.twitter.com/XVwnEzJFSU
— Priyanka Chaturvedi🇮🇳 (@priyankac19) July 9, 2025
Share
Sara Tendulkar: కొత్త ప్రియుడుతో విదేశాల్లో ఎంజాయ్ చేస్తున్న సచిన్ కూతురు సారా... షాక్ లో గిల్!
Wanaparthy congress: వనపర్తి జిల్లా కాంగ్రెస్ అధ్యక్షడు ఎవరు?
