E-Paper
Advertisement

విశాఖ సిటీలో విద్యార్థుల గ్యాంగ్‌వార్.. పట్టపగలు కర్రలు-రాడ్లతో దాడులు, పోలీసుల అదుపులో 17 మంది

విశాఖ సిటీలో విద్యార్థుల గ్యాంగ్‌వార్.. పట్టపగలు కర్రలు-రాడ్లతో దాడులు, పోలీసుల అదుపులో 17 మంది
Advertisement

Visakha City: విశాఖ సిటీలో విద్యార్థుల గ్యాంగ్ వార్ తీవ్రరూపం దాల్చింది. ఫలితంగా ఒకరిపై మరొకరు పిడి గుద్దులు, కర్రలతో దాడులు చేశారు. వెంటపడి కర్రలు-రాడ్లు పట్టుకుని వీధి రౌఢీల్లా ప్రవర్తించారు. దీంతో అక్కడ భయానక వాతావరణం ఏర్పడింది. ఏం జరుగుతుందో తెలియక చాలామంది బయటపడ్డారు. ఈ గ్యాంగ్‌వార్‌లో మైనర్ యువకులు కూడా ఉన్నారు. ఈ ఘటనలో పోలీసులు 17 మందిని అదుపులోకి తీసుకున్నారు.

 

విశాఖలో విద్యార్థుల మధ్య గ్యాంగ్‌వార్

Advertisement

విశాఖపట్నం శివారు ప్రాంతం మధురవాడ సమీపంలోని మారికావలస-తిమ్మాపురం రహదారిపై విద్యార్థుల మధ్య గ్యాంగ్‌వార్ జరిగింది. శివశక్తినగర్‌ ప్రాంతానికి చెందిన యువకులు రెండు వర్గాలుగా విడిపోయారు. ఆ తర్వాత ఒకరిపై మరొకరు పిడి గుద్దులు, ముష్టి ఘాతాలతో దాడులకు దిగారు. ఒక్కమాటలో చెప్పాలంటే కర్రలు-రాడ్లు పట్టుకుని వీధి రౌడీలా మాదిరిగా వ్యవహరించారు.

 

పట్టపగలు కర్రలు-రాడ్లతో దాడులు

Advertisement

ఘటన సమయంలో రోడ్డుపై చాలామంది వాహనాలు వెళ్తున్నాయి. ఆ సమయంలో వారిని ఆపేందుకు ప్రయత్నం చేశారు. దాదాపు అరగంటకు పైగానే ఘటన చోటు చేసుకుంది. ఈలోగా స్థానికులు పోలీసులకు సమాచారం ఇచ్చారు. వారు వచ్చిన తర్వాత యువకులు తమ వాహనాలతో అక్కడి నుంచి పరారయ్యారు.

 

పోలీసుల అదుపులో 17 మంది

చంద్రంపాలెం పాఠశాల సమీపంలో విద్యార్థుల మధ్య తలెత్తిన వివాదం ఘర్షణకు కారణంగా తెలుస్తోంది. తొలుత యువకుల మధ్య మాటా మాటా తీవ్రరూపం దాల్చింది. చివరకు రెండు వర్గాలుగా విడిపోయి దాడులు చేసుకోవడంతో తీవ్రరూపం దాల్చింది. ఈ దాడుల్లో నలుగురి గాయపడినట్టు తెలుస్తోంది. మొత్తం 20 మంది యువకుల్లో 17 మందిని పోలీసులు అదుపులోకి తీసుకున్నారు.

ఆరుగురిపై కేసులు నమోదు చేయగా, అందులో ముగ్గురు మేజర్లు-ముగ్గురు మైనర్లు ఉన్నారు. ఇరువర్గాల ఘర్షణ జరుగుతున్నప్పుడు అటుగా వెళ్తున్న బైక్ రైడర్‌తో గొడవకు దిగారు విద్యార్థులు. యువకులకు వాహనం  తగలడంతో వారితో ఘర్షణ దిగి చితకబాదినట్టు సమాచారం. ఘటనకు ముందు వారిలో కొందరు మద్యం సేవించి ఉంటారని అనుమానిస్తున్నారు పోలీసులు. దీని వెనుక మరొక కారణం కూడా వినిపిస్తోంది.

ALSO READ: జగన్‌కు జేసీ ప్రభాకర్ రెడ్డి స్ట్రాంగ్ కౌంటర్.. తాడిపత్రిలో హైడ్రామా

అమ్మాయి ప్రేమ వ్యవహారం దీనివెనుక మరొక కారణంగా చెబుతున్నారు. జరిగిన ఘటనపై పోలీసులు దర్యాప్తు చేస్తున్నారు. ఇందులో పాల్గొన్న వారిని గుర్తించడానికి సీసీటీవీ ఫుటేజ్, అందుబాటులో ఉన్న సాక్ష్యాలను పరిశీలిస్తున్నట్లు తెలిపారు. హింసకు పాల్పడినా, ప్రజలకు ఇబ్బంది కలిగించేలా వ్యవహరించినా కఠిన చర్యలు తీసుకుంటామని హెచ్చరించారు పోలీసులు.

Related News

చర్యకు ప్రతిచర్య తప్పదు.. టీడీపీ నేతలు, పోలీసులకు కేతిరెడ్డి వార్నింగ్

విజయవాడ ఆటోనగర్‌లో భారీ అగ్నిప్రమాదం.. రూ.2 కోట్ల ఆస్తి నష్టం!

వైసీపీది అంతా రివర్స్ వ్యవహారం.. పట్టణాలే కాదు-పల్లెల్లో కూడా మంచి ఫలితాలు ఇచ్చారు-సీఎం చంద్రబాబు

మామ వెనక్కి తగ్గు.. అలాంటి మాటలొద్దు, బొత్సకు మేనల్లుడు శ్రీను స్ట్రాంగ్ కౌంటర్..

ఎమ్మెల్యే ఆదినారాయణరెడ్డి ఎపిసోడ్.. అమరావతి టు ఢిల్లీ, నాకు నచ్చకపోతే అక్కడే రాజీనామా

కేవలం 12 నెలల వ్యవధిలో.. ఆసియాలో అతిపెద్ద బేవరేజ్ ప్లాంట్, ఎక్స్‌లో మంత్రి లోకేష్..

వైసీపీ చ‌నిపోయిన పార్టీ.. బ్రతికున్నామనే భ్రమలో ఆ పార్టీ నేతలు, నాగబాబు హాట్ కామెంట్స్‌పై చర్చ

సీఎం చంద్రబాబుతో భేటీ ఎమ్మెల్యే ఆదినారాయణ రెడ్డి, జెడ్సీ పదవిపై చర్చ, నెక్ట్స్ అడుగులు ఎటువైపు?

Big Stories

Advertisement
×