Vijayawada News: బాధ్యతగా డ్యూటీ నిర్వహించాల్సిన ఇద్దరు కానిస్టేబుల్ ఉద్యోగులు నడి రోడ్డుపై దారుణంగా ప్రవర్తించారు. డ్యూటీలో ఉండగానే మద్యం సేవించి గొడవకు దిగడంతో ఈ ఘటన సంచలనంగా మారింది. విజయవాడ నగరంలో డ్యూటీలో ఉన్న ఇద్దరు కానిస్టేబుళ్లు వివాదాస్పద చర్యలకు పాల్పడడంతో స్థానికంగా తీవ్ర ఆగ్రహానికి దారితీసింది. ఈ ఘటన పోలీసు శాఖపై ప్రజల విశ్వాసాన్ని దెబ్బతీసే విధంగా ఉంది. ఈ ఘటనకు సంబంధించిన పూర్తి వివరాలు ఇలా ఉన్నాయి.
విజయవాడ ఫోర్త్ ట్రాఫిక్ కానిస్టేబుల్ శ్రీనివాస్ నాయక్ డ్యూటీలో ఉండగానే మద్యం సేవించాడు. తాగిన మత్తులో ఓ యువతితో అసభ్యంగా ప్రవర్తించి గొడవకు దిగాడు. యూనిఫాంలో ఉండగానే మద్యం సేవించినట్టు వీడియోలో స్పష్టంగా తెలుస్తోంది. యువతి, శ్రీనివాస్ నాయక్ గొడవ పడుతుండగా.. వీరిద్దరి మధ్యలో విజయవాడ అజిత్ సింగ్ నగర్ బీట్ కానిస్టేబుల్ కోటేశ్వరరావు జోక్యం చేసుకున్నాడు. దీంతో ఇద్దరి కానిస్టేబుళ్ల మధ్య గొడవ జరిగింది. నడి రోడ్డు పైనే అందరూ చూస్తుండగానే శ్రీనివాస్ నాయక్, కోటేశ్వర రావు చొక్కాలు పట్టుకుని గొడవకు దిగారు. ఈ యువతి కానిస్టేబుల్ ను నానా బూతులు కూడా తిట్టింది.
డ్యూటీలో మద్యం సేవించి గొడవపడిన కానిస్టేబుళ్లు
విజయవాడలో విధుల్లో ఉన్న ఇద్దరు కానిస్టేబుళ్లు మద్యం సేవించి నడిరోడ్డుపై గొడవపడ్డారు. ట్రాఫిక్ కానిస్టేబుల్ శ్రీనివాస నాయక్ మద్యం మత్తులో ఓ యువతితో వాగ్వాదానికి దిగాడు. ఈ గొడవలో అజిత్ సింగ్ నగర్ బీటు కానిస్టేబుల్ కోటేశ్వరరావు జోక్యం… pic.twitter.com/UiO5yKIh99
— ChotaNews App (@ChotaNewsApp) September 3, 2025
ఈ విషయం కాస్త కమిషనర్ రాజశేఖర్ బాబు వద్దకు చేరింది. కానిస్టేబుల్స్ శ్రీనివాస్ నాయక్, కోటేశ్వర్ రావులపై క్రమశిక్షణ చర్యలు తీసుకునేందుకు ఆదేశాలు కూడా జారీ చేశారు. అనంతరం కమిషనర్ ఇద్దరు కానిస్టేబుళ్లను సస్పెండ్ చేశాడు. అయితే ఆ ఇద్దరి కానిస్టేబుళ్లను ఒకరిని మాత్రమే సస్పెండ్ చేయాల్సింది అని జనాలు చెబుతున్నారు. కోటేశ్వరరావు గొడవ ఆపేందుకు వెళ్తే అతడిపై కూడా వేటు పడిందని స్థానికులు తెలిపారు.
ALSO READ: LIC HFL: డిగ్రీ అర్హతతో అప్రెంటీస్ పోస్టులు.. నెలకు రూ.12,000 స్టైఫండ్, దరఖాస్తుకు చివరితేది ఇదే..
ఈ ఘటనపై స్థానిక ప్రజలు ఆగ్రహం వ్యక్తం చేస్తున్నారు. శాంతిభద్రతలు కాపాడాల్సిన పోలీసులే ఇలాంటి అనుచిత ప్రవర్తనలో పాల్గొనడం పట్ల ప్రజలు అసంతృప్తి వ్యక్తం చేశారు. సోషల్ మీడియాలో ఈ ఘటనపై విమర్శలు వెల్లువెత్తుతున్నాయి. పోలీసు శాఖలో సంస్కరణలు అవసరమని, క్రమశిక్షణ చర్యలు మరింత కఠినతరం చేయాలని డిమాండ్ చేశారు. భవిష్యత్తులో ఇలాంటి సంఘటనలు పునరావృతం కాకుండా ఉండేందుకు పోలీసు శాఖ చర్యలు తీసుకోవాలని కోరారు.
ALSO READ: Paramedical Staff Jobs: రైల్వేలో పారామెడికల్ స్టాఫ్ ఉద్యోగాలు.. మంచి వేతనం, ఇంకా 5 రోజులే గడువు
Share
OTT Movie : అమ్మాయి ప్రైవేట్ వీడియో రికార్డు చేసి, చేయకూడని పని... ఈ క్రైమ్ థ్రిల్లర్లో ప్రతీ 5 నిమిషాలకో ట్విస్ట్
MS Dhoni: 43 బ్రాండ్లకు ధోని బ్రాండ్ అంబాసిడర్... కోహ్లీ కూడా వెనుకబడిపోయాడు..టాప్ 5 లిస్ట్ ఇదే!
