Balakrishna Assets Details in Affidavit: హిందూపురం టీడీపీ అభ్యర్థి నందమూరి బాలకృష్ణ.. శుక్రవారం నామినేషన్ దాఖలు చేశారు. రెండుసార్లు ఎమ్మెల్యేగా గెలిచిన బాలయ్య.. ముచ్చటగా మూడోసారీ విజయం కోసం ప్రచారం చేస్తున్నారు. కాగా.. తాజాగా దాఖలు చేసిన అఫిడవిట్ లో బాలయ్య తన ఆస్తుల వివరాలను వెల్లడించారు. ఈ వివరాలు ప్రస్తుతం నెట్టింట వైరల్ అవుతున్నాయి. బాలయ్యబాబు చెప్పిన ఆస్తుల వివరాలిలా ఉన్నాయి.
ఆయన పేరుమీద ఉన్న ఆస్తుల విలువ రూ.81 కోట్ల 63 లక్షలు ఉంటుందని అఫిడవిట్ లో పేర్కొన్న బాలయ్య.. భార్య వసుంధర ఆస్తుల విలువ రూ.140 కోట్ల 38 లక్షల 83 వేలు ఉంటుందని తెలిపారు. కొడుకు మోక్షజ్ఞ ఆస్తుల విలువ 58 కోట్ల 63 లక్షల 66 వేల ఆస్తులు ఉన్నట్లు తెలిపారు. ఇక అప్పుల విషయానికొస్తే.. బాలయ్యకు రూ.9కోట్ల 9 లక్షల 22వేలు, వసుంధరకు రూ.3 కోట్ల 83 లక్షల 98 వేలు ఉన్నట్లు అఫిడవిట్ లో పేర్కొన్నారు.
లిక్విడ్ క్యాష్.. బాలకృష్ణ అకౌంట్ లో కోటిరూపాయల 74 లక్షల 42వేల 237 రూపాయలు ఉన్నట్లు తెలిపారు. కోటి రూపాయల 52 లక్షల విలువైన కార్లు, 3 లక్షల 70 వేల 140 రూపాయల విలువైన 5 కేజీల వెండి, 44 లక్షల విలువ చేసే బంగారం, 68 లక్షల విలువైన డైమండ్స్ ఉన్నట్లు వివరంగా చెప్పారు.
Also Read: బంగారం లేని బాబు.. కేసులు 20కి పైగానే!
భార్య వసుంధర పేరుపై ఏకంగా 4 కోట్ల రూపాయల 79 లక్షల 16 వేల 752 రూపాయల విలువైన బంగారం, వెండి, డైమండ్ నగలున్నట్లు వెల్లడించారు బాలయ్య. మొత్తంమీద బాలయ్య ఫ్యామిలీ ఆస్తులు రూ.280 కోట్లకు పైమాటే. ఏదేమైనా మా బాలయ్య బాబు బంగారం అంటున్నారు అభిమానులు.
Share
Ritika Nayak's Back Ground: తేజ సజ్జ ‘మిరాయ్’ హీరోయిన్ బ్యాగ్రౌండ్ ఏంటో తెలుసా..?
Today Gold Rates: ప్రస్తుతం చాలా మంది బంగారం గురించే ఆలోచిస్తున్నారంటా..! ఎందుకో తెలుసా..?
