Snake Bite: పల్నాడు జిల్లా.. చిలకలూరిపేట వేద స్కూల్..! టెన్త్ ఎగ్జామ్స్తో స్కూల్ మొత్తం నిశబ్ధంగా ఉంది. విద్యార్థులు సీరియస్గా ఎగ్జామ్ రాస్తున్నారు. ఇంతలోనే టెన్త్ ఎగ్జామ్స్ చీఫ్ సూపరింటెండెంట్ కరీముల్లా ఇన్స్పెక్షన్కు వెళ్లారు. విద్యార్థులను పరిశీలిస్తూ వస్తుండగా.. పాము కాటేసింది. వెంటనే అలర్టయిన టీచర్లు, ప్రభుత్వాస్పత్రికి తరలించారు. కరీముల్లా పరిస్థితి నిలకడగా ఉన్నట్లు డాక్టర్లు చెప్పారు. ఎలాంటి ఆందోళన అవసరం లేదని వైద్యులు తెలిపారు. మూడు రోజులపాటు ఆసుపత్రిలో పరిశీలనలో ఉంచి డిశ్చార్జ్ చేస్తామని చెప్పారు. ఎగ్జామ్ సెంటర్లలోకి పాము రావడంతో విద్యార్థుల తల్లిదండ్రులు ఆందోళన వ్యక్తం చేస్తున్నారు.
సాధారణంగా పాములు పొలాలు, అడవుల్లోనూ.. ఏజెన్సీ ప్రాంతాల్లో.. నీటి వనరులు ఎక్కువగా ఉన్న ప్రదేశాల్లో ఎక్కువగా ఉంటాయి. అయితే చెట్లను ఎక్కువగా నరికివేయడం వల్ల పాములు జనాల్లోకి వచ్చేస్తున్నాయి. దీనికి తోడు పారిశ్రామికీకరణ వల్ల నీటి కాలుష్యం పెరగడంతో అవి బయట తిరుగుతున్నాయి. అందులో ఇప్పుడు సమ్మర్ సీజన్ వచ్చేసింది. వేడి తాపానికి పాములు తేమ కోసం జనాలు ఉండే ప్రాంతాల్లోకి సంచరిస్తూ ఉంటాయి. పాముల బెడద తగ్గాలంటే.. విచ్చలవిడిగా అడవులను నరికి వేయడం ఆపాలి.
నీటి కాలుష్యాన్ని తగ్గించాలి. పాము కరిచినప్పుడు.. మంత్ర వైద్యం. నాటు వైద్యం కాకుండా తప్పనిసరిగా హాస్పటల్కి వెళ్లి చికిత్స తీసుకోవాలి. ఏమాత్రం నిర్లక్ష్య వహించకూడదు. ముఖ్యంగా భయపడకుండా.. ధైర్యంగా ఉంటే సగం బ్రతికినట్లే..
మరోవైపు ప్రొద్దుటూరులో ఓ ప్రైవేట్ స్కూల్లో తొమ్మిదవ తరగతి చదువుతున్న విద్యార్థిపై పోక్సో కేసు నమోదు అయ్యింది. సోషల్ మీడియాలో ఫేక్ ఐడీలు క్రియేట్ చేసి తోటి విద్యార్థినులను వేధించాడు ఓ విద్యార్థి. ప్రొద్దుటూరు మండలం చౌడూరు గ్రామంలోని ఓ ప్రైవేట్ స్కూల్లో ఈ ఘటన జరిగింది. అదే స్కూల్లో 9వ తరగతి చదువుతున్న ఓ విద్యార్థి..ఫేక్ సోషల్ మీడియా అకౌంట్లతో..విద్యార్ధినుల వేధింపులకు పాల్పడ్డాడు.
ఫోన్ నెంబర్లకు, అసభ్యకర మెసేజ్లు పంపుతూ.. రోజు తమను వేధిస్తున్నాడని విద్యార్థినులు టీచర్కు కంప్లైంట్ చేసారు. దీంతో ఆ బాలుడిని టీచర్ మందలించాడు. కోపంతో రగిలిపోయిన ఆ బాలుడు…తల్లిదండ్రులకు చెప్పడంతో.. వారు టీచర్పై మండిపడ్డారు. దీనిపై పోలీస్ స్టేషన్లో బాలుడి తల్లిదండ్రులు ఫిర్యాదు చేశారు. ఎంఈఓ సమక్షంలో విచారణ జరగగా.. వేధింపుల విషయం బయటపడింది. దీంతో బాలుడిపై , తల్లిదండ్రులపై పోలీసులు పోక్సో కేసు నమోదు చేశారు.
Share
Akshaya Tritiya 2025: అక్షయ తృతీయ 2025 తేదీ..శుభ ముహూర్తం, పూజా విధానం
BRS : జీవన్రెడ్డికి చెక్? 114 ఎకరాల భూకబ్జా కేసులో...
