Vizag innovation hub 2025: విశాఖపట్నం పేరు ఒక్కసారి చెబితే అందరికీ గుర్తుకొచ్చేది బీచ్‌లు, క్లీన్ సిటీ, కల్చర్, ఉత్కంఠభరితమైన హిల్స్. కానీ ఇప్పుడు అందులోకి మరో కొత్త గుర్తింపు వచ్చి చేరింది. విజాగ్‌లో ఉన్న ఆంధ్ర మెడ్టెక్ జోన్ (AMTZ) ఇప్పుడు దేశం మొత్తం చూసిన సాంకేతిక విజ్ఞాన పురోగతిలో అగ్రగామిగా నిలిచింది. కేంద్ర ప్రభుత్వం తాజాగా విడుదల చేసిన 2024-25 శాస్త్ర సాంకేతిక క్లస్టర్ నివేదికలో, దేశంలోని టాప్ 8 స్ట్రాటజిక్ ఇన్నొవేషన్ హబ్‌లలో ఒకటిగా ఈ AMTZ క్లస్టర్ ఎంపికైంది. ఇది కేవలం విశాఖకు మాత్రమే కాదు, ఆంధ్రప్రదేశ్ ప్రజలందరికీ గర్వకారణం.
సైన్స్ అండ్ టెక్నాలజీ క్లస్టర్ అంటే ఏంటి?
ఈ క్లస్టర్ అంటే శాస్త్రీయంగా పరిశోధనలు జరిగే ప్రదేశం మాత్రమే కాదు. అక్కడ ఉండే శాస్త్రవేత్తలు, యువత, పరిశ్రమలు కలిసి కొత్త ఆవిష్కరణలు చేసేందుకు కృషి చేసే స్థలాలు. ఇవి పరిశోధన, అభివృద్ధి, వినూత్న ఆలోచనలపై ఆధారపడి అభివృద్ధి చెందే కేంద్రాలు. అందుకే వీటిని ఇన్నొవేషన్ హబ్ లుగా కూడా పిలుస్తారు.
AMTZలో ఉన్న ప్రత్యేకతలు
వైజాగ్‌లోని ఏఎంటిజెడ్‌ (AMTZ – Andhra MedTech Zone) అనేది మెడికల్ డివైస్ తయారీకి సంబంధించిన దేశంలోని అతిపెద్ద పరిశ్రమల ప్రాంగణాల్లో ఒకటి. ఇది 270 ఎకరాల్లో విస్తరించి ఉంది. ఇందులో మెడికల్ ఉత్పత్తులు తయారీకి కావలసిన రీసెర్చ్ ల్యాబ్స్, డిజైన్ సెంటర్లు, టెస్టింగ్ ఫెసిలిటీలతో పాటు యాంత్రికంగా అత్యాధునిక పరికరాల తయారీకి అవసరమైన మౌలిక సదుపాయాలన్నీ ఉన్నాయి.
వెంటిలేటర్లు, సర్జికల్ ఉపకరణాలు, డయాగ్నొస్టిక్ కిట్లు, CT స్కానర్లు వంటి మెడికల్ పరికరాలను పూర్తిగా భారతదేశంలోనే తయారుచేసే సామర్థ్యం AMTZకి ఉంది. ఈ సంస్థ కోవిడ్ కాలంలో ఎంతో కీలకంగా పని చేసింది. అప్పుడు దేశవ్యాప్తంగా వెంటిలేటర్ల కొరత వచ్చినపుడు, ఇక్కడి పరిశోధకులు అత్యంత వేగంగా వాటిని తయారు చేసి ప్రభుత్వానికి అందజేశారు.
Also Read: Amaravati national highway: అమరావతికి బుల్లెట్ రూట్.. ఇక రయ్ రయ్ అనేస్తారు!
కేంద్ర ప్రభుత్వం ఎందుకు గుర్తించింది?
ఈ క్లస్టర్‌లోని సాంకేతిక మౌలిక వసతులు, పరిశోధనల నాణ్యత, అంతర్జాతీయ ప్రమాణాలకు అనుగుణంగా తయారవుతున్న పరికరాలు వంటి అంశాలన్నీ కలిపి, ఇది దేశవ్యాప్తంగా టాప్ 8 క్లస్టర్లలో ఒకటిగా ఎంపికైంది.
అంతే కాదు.. ఇక్కడ Kalam Institute of Health Technology (KIHT), Bio Valley, Medivalley Incubation Council వంటి ప్రత్యేక ఇన్నొవేషన్ కేంద్రాలు కూడా పని చేస్తున్నాయి. ఇవి కొత్త కొత్త స్టార్టప్‌లకు, పరిశోధనలో ఆసక్తి ఉన్న యువతకు మార్గదర్శకంగా ఉన్నాయి.
యువతకు ఊపిరిగా మారిన వైజాగ్
ఇన్నొవేషన్ అంటే కేవలం శాస్త్రవేత్తలే కాదు, యువతలోని ఆలోచనలకు దిక్సూచి కావాలి. అలాంటి అవకాశం AMTZ రూపంలో యువతకు లభించింది. ఇప్పటికే అనేక స్టార్టప్‌లు ఈ క్లస్టర్ ఆధ్వారంగా తమ ఉత్పత్తులను అభివృద్ధి చేసి ప్రపంచ మార్కెట్‌లోకి ప్రవేశించాయి. విదేశీ కంపెనీలు కూడా ఇక్కడ పెట్టుబడులకు ఆసక్తి చూపుతున్నాయి. అంటే ఈ క్లస్టర్ వల్ల విజాగ్ ఇప్పుడు రీసెర్చ్, మాన్యుఫాక్చరింగ్, ఎక్స్‌పోర్ట్ హబ్‌గా మారుతోంది.
టాప్ మెట్రోలకు పోటీగా..
ఇప్పటివరకు ఇలాంటి గుర్తింపులు బెంగళూరు, ముంబయి, పూణే, ఢిల్లీ వంటి మెట్రో సిటీలకే పరిమితమై ఉండేవి. కానీ ఇప్పుడు విశాఖపట్నం లాంటి అభివృద్ధి చెందుతున్న నగరం, ఇన్నొవేషన్ రంగంలో అగ్రగామిగా నిలబడటం ఇది సరికొత్త అధ్యాయం. ఇది కేంద్ర ప్రభుత్వం సైన్స్ అండ్ టెక్నాలజీ రంగాన్ని ప్రాంతీయంగా వికేంద్రీకరించాలనే లక్ష్యానికి అద్దంపట్టే ఉదాహరణ.
రాష్ట్రానికి కూడా మంచి గుర్తింపు
ఏఎంటిజెడ్‌కు వచ్చిన ఈ గుర్తింపు వల్ల ఆంధ్రప్రదేశ్ రాష్ట్రానికి కూడా ప్రయోజనాలు పెరుగుతున్నాయి. పరిశ్రమలు, పాఠశాలలు, కాలేజీలు, శాస్త్రసాంకేతిక వేత్తలతో కలిసి కొత్తగా ఆలోచించే, ఆవిష్కరణలను ప్రోత్సహించే వాతావరణం ఏర్పడుతోంది. రాష్ట్ర ప్రభుత్వం కూడా AMTZ ప్రాజెక్ట్‌పై ప్రత్యేక దృష్టి పెట్టింది. కేంద్ర సహకారంతో మరింత విస్తరించే పనులు జరుగుతున్నాయి.
భవిష్యత్తు ఎలా ఉండబోతోంది?
ఈ క్లస్టర్‌తో అనేక రంగాల్లో ప్రగతికి అవకాశం ఉంది. మెడికల్ టెక్నాలజీతో పాటు బయోటెక్, ఫార్మా, హెల్త్‌కేర్ ఐటీ వంటి రంగాల్లో కూడా ఈ ప్రాంగణం సహకారం అందించబోతోంది. యువతకి ఇది ఉపాధి అవకాశాలను కలిగించడంతో పాటు ఇండియా మెడికల్ టెక్ లీడర్ గానే దేశ స్థాయిలో విశాఖకు స్థానం కల్పించనుంది.
వైజాగ్ పేరు ఇప్పుడు బీచ్ టౌన్ కి మాత్రమే కాకుండా, భారత ఇన్నొవేషన్ హబ్ గా మారుతోంది. ఇది మనందరికీ గర్వకారణం. ఈ సందర్భంగా అక్కడ పనిచేస్తున్న శాస్త్రవేత్తలు, యువత, పరిశ్రమల ప్రతినిధులకు అభినందనలు చెప్పాల్సిందే.
Share
Shirsih Reddy : చిరంజీవి బ్లాక్ మెయిల్ చేసి సారీ చెప్పించాడు... శిరీష్‌కు AI ఝలక్
Ramya Pasupuleti: కాబోయే భర్తలో ఈక్వాలిటీస్ ఉండాలి..నటి బంపర్ ఆఫర్ ..మీలో ఉన్నాయా?
