ఈ దీపావళికి సన్‌ రూఫ్ కార్ కొనాలనుకుంటున్నారా? రూ.15 లక్షల లోపు 5 బెస్ట్ కార్లు ఇవే!

Top 5 Sunroof Cars Under Rs 15 Lakh: దీపావళి సందర్భంగా కొత్త కారు కొనాలని ప్లాన్ చేస్తున్నారా? మీ బడ్జెట్ రూ.15 లక్షల లోపు ఉందా? అయితే, ఈ ఐదు కార్లును ఓసారి చెక్ చేయండి.

1.టాటా నెక్సాన్

టాటా నెక్సాన్‌లో పనోరమిక్ సన్‌రూఫ్ కావాలనుకునేవారికి ప్యూర్ ప్లస్ PS వేరియంట్ మంచి ఆప్షన్. ఇందులో రోజువారీ ప్రయాణాలకు అవసరమైన ఫీచర్లతో పాటు సన్‌రూఫ్ కూడా లభిస్తుంది. పెట్రోల్ మాన్యువల్ వేరియంట్‌తో పాటు AMT గేర్‌బాక్స్ ఆప్షన్ కూడా ఉంది. డీజిల్ ఇంజిన్‌ను మాన్యువల్, AMT ట్రాన్స్‌మిషన్లతో ఎంచుకోవచ్చు. CNG ఆప్షన్ కూడా అందుబాటులో ఉంది. తక్కువ బడ్జెట్‌లో ఈ ఫీచర్ కావాలనుకునేవారు ఈ మోడల్‌ను పరిశీలించవచ్చు. ఈ కారు ప్రారంభ ఎక్స్‌ షోరూమ్ ధర రూ.9.72 లక్షలు.

2.మహీంద్రా XUV 3XO

మహీంద్రా XUV 3XOలో REVX EDGE (O) వేరియంట్ పనోరమిక్ సన్‌రూఫ్ కోరుకునేవారికి మరో బెస్ట్ ఆప్షన్. రూ.10 లక్షల లోపు ధరతో అందుబాటులో ఉన్న ఈ వేరియంట్‌ లో పెట్రోల్, డీజిల్ ఇంజిన్ ఆప్షన్లు ఉన్నాయి. మాన్యువల్‌తో పాటు ఆటోమేటిక్ ట్రాన్స్‌మిషన్‌ను కూడా సెలెక్ట్ చేసుకోవచ్చు. ఇన్ఫోటైన్‌మెంట్ సిస్టమ్, రోజువారీ ప్రయాణాలకు ఉపయోగపడే సౌకర్యాలు ఇందులో ఉన్నాయి. ఈ కారు ప్రారంభ ఎక్స్‌ షోరూమ్ ధర: రూ.9.89 లక్షలు.

3.కియా సైరోస్

కియా సైరోస్‌లో HTK ప్లస్ వేరియంట్‌తో పనోరమిక్ సన్‌రూఫ్ లభిస్తుంది. ఈ కారు ఫీచర్లు, సౌకర్యాలు, భద్రతకు సంబంధించిన అంశాలతో ఆకట్టుకుంటుంది. పలు పవర్‌ట్రెయిన్ ఆప్షన్లు ఉండటంతో కొనుగోలుదారులు తమ అవసరాలకు అనుగుణంగా వేరియంట్‌ను ఎంచుకోవచ్చు. దీని ప్రారంభ ఎక్స్‌షోరూమ్ ధర రూ.10.76 లక్షలు.

4.ఎంజీ ఆస్టర్

ఎంజీ ఆస్టర్‌లో షైన్ వేరియంట్ పనోరమిక్ సన్‌రూఫ్‌తో అందుబాటులో ఉంది. కారు ఇంటీరియర్, సౌకర్యవంతమైన ఫీచర్లు ప్రత్యేకతగా చెప్పుకోవచ్చు. అయితే ఇందులో 1.5 లీటర్ నేచురల్లీ ఆస్పిరేటెడ్ పెట్రోల్ ఇంజిన్ మాత్రమే లభిస్తుంది. ఈ వేరియంట్‌లో మాన్యువల్ గేర్‌బాక్స్ మాత్రమే ఉండగా, సేఫ్టీకి సంబంధించి రెండు ఎయిర్‌బ్యాగులే ఉన్నాయి. ఈ కారు ప్రారంభ ఎక్స్‌ షోరూమ్ ధర రూ.11.34 లక్షలు.

5.టాటా కర్వ్

టాటా కర్వ్‌ లో క్రియేటివ్ X ప్లస్ వేరియంట్ పనోరమిక్ సన్‌రూఫ్‌తో ఆకర్షిస్తోంది. స్టైలిష్ డిజైన్, ఇన్ఫోటైన్‌మెంట్, టెక్నాలజీ ఫీచర్లు, సేఫ్టీ ప్యాకేజీతో ఆకట్టుకుంటాయి. ఇందులో స్టాండర్డ్ టర్బో పెట్రోల్, డీజిల్ ఇంజిన్ ఆప్షన్లు అందుబాటులో ఉన్నాయి. అయితే, మరింత శక్తివంతమైన హైపెరియన్ టర్బో పెట్రోల్ ఇంజిన్ ఈ వేరియంట్‌ లో ఉండదు. ఈ కారు ప్రారంభ ఎక్స్‌ షోరూమ్ ధర రూ.12.91 లక్షలు. రూ.15 లక్షల లోపు పనోరమిక్ సన్‌ రూఫ్‌ తో కారు కొనాలనుకునేవారికి ఈ ఐదు మోడల్స్ మంచి ఆప్షన్స్ గా చెప్పుకోవచ్చు.