8 Smart Car Gadgets: ఈ రోజుల్లో కార్లు కేవలం ప్రయాణానికి మాత్రమే పరిమితం కావడం లేదు. ప్రయాణాన్ని మరింత సురక్షితంగా, సౌకర్యవంతంగా, సరదాగా మార్చే పలు టెక్ గాడ్జెట్లు మార్కెట్ లో అందుబాటులో ఉన్నాయి. వీటిలో కొన్ని చిన్న గాడ్జెట్లు డ్రైవింగ్ ఎక్స్ పీరియెన్స్ ను పూర్తిగా మార్చేస్తున్నాయి. ముఖ్యంగా పెద్దగా ఇన్‌ స్టాలేషన్ అవసరం లేకుండా సులభంగా యూజ్ చేసుకునే యాక్సెసరీస్ కు డిమాండ్ పెరుగుతోంది. అలాంటి వాటిలో టాప్ 8 గాడ్జెట్ల గురించి ఇప్పుడు తెలుసుకుందాం..
అలెక్సా వాయిస్ అసిస్టెంట్‌ ను ఇష్టపడేవారికి ఇది బెస్ట్ ఆప్షన్. దీనిని కారులో అమర్చుకుంటే చేతులతో ఫోన్ తాకకుండా కాల్స్ చేయడం, పాటలు ప్లే చేయడం, రూట్లు తెలుసుకోవడం లాంటి పనులు వాయిస్ కమాండ్‌ లతో చెయ్యొచ్చు. రోడ్డు మీద ఎక్కువ సౌండ్ ఉన్నా డ్రైవర్ మాటలను గుర్తించే సామర్థ్యం దీనికి ఉంటుంది.
ఐఫోన్ వినియోగదారుల కోసం ఇది చాలా ఉపయోగకరమైన గాడ్జెట్. ఫోన్‌ను సురక్షితంగా పట్టుకోవడమే కాకుండా, అదే సమయంలో వైర్‌ లెస్ ఛార్జింగ్ కూడా అందిస్తుంది. గుంతలు ఉన్న రోడ్లపై ప్రయాణించినా ఫోన్ కదలకుండా ఉండేలా దీని మాగ్నెట్ పని చేస్తుంది.
కుటుంబంతో ప్రయాణించే వారికి, క్యాబ్ డ్రైవర్లకు ఈ పరికరం చాలా ఉపయోగపడుతుంది. వెనుక సీట్లలో కూర్చున్న ప్రయాణికులు తమ మొబైల్ ఫోన్లను సులభంగా ఛార్జ్ చేసుకోవచ్చు. ఇందులో ఒకేసారి పలు రకాల కేబుళ్లు అందుబాటులో ఉంటాయి.
డాష్ క్యామ్ ఇప్పుడు చాలా మంది కార్లలో తప్పనిసరి గాడ్జెట్ గా మారుతోంది. ప్రమాదాలు, ఇతర అనుకోని పరిస్థితుల్లో వీడియో ఆధారాలు అందించడానికి ఉపయోగపడుతుంది. హై రిజల్యూషన్ వీడియో రికార్డింగ్, వైడ్ యాంగిల్ వ్యూ లాంటి ఫీచర్లు ఈ గాడ్జెట్ లో ఉంటాయి.
కారులో ఏదైనా సాంకేతిక సమస్య ఉంటే ముందుగానే తెలుసుకోవడానికి ఈ స్కానర్ ఉపయోగపడుతుంది. దీనిని కారులోని పోర్ట్‌ కు కనెక్ట్ చేస్తే మొబైల్ యాప్ ద్వారా వెహికల్ కు సంబంధిచిన పూర్తి సమాచారం అందిస్తుంది. చిన్న సమస్యలను ముందే గుర్తించడం వల్ల పెద్ద ఖర్చులు తగ్గే అవకాశం ఉంటుంది.
టైర్లలో ఎయిర్ ప్రెజర్ సరిగా లేకపోతే ప్రమాదాలకు దారి తీసే అవకాశం ఉంది. ఈ గాడ్జెట్ నాలుగు టైర్ల గాలి ఒత్తిడి, ఉష్ణోగ్రతలను నిరంతరం పర్యవేక్షిస్తుంది. ఏదైనా అసాధారణ మార్పు ఉంటే వెంటనే హెచ్చరిస్తుంది.
కారులో ఎప్పుడూ మంచి సువాసన ఉండాలని కోరుకునేవారికి ఇదో బెస్ట్ గాడ్జెట్. కారు ప్రయాణాన్ని మొదలు పెట్టగానే ఆటోమేటిక్‌గా ఆన్ అయ్యే ఈ పరికరం, అవసరం లేని సమయంలో ఆటోమేటిక్ గా ఆఫ్ అవుతుంది. దీంతో బ్యాటరీ ఎక్కువ కాలం పనిచేస్తుంది.
పాత కార్లలో బ్లూటూత్ సౌకర్యం లేకపోతే ఈ గాడ్జెట్ ఉపయోగపడుతుంది. దీని ద్వారా హ్యాండ్స్ ఫ్రీ కాల్స్, మ్యూజిక్ వినడం ఈజీ అవుతుంది. కారు స్టార్ట్ చేసినప్పుడు ఆటోమేటిక్‌గా ఫోన్‌కు కనెక్ట్ అవడం దీని ప్రత్యేకత.
Read Also: మేలో అమ్మకాల్లో దూసుకెళ్లిన టాప్ టూవీలర్స్.. మళ్లీ టాప్ లో స్ప్లెండర్, యాక్టివా!
Share
పవన్ కల్యాణ్ ఫ్యాన్స్కు పూనకాలే.. ‘ఓజీ2’ చర్చలు షురూ చేసిన సుజిత్!
Ammonia Leak: తమిళనాడులో ఘోరం.. రొయ్యల ఫ్యాక్టరీలో గ్యాస్ లీకై ఏడుగురు మృతి!
