Honda Amaze Vs Maruti Dzire Safety Comparison: కొత్త కారు కొనాలనుకునే చాలా మంది ముందుగా చూసేది సేఫ్టీ. ఏ కారు ఎక్కువగా సేఫ్ గా ఉంటే, దానికే ప్రయారిటీ ఇస్తారు. కాంపాక్ట్ సెడాన్ విభాగంలో ఎక్కువ మంది కొనుగోలుదారులు హోండా అమేజ్, మారుతి డిజైర్ కార్లను సెలెక్ట్ చేసుకుంటున్నారు. నిజానికి ఈ రెండు కార్లు మంచి ఫీచర్లు, ఆకట్టుకునే డిజైన్తో పాటు మంచి భద్రతను అందిస్తున్నాయి. అయితే, సేఫ్టీ పరంగా ఏ కారు ముందుంది? అనే ప్రశ్న చాలామందిలో ఉంది.
ఇటీవల భారత్ న్యూ కార్ అసెస్మెంట్ ప్రోగ్రామ్ (BNCAP) నిర్వహించిన క్రాష్ టెస్టులో హోండా అమేజ్, మారుతి డిజైర్ రెండూ 5 స్టార్ సేప్టీ రేటింగ్ను సాధించాయి. ప్రస్తుతం ఈ రెండు కార్లు కూడా సేఫ్ కార్ల లిస్టులో ప్లేస్ దక్కించుకున్నాయి. హోండా అమేజ్ కు అడల్ట్ ప్యాసింజర్స్ ప్రొటెక్షన్ లో(AOP) 32 మార్కులకు 28.33 మార్కులు లభించాయి. పిల్లల భద్రత (COP) విభాగంలో 49 మార్కులకు 40.81 మార్కులు సాధించింది. ఈ స్కోర్లు చూస్తే అమేజ్ మంచి స్థాయి భద్రతను అందిస్తుందని చెప్పవచ్చు. అటు మారుతి డిజైర్ కూడా అద్భుతమైన ఫలితాలు సాధించింది. అడల్ట్ ప్యాసింజర్స్ ప్రొటెక్షన్ లో 32 మార్కులకు గాను 29.46 మార్కులు, పిల్లల రక్షణలో 49 మార్కులకు గాను 41.57 మార్కులు పొందింది. ఈ రెండు విభాగాల్లో కూడా డిజైర్ స్కోర్లు అమేజ్ కంటే కాస్త ముందుంది. కేవలం BNCAP స్కోర్లను మాత్రమే పరిగణనలోకి తీసుకుంటే, భద్రత పరంగా డిజైర్ కాస్త ముందుంది. అదే సమయంలో అమేజ్ భద్రతలో వెనుకబడిందని కాదు. రెండు కార్లు కూడా 5 స్టార్ రేటింగ్ తో మంచి భద్రతను అందిస్తున్నాయి.
హోండా అమేజ్ లో ADAS టెక్నాలజీ ప్రత్యేక ఆకర్షణగా నిలుస్తోంది. ఇందులో 6 ఎయిర్ బ్యాగ్లు, లేన్ వాచ్ కెమెరా, హిల్ స్టార్ట్ అసిస్ట్, రియర్ పార్కింగ్ కెమెరా, ఎమర్జెన్సీ స్టాప్ సిగ్నల్, ABS లాంటి అత్యాధునిక ఫీచర్లు ఉన్నాయి. ముఖ్యంగా అడాప్టివ్ క్రూయిజ్ కంట్రోల్ లాంటి ఫీచర్లు డ్రైవింగ్ను మరింత సౌకర్యవంతంగా మారుస్తాయి. ఇక మారుతి డిజైర్ లో 360 డిగ్రీ కెమెరా, 6 ఎయిర్ బ్యాగ్ లు, టైర్ ప్రెజర్ మానిటరింగ్ సిస్టమ్, హిల్ హోల్డ్ అసిస్ట్, ABS లాంటి భద్రతా ఫీచర్లు ఉన్నాయి. ఈ ఫీచర్లు డ్రైవర్ కు అదనపు భద్రతను అందిస్తాయి.
అమేజ్లో 8 అంగుళాల టచ్ స్క్రీన్, వైర్ లెస్ ఆండ్రాయిడ్ ఆటో, ఆపిల్ కార్ ప్లే, వైర్ లెస్ ఛార్జింగ్, ఆటోమేటిక్ క్లైమేట్ కంట్రోల్ ఉన్నాయి. ఇది 1.2 లీటర్ పెట్రోల్ ఇంజిన్ తో లభిస్తుంది. దీని ధర సుమారు రూ.8.90 లక్షల నుంచి ప్రారంభమవుతుంది. మరోవైపు డిజైర్ లో 9 అంగుళాల టచ్ స్క్రీన్, ఎలక్ట్రిక్ సన్ రూఫ్, వైర్ లెస్ ఛార్జింగ్, ఆటోమేటిక్ క్లైమేట్ కంట్రోల్ లాంటి ఫీచర్లు ఉన్నాయి. దీనిలో కూడా 1.2 లీటర్ పెట్రోల్ ఇంజిన్ తో పాటు సీఎన్జీ ఆప్షన్ అందుబాటులో ఉంది. ఈ కారు ధర రూ.7.38 లక్షల నుంచి ప్రారంభమవుతుంది.
Read Also: ఇక ఈవీ ఛార్జింగ్ కోసం నో వెయిటింగ్.. హైస్పీడ్ మెగా ఛార్జింగ్ హబ్ ప్రారంభం!
Share
Anupama ParameswRan : మిర్రర్ సిగ్గు పడేలా లిల్లీ సెల్ఫీ.. రింగుల జుట్టు ఏముంది మావ..
అమెజాన్ సేల్లో ఆఫర్ల జాతర.. రూ.30 వేల లోపే సోనీ బ్రాండెడ్ స్మార్ట్ టీవీ, ఇప్పుడే కొనేయండి!
