Bajaj Bike Launches 2026: పండుగ సీజన్ దగ్గర పడుతున్న నేపథ్యంలో ఇండియన్ మార్కెట్ లో కొత్త బైక్ ల సందడి మొదలుకాబోతోంది. ఇందులో భాగంగానే బజాజ్ ఆటో మరింత దూకుడుగా వెళ్తోంది. ఇప్పటికే ఆగస్టులో నాలుగు మోటార్‌ సైకిళ్లను మార్కెట్‌లోకి తీసుకొచ్చిన సంస్థ.. ఇప్పుడు మరో ఆరు మోడళ్లను విడుదల చేసేందుకు రెడీ అవుతోంది. వీటిలో పూర్తిగా కొత్త బైక్‌లతో పాటు, ప్రస్తుతం మార్కెట్‌లో ఉన్న మోడళ్లకు కొత్త వేరియంట్లు, అప్‌డేట్లు కూడా ఉండబోతున్నాయి.
బజాజ్ ఆటో ఈ నెలలో ఇప్పటికే పల్సర్ 125, పల్సర్ 150కు అప్ డేట్స్ తీసుకొచ్చింది అంతేకాదు, పల్సర్ N160 S, SS లాంటి కొత్త వెర్షన్లను కూడా పరిచయం చేసింది. అయినప్పటికీ కంపెనీ కొత్త బైక్స్ విషయంలో వెనక్కి తగ్గడం లేదు. మరో ఆరు మోడళ్లను కూడా త్వరలో తీసుకురావాలని భావిస్తోంది. దీంతో ఆగస్టు నుంచి పండుగ సీజన్ వరకు బజాజ్ నుంచి మొత్తం పది మోడళ్ల వరకు కొత్తగా, అప్‌డేట్ రూపంలో అందుబాటులోకి వచ్చే అవకాశం కనిపిస్తోంది.
రాబోయే పది మోడళ్లలో రెండు పూర్తిగా కొత్త పల్సర్లు ఉండనున్నట్లు కంపెనీ వెల్లడించింది. మిగిలిన మోడళ్లలో కొత్త వేరియంట్లు, ఫీచర్ అప్ డేట్లు, ఇతర మార్పులు ఉండనున్నాయి. ఈ మేరకు బజాజ్ ఆటో మార్కెటింగ్ ప్రెసిడెంట్ సుమీత్ నారంగ్ కీలక వివరాలు వెల్లడించారు. 125, 150 సీసీ మోడళ్లలో ఇప్పటికే రెండో దశ విడుదల కొనసాగుతున్నట్లు తెలిపారు. రాబోయే రోజుల్లో మరిన్ని కొత్త ఉత్పత్తులను తీసుకురానున్నట్లు ఆయన తెలిపారు.
బజాజ్ ప్రస్తుతం తన 125-160 సీసీ మోటార్‌ సైకిల్ శ్రేణిని పూర్తిగా రిఫ్రెష్ చేయాలని కంపెనీ చూస్తోంది. ఇందుకోసం పల్సర్ ఫ్యామిలీని మూడు ప్రధాన ప్లాట్‌ఫారమ్‌లుగా విభజిస్తోంది. ఒరిజినల్ పల్సర్, N సిరీస్, NS సిరీస్ ఇలా మూడు విభాగాలు వేర్వేరు రైడర్ల అవసరాలను దృష్టిలో పెట్టుకుని రూపొందిస్తోంది. ముందుగా ఒరిజినల్, N సిరీస్ లకు అప్‌డేట్లు వచ్చిన నేపథ్యంలో.. ఇప్పుడు NS శ్రేణిపై కూడా దృష్టి పెట్టే అవకాశం ఉంది.
పల్సర్ బ్రాండ్‌ కు మార్కెట్‌లో మంచి డిమాండ్ కొనసాగుతోంది. 2026 జూలైలో 66,156 యూనిట్ల అమ్మకాలతో అత్యధికంగా అమ్ముడైన మోటార్‌ సైకిల్ శ్రేణుల్లో పల్సర్ మూడో స్థానంలో నిలిచింది. బజాజ్ స్పోర్ట్స్ మోటార్‌ సైకిళ్ల విభాగం కూడా ఏప్రిల్-జూన్ త్రైమాసికంలో గతేడాది ఇదే కాలంతో పోలిస్తే దాదాపు 50 శాతం వృద్ధిని నమోదు చేసింది. పల్సర్ తో పాటు అవెంజర్, డొమినార్ మోడళ్లు కూడా మంచి పనితీరు కనబరిచాయి.
పల్సర్‌లతో పాటు బజాజ్ నుంచి మరో క్రేజీ మోడల్ కూడా రానుంది. కంపెనీ తొలిసారిగా డ్యూయల్ స్పోర్ట్ మోటార్‌ సైకిల్ ను డెవలప్ చేస్తోంది. ఈ బైక్ ఇప్పటికే టెస్టింగ్‌లో కనిపించింది. ముందుగా బ్రెజిల్ మార్కెట్‌లో విడుదల చేసి, ఆ తర్వాత భారత్‌కు తీసుకురావచ్చని తెలుస్తోంది. అదే సమయంలో ట్రయంఫ్ బోన్నెవిల్ 400 కూడా త్వరలో మార్కెట్‌లోకి వచ్చే అవకాశం ఉంది. ఇప్పటికే ఉన్న ట్రయంఫ్ 400 సిరీస్‌కు రెట్రో డిజైన్‌ తో కూడిన కొత్త మోడల్‌గా నిలవనుంది.
Read Also: MG డబుల్ ధమాకా.. EV, PHEVతో కొత్త టోమాహాక్ SUVలు లాంచ్!
Share
మీ గర్ల్ఫ్రెండ్ ఇగోతో విసిగిపోయారా.. ఈ 5 ట్రిక్స్తో మీ మన:శాంతి కాపాడుకోండి
ల్యాప్టాప్ క్లీన్ చేస్తున్నారా? ఈ తప్పులు చేస్తే వేల రూపాయలు నష్టపోతారు!
