BMW Vision CE: BMW నుంచి క్రేజీ ఎలక్ట్రిక్ స్కూటర్.. హెల్మెట్ లేకుండానే నడిపేయొచ్చు!

New BMW Vision CE 2026: లగ్జరీ కాన్సెప్ట్ బైక్స్ విడుదల చేయడంలో ముందుండే BMW ఎప్పటికప్పుడు సరికొత్త బైక్ ను ఆవిష్కరించింది. BMW మోటర్రాడ్ విజన్ CE అనే కొత్త ఎలక్ట్రిక్ స్కూటర్ ను తీసుకురాబోతున్నట్లు ప్రకటించింది. రీసెంట్ గా జరిగిన IAA మొబిలిటీ షోలో ఈ ఫ్యూచరిస్టిక్ ఎలక్ట్రిక్ స్కూటర్ కాన్సెప్ట్ ను పరిచయం చేసింది. ఈ బైక్ అర్బన్ మొబిలిటీని రీడిఫైన్ చేయడానికి డిజైన్ చేసింది. ఈ బైక్ ను హెల్మెట్, ప్రొటెక్టివ్ గేర్ అవసరం లేకుండా నడిపే ఐడియాతో రూపొందించింది. ఇప్పటి వరకు ఏ బైక్ లో లేని కొత్త ఫీచర్లతో మోటర్రాడ్ విజన్ CE విడుదల చేయనున్నట్లు వెల్లడించింది.

మోటర్రాడ్ విజన్ CE కీ ఫీచర్లు

⦿ సేఫ్టీ కేజ్

మెటల్ ట్యూబ్ కంపోజిట్‌ తో కేజ్ స్ట్రక్చర్ ను రూపొందించింది. ఇది బైక్ నడిపే వారిని ప్రొటెక్ట్ చేయడంలో సాయపడుతుంది. ఇతర బైక్ లకు భిన్నంగా సీట్ బెల్ట్ ను కలిగి ఉంటుంది. హెల్మెట్, జాకెట్ లాంటివి అవసరం లేకుండానే సేఫ్టీ ఇస్తుంది. ఈ బైక్ 2000లో వచ్చిన BMW C1 స్కూటర్ ను మోడ్రన్ గా రీ ఇమాజిన్ చేసినట్లు కంపెనీ ప్రకటించింది.

⦿ సెల్ఫ్ బ్యాలెన్సింగ్

ఈ బైక్ లో మరో ఫీచర్ సెల్ఫ్ బ్యాలెన్సింగ్. ఈ బైక్ ఆగినప్పుడు స్కూటర్ ఆటో మేటిక్ గా బ్యాలెన్స్ అవుతుంది. కాలు కింద పెట్టాల్సిన అవసరం లేదు. బిగినర్స్‌ కు ఈ బైక్ చాలా ఈజీ రైడింగ్ అనుభవాన్ని అందిస్తుంది.

⦿ ఎలక్ట్రిక్ డ్రైవ్

ఈ బైక్ పూర్తి ఎలక్ట్రిక్ వెర్షన్ లో అందుబాటులోకి రానుంది. ఎలాంటి కాలుష్య కారకాలను వెదజల్లదు. ఈ బైక్ BMW CE 04 మోడల్ టెక్నాలజీని బేస్ చేసుకుని తయారు చేసింది.

⦿ డిజైన్

లాంగ్ వీల్‌ బేస్, లో స్టాన్స్, బీచ్ బగ్గీ వైబ్ లాంటి డిజైన్ ను కలిగి ఉంటుంది. మ్యాట్ వైట్, బ్లాక్ కలర్స్‌ తో నియాన్ రెడ్ యాక్సెంట్స్ కలిగి ఉంటుంది. ఓపెన్, ఎయిరీ ఫీల్ ఇవ్వనుంది.

ఇక ఈ బైక్ కు సంబంధించి BMW జస్ట్ కాన్సెప్ట్ మాత్రమే రివీల్ చేసింది. ప్రొడక్షన్ ప్లాన్స్ గురించి ఇంకా ఎలాంటి ప్రకటన చేయలేదు. BMW CE సిరీస్ కాన్సెప్ట్స్‌ ను త్వరగా ప్రొడక్షన్‌ కు తీసుకురాబోతోంది. ఇది సిటీ కమ్యూటింగ్‌ ను చాలా ఉపయోగపడుతుంది. రైడర్స్ ను క్యాజువల్ గా, సేఫ్ ఉంచుతుంది.

2026లో భారత్ లో లాంచ్ కాబోయే బైక్స్!

BMW కంపెనీ 2026లో సరికొత్త బైక్స్ ను అందుబాటులోకి తీసుకురాబోతోంది. ప్రపంచ వ్యాప్తంగా పలు మోడల్స్ రిలీజ్ కానుండగా, ఇండియాలో మాత్రం BMW F 450 GS అనే మోడల్ రిలీజ్ కాబోతోంది. ఇది TVSతో పార్టనర్‌షిప్‌ లో హోసూర్‌ లో రెడీ అవుతోంది. ఈ నెలలో లేదంటే వచ్చే నెలలో లాంచ్ కానుంది. ఈ బైక్ ధర సుమారు రూ. 4.5 నుంచి రూ.5 లక్షలు ఉంటుంది. ఇది రాయల్ ఎన్ఫీల్డ్ హిమాలయన్ 450, KTM 390 అడ్వెంచర్ కు గట్టి పోటీ ఇవ్వనుంది.