Mahindra Vision S SUV: మహీంద్రా నుంచి మరో కొత్త SUV మార్కెట్లోకి రాబోతోంది. విజన్ ఎస్ పేరుతో సిద్ధమవుతున్న ఈ SUV డిజైన్ ఇప్పటికే ఇంట్రెస్ట్ పెంచుతోంది. బాక్సీ డిజైన్, నిటారుగా ఉండే బాడీ, కొత్త లైటింగ్ సెట ప్తో దీనికి ప్రత్యేకమైన లుక్ ఇవ్వాలని మహీంద్రా ప్రయత్నిస్తోంది. ముఖ్యంగా వెనుక భాగంలో కనిపించే కనెక్టెడ్ LED టెయిల్ లైట్లు ఈ SUV డిజైన్ లో ప్రధాన ఆకర్షణగా నిలవనున్నాయి.
విజన్ ఎస్ వెనుక వైపు ఇరువైపులా నిలువుగా అమర్చిన LED టెయిల్ లైట్లు ఉంటాయి. వీటిని టెయిల్ గేట్ కు అడ్డంగా ఏర్పాటు చేసిన LED లైట్ బార్ లింక్ చేస్తోంది. దీంతో వెనుక భాగం మరింత వెడల్పుగా కనిపించే అవకాశం ఉంది. SUVకి సంప్రదాయ లుక్ ఇచ్చేందుకు టెయిల్ గేట్ మీద స్పేర్ వీల్ను కూడా కొనసాగించనున్నారు. వెనుక విండ్ షీల్డ్ కు ఇరువైపులా అదనపు బ్రేక్ లైట్లు కనిపించేలా డిజైన్ చేసినట్లు తెలుస్తోంది. ఈ సెటప్ ప్రస్తుత మహీంద్రా స్కార్పియో మోడళ్లలో కనిపించే డిజైన్ లా ఉంటుంది. డ్యూయల్ టోన్ అల్లాయ్ వీల్స్, కొత్త బంపర్లు, ఎత్తులో అమర్చిన స్టాప్ ల్యాంప్ లాంటి అంశాలు కూడా SUV రూపాన్ని మరింత ప్రత్యేకంగా మార్చనున్నాయి.
ముందు భాగంలో విజన్ ఎస్కు కొత్త తరహా గ్రిల్ ను అందించనున్నారు. ఇందులో ఆరు స్లాట్లు ఉండే అవకాశం ఉంది. గ్రిల్ డిజైన్ కు అనుగుణంగా మూడు అడ్డ వరుసల లుక్ SUV ముందు భాగాన్ని మరింత వెడల్పుగా చూపించనుంది. పెద్ద ఎయిర్ డ్యామ్, ఫాగ్ లైట్లు, నిటారుగా ఉండే ఫ్రంట్ డిజైన్ తో విజన్ ఎస్ కు రోడ్డు మీద ప్రత్యేకమైన SUV రూపాన్ని ఇవ్వాలని మహీంద్రా చూస్తున్నట్లు తెలుస్తోంది.
బయట డిజైన్ తో పాటు ఇంటీరియర్ పైనా మహీంద్రా దృష్టి పెట్టినట్లు సమాచారం. విజన్ ఎస్ లో ఆధునిక డాష్ బోర్డ్, టూ స్పోక్ స్టీరింగ్ వీల్, ఇంజిన్ స్టార్ట్ స్టాప్ బటన్ లాంటి ఫీచర్లు ఉండొచ్చని అంచనా. క్యాబిన్లో నిలువుగా ఉండే త్రిభుజాకార AC వెంట్లు, 10.25 అంగుళాల టచ్స్క్రీన్ ఇన్ఫోటైన్మెంట్ సిస్టమ్ లాంటి ఫీచర్లు కనిపించవచ్చు. డ్యూయల్ జోన్ క్లైమేట్ కంట్రోల్, వైర్ లెస్ ఆపిల్ కార్ ప్లే, ఆండ్రాయిడ్ ఆటో, ఆటో హోల్డ్ తో ఎలక్ట్రానిక్ పార్కింగ్ బ్రేక్ కూడా అందించే అవకాశం ఉంది. ACని డ్రైవింగ్ సమయంలో సులభంగా నియంత్రించేందుకు ఫిజికల్ బటన్లను కూడా కొనసాగించే అవకాశం ఉన్నట్లు తెలుస్తోంది.
విజన్ ఎస్ కు సంబంధించిన పూర్తి సాంకేతిక వివరాలను మహీంద్రా ఇంకా వెల్లడించలేదు. అయితే ఈ SUVను ఒకే పవర్ట్రెయిన్తో కాకుండా పెట్రోల్, డీజిల్, ఎలక్ట్రిక్ ఆప్షన్లలో తీసుకురావచ్చని తెలుస్తోంది. టర్బో పెట్రోల్ ఇంజిన్తో పాటు డీజిల్ వెర్షన్ ఉండొచ్చని, ఎలక్ట్రిక్ పవర్ ట్రెయిన్ ను కూడా లైనప్ లో చేర్చవచ్చని తెలుస్తోంది. మాన్యువల్, ఆటోమేటిక్ గేర్బాక్స్ ఆప్షన్లు కూడా వచ్చే అవకాశం ఉంది. 4WD సిస్టమ్ను ఆప్షన్గా అందించే అవకాశం ఉంది. అయితే ఇంజిన్ పవర్, బ్యాటరీ సామర్థ్యం, డ్రైవింగ్ రేంజ్, ధర, లాంచ్ తేదీ లాంటి కీలక వివరాలు ఇంకా అధికారికంగా వెల్లడించాల్సి ఉంది.
Read Also: టాటా ఏరిస్ విడుదల.. రూ.5.29 లక్షలకే కొత్త సెడాన్!
Share
టీమిండియాతో అంత ఈజీ కాదు...ఆ జోడిని ఆపకపోతే పాకిస్తాన్కు దూల తీరిపోవడం ఖాయం
జగన్ గారూ.. సచివాలయ ఉద్యోగాల కుంభకోణంపై సీబీఐ విచారణకు మీరు సిద్ధమా?- రాంగోపాల్ రెడ్డి
