Oben Launches Affordable EV Bike: ఓబెన్ ఎలక్ట్రిక్ కంపెనీ భారతీయ మార్కెట్ లో సత్తా చాటేందుకు ప్రయత్నిస్తోంది. అందులో భాగంగానే కొత్త ఓబెన్ రోర్ ఈవో పేరుతో ఎలక్ట్రిక్ బైక్ ను విడుదల చేసింది. ఈ బైక్ డిజైన్, పనితీరు, ఫీచర్ల పరంగా యువతను ఆకర్షించేలా తయారు చేయబడింది. సరసమైన ధరలో మెరుగైన రేంజ్ ఇవ్వడం వల్ల ఈ బైక్ తనకంటూ ఓ ప్రత్యేకత గుర్తింపు తెచ్చుకోనుంది.
ఈ బైక్ లో 3.4kWh సామర్థ్యం కలిగిన LFP బ్యాటరీని అమర్చారు. దీనికి 9kW ఎలక్ట్రిక్ మోటార్ జత చేశారు. ఈ కాంబినేషన్ తో బైక్ ఒకసారి పూర్తి ఛార్జ్ చేస్తే సుమారు 180 కిలోమీటర్ల వరకు ప్రయాణిస్తుంది. గరిష్టంగా గంటకు 110 కిలోమీటర్ల వేగంతో దూసుకెళ్తుంది. ముఖ్యంగా స్టార్ట్ సమయంలోనే మంచి పికప్ ఇస్తుంది. జస్ట్ 3 సెకన్లలోనే 0 నుంచి 40 కిమీ వేగాన్ని అందుకుంటుంది. సిటీ రోడ్లపై ప్రయాణానికి అనుగుణంగా ఈ బైక్ ను తయారు చేశారు.
ఇక ఈ బైక్ కు ఫాస్ట్ ఛార్జింగ్ సపోర్ట్ ఉంటుంది. సుమారు 90 నిమిషాల్లో 80 శాతం వరకు బ్యాటరీ ఛార్జ్ అవుతుంది. పూర్తి ఛార్జ్ కావడానికి దాదాపు ఐదు గంటల సమయం పడుతుంది. రోజువారీ ప్రయాణాలకు ఈ రేంజ్ అనుకూలంగా ఉంటుంది.
ఈ బైక్ ను కంపెనీ ప్రత్యేకంగా అభివృద్ధి చేసిన ARX ప్లాట్ ఫారమ్ పై నిర్మించారు. ట్రెల్లిస్ ఫ్రేమ్ తో పాటు ముందు భాగంలో టెలిస్కోపిక్ ఫోర్క్, వెనుక భాగంలో ఏడు స్థాయిల్లో సర్దుబాటు చేసుకునే మోనోషాక్ సస్పెన్షన్ అందించారు. బ్రేకింగ్ కోసం ఫ్రంట్, రియర్ వీల్స్ కు డిస్క్ బ్రేక్ లు ఉన్నాయి. భద్రత కోసం CBS సిస్టమ్ కూడా ఉంటుంది.
ఫీచర్ల పరంగానూ ఈ బైక్ చాలా అడ్వాన్స్ డ్ గా ఉంది. ఈ బైక్ లో లేటెస్ట్ కనెక్టెడ్ టెక్నాలజీ ఉంది. స్మార్ట్ ఫోన్ తో కనెక్ట్ అయ్యే సదుపాయం, ఏఐ ఆధారిత రైడింగ్ ఫీచర్లు, పలు రైడింగ్ మోడ్ లు ఉన్నాయి. అదనంగా USB ఛార్జింగ్ పోర్ట్ లాంటి సౌకర్యాలు కూడా ఉన్నాయి. బ్యాటరీపై కంపెనీ ఎనిమిదేళ్ల వరకు వారంటీ ఇస్తుంది.
ఇక ఈ ఎలక్ట్రిక్ బైక్ ధరకు సంబంధించి కంపెనీ కీలక ఆఫర్ ప్రకటించింది. మొదటి 10,000 మంది కస్టమర్ల కోసం ఈ బైక్ను సుమారు రూ. 1 లక్ష ఎక్స్ షోరూమ్ ధరకు అందిస్తున్నారు. ఆ తర్వాత దీని ధర సుమారు రూ. 1.25 లక్షలకు పెరుగుతుంది. కేవలం రూ. 777తో బుకింగ్ ప్రారంభించగా, డెలివరీలు జూన్ 2026 నుంచి మొదలవుతాయని కంపెనీ ప్రకటించింది. మొత్తంగా ఈ బైక్ సరసమైన ధరలో మంచి ఫీచర్లు కోరుకునే వారికి బెస్ట్ ఆప్షన్ గా చెప్పుకోవచ్చు.
Read Also: టైర్ పగిలినా నో టెన్షన్.. ఈ కారు మూడు చక్రాలతో పరుగులు తీస్తుంది!
Share
మనిషి 200 జీవించడం సాధ్యమే? గేమ్ ఛేంజర్ కొత్త ప్రొటీన్
మందుబాబుల జేబుకు చిల్లు.. తెలంగాణలో పెరగనున్న మద్యం ధరలు
