Smart Car Buying Tips: ఒకప్పుడు కొత్త కారు కొనాలంటే నేరుగా షోరూమ్కు వెళ్లి సేల్స్ ఎగ్జిక్యూటివ్ చెప్పిన వివరాల ఆధారంగా నిర్ణయం తీసుకునేవాళ్లు. కానీ, ఇప్పుడు పరిస్థితి పూర్తిగా మారిపోయింది. ఇంటర్నెట్ అందుబాటులో ఉండటంతో కొనుగోలుదారులు ముందుగానే కార్ల గురించి పూర్తి వివరాలు తెలుసుకుంటున్నారు. ఫీచర్లు, ధర, భద్రత, మైలేజ్, మెయింటెనెన్స్ ఖర్చు లాంటి అంశాలను కంపార్ చేసిన తర్వాతే ఏ కారు కొనాలో నిర్ణయం తీసుకుంటున్నారు.
ప్రస్తుతం మార్కెట్లో ప్రతి సెగ్మెంట్ లో పలు మోడళ్లు అందుబాటులో ఉన్నాయి. సో, కారు కొనడానికి ముందు సెర్చ్ చేయడం చాలా అవసరం. ఒకే మోడల్ లో కూడా వేర్వేరు వేరియంట్లు ఉండటంతో, ఏ వేరియంట్ తమ అవసరాలకు సరిపోతుందో తెలుసుకోవడానికి చాలామంది ముందుగానే డీటైల్స్ చెక్ చేస్తున్నారు. ఒకవేళ మీరు మారుతి సుజుకి బ్రెజ్జాను తీసుకుంటే, ఇందులో సన్ రూఫ్, హెడ్ అప్ డిస్ ప్లే, 360 డిగ్రీ కెమెరా, వైర్ లెస్ ఆండ్రాయిడ్ ఆటో, ఆపిల్ కార్ ప్లే, కనెక్టెడ్ కార్ టెక్నాలజీ లాంటి పలు అత్యాధునిక ఫీచర్లు ఉన్నాయి. అయితే, ఈ ఫీచర్లు అన్ని వేరియంట్లలో ఉండవు. అందుకే కొనుగోలుదారులు ముందుగానే ఏ వేరియంట్ లో ఏ ఫీచర్లు ఉన్నాయో తెలుసుకుని నిర్ణయం తీసుకోవడం మంచిది.
ఈ రోజుల్లో భద్రత కూడా కారు కొనుగోలులో కీలక అంశంగా మారింది. కేవలం మంచి లుక్, తక్కువ ధర చూసి కారు కొనడం కంటే, అందులో ఉన్న భద్రతా వ్యవస్థలను కూడా చాలామంది పరిశీలిస్తున్నారు. బ్రెజ్జాలో ఆరు ఎయిర్ బ్యాగ్లు, ఎలక్ట్రానిక్ స్టెబిలిటీ ప్రోగ్రామ్, హిల్ హోల్డ్ అసిస్ట్, ఐసోఫిక్స్ చైల్డ్ సీట్ మౌంట్స్, రియర్ వ్యూ కెమెరా లాంటి పలు భద్రతా ఫీచర్లు ఉన్నాయి. ఇలాంటి అంశాలను ఇతర కార్లతో పోల్చి చూసిన తర్వాత సరైన ఎంపిక చేసుకోవచ్చు.
కారు కొనడం అంటే.. కేవలం డబ్బులు చెల్లించడం మాత్రమే కాదు. భవిష్యత్తులో వచ్చే మెయింటెనెన్స్ ఖర్చులు, ఫ్యూయెల్ ఖర్చు, వారంటీ, సర్వీస్ సౌకర్యాలు లాంటి అంశాలను కూడా ముందుగానే తెలుసుకోవాలి. బ్రెజ్జా పెట్రోల్ తో పాటు S CNG వెర్షన్ లో కూడా లభిస్తోంది. సో, తమ వినియోగానికి అనుగుణంగా ఏ పవర్ ట్రెయిన్ సరిపోతుందో కొనుగోలుదారులు ఎంపిక చేసుకునే అవకాశం ఉంది.
ప్రస్తుతం డిజిటల్ ప్లాట్ ఫారమ్స్ వల్ల కార్ల కంపారిజన్ అనేది చాలా ఈజీ అయ్యింది. ఒకే చోట కార్ల ధరలు, ఫీచర్లు, స్పెసిఫికేషన్లు, వేరియంట్లు, పోలికలు చూసే అవకాశం లభిస్తోంది. అనేక వెబ్ సైట్లు తిరగాల్సిన అవసరం లేకుండా తక్కువ సమయంలోనే పూర్తి సమాచారం తెలుసుకోవచ్చు. ACKO Drive లాంటి సైట్లలో వేర్వేరు కార్లను పోల్చుకోవడం, ధరలు తెలుసుకోవడం, ఫీచర్లు పరిశీలించడం మాత్రమే కాకుండా, ఆన్ లైన్ లోనే కొనుగోలు చేసే అవకాశం కూడా ఉంది. కారు సెలెక్షన్ నుంచి కొనుగోలు వరకు మొత్తం ప్రక్రియ మరింత ఈజీగా మారుతోంది.
సో, కొత్త కారు కొనాలనుకునే వారు తొందరపడి నిర్ణయం తీసుకోవడం కంటే ముందుగా పూర్తి స్థాయిలో చెక్ చేయడం మంచిది. ఫీచర్లు, భద్రత, మెయింటెనెన్స్ ఖర్చు, పవర్ ట్రెయిన్ ఆప్షన్స్ వంటి అంశాలను జాగ్రత్తగా పరిశీలిస్తే, తమ అవసరాలకు సరిపోయే బెస్ట్ కారును సెలెక్ట్ చేసుకునే అవకాశం ఉంటుంది.
Read Also: మారుతి బ్రెజ్జా సూపర్ హిట్.. 15 లక్షల అమ్మకాలతో సరికొత్త రికార్డు!
Share
ఫెస్టివల్ సీజన్ లో మారుతి మాస్టర్ ప్లాన్.. బాలెనో, ఫ్రాంక్స్ ఫేస్లిఫ్ట్లు వచ్చేస్తున్నాయ్!
అధికారికి ఒక్క వాహనం.. రెండో వాహనానికి నో ఛాన్స్, కేంద్రం కొత్త రూల్స్
