Best CNG Cars 2026: పెట్రోల్, డీజిల్ ధరలు ఆకాశాన్ని తాకుతున్న నేపథ్యంలో.. వాహనదారులకు ఈవీలతో పాటు సీఎన్ జీ (CNG) కార్లు సైతం ఊరట కలిగిస్తున్నాయి. పెట్రోల్, డీజిల్ ధరలతో పోలిస్తే సీఎన్ జీ కార్ల నిర్వహణ వ్యయం తక్కువగా ఉండటంతో ప్రతీ ఒక్కరూ వీటిపై ఆసక్తి కనబరుస్తున్నారు. ఈ నేపథ్యంలో రూ. 10 లక్షల బడ్జెట్‌లో మార్కెట్లో లభిస్తున్న టాప్-5 బెస్ట్ సీఎన్‌జీ కార్ల వివరాలను ఇక్కడ అందించడం జరుగుతోంది. వాటిపై ఓ లుక్కేయండి.
పెట్రోల్, డీజిల్ ధరలతో పోలిస్తే.. సీఎన్‌జీ ఖర్చు చాలా తక్కువ. కిలో సీఎన్‌జీకి 30 కిలోమీటర్లకు పైగా మైలేజ్ ఇచ్చే కార్లను వాడటం వల్ల రోజువారీ ప్రయాణ ఖర్చులు దాదాపు మూడో వంతుకి తగ్గిపోతాయి. అంతేకాకుండా కంపెనీ ఫిటెడ్ సీఎన్‌జీ వాహనాల వల్ల.. ఆటోమొబైల్ సంస్థల వారంటీ, తేడా వస్తే సర్వీసింగ్ ఫ్రీగా పొందొచ్చు.
రూ. 4.81 లక్షల నుంచి రూ. 5.32 లక్షల (ఎక్స్-షోరూమ్) ధరకు అందుబాటులో ఉన్న ఆల్టో K10 కారు.. బడ్జెట్ వినియోగదారులకు బెస్ట్ ఆప్షన్. 1.0 లీటర్ ఇంజిన్‌తో వచ్చే ఈ కారు.. కేజీ సీఎన్‌జీకి ఏకంగా 33.85 కి.మీ మైలేజ్ ఇస్తుంది. రోజువారీ ఆఫీసు ప్రయాణాలకు.. మొదటిసారి కారు కొనేవారికి ఇది సరిగ్గా సరిపోతుంది.
మైలేజ్ విషయంలో తిరుగులేని కారు మైక్రో హ్యాచ్‌బ్యాక్ సెలెరియో. ఇది కిలో సీఎన్‌జీకి ఏకంగా 34.43 కి.మీ మైలేజ్ అందిస్తూ దేశంలోనే అత్యధిక మైలేజ్ ఇచ్చే కార్లలో ఒకటిగా నిలిచింది. దీని ప్రారంభ ధర రూ. 5.98 లక్షలు (ఎక్స్-షోరూమ్).
ఎస్‌యూవీ (SUV) లుక్ కోరుకునే వారి కోసం టాటా పంచ్ సీఎన్‌జీ ఎంతగానో ఉపయోగపడుతుంది. 1.2 లీటర్ ఇంజిన్‌తో వచ్చే ఈ వాహనం.. 26.9 కి.మీ/కేజీ మైలేజ్ ఇస్తుంది. రెండు చిన్న సీఎన్‌జీ సిలిండర్లతో రావడం వల్ల బూట్ స్పేస్ కూడా ఎక్కవ పొందొచ్చు. దీని ధర రూ. 6.80 లక్షల నుండి ప్రారంభం కానుంది.
ఆధునిక ఫీచర్లు, ఎస్‌యూవీ స్టైలింగ్ కలగలిపిన హ్యుందాయ్ ఎక్స్టర్.. 27.10 కి.మీ/కేజీ మైలేజ్ అందిస్తుంది. సన్‌రూఫ్, కనెక్టెడ్ కార్ టెక్నాలజీ వంటి అధునాతన హంగులతో లభించే ఈ కారు ప్రారంభ ధర రూ. 7 లక్షలుగా ఉంది.
ప్రీమియం హ్యాచ్‌బ్యాక్ అనుభూతిని కోరుకునే వారికి టయోటా గ్లాంజా బెస్ట్ ఛాయిస్. స్టైలిష్ క్యాబిన్, అదిరిపోయే పెర్ఫార్మెన్స్‌తో ఇది 30.61 కి.మీ/కేజీ మైలేజ్ ఇస్తుంది. దీని ప్రారంభ ధర రూ. 8.49 లక్షలు (ఎక్స్-షోరూమ్).
Also Read: ఇద్దరు ప్రయాణికులకు ‘ఒకటే దుప్పటి’.. రైల్వేపై కన్జ్యూమర్ కోర్టు ఆగ్రహం.. భారీ జరిమానా విధింపు!
Share
రామాయణంలో లక్ష్మణుడి ప్రాణం కాపాడిన సంజీవని.. నిజంగానే ఒడిశాలోని ఈ కొండపై ఉందా?
నూకరాజు పై రెచ్చిపోయిన రాకింగ్ రాకేష్.. ఏమైందంటే?
