Clothing Prices: ఇరాన్ యుద్ధం తర్వాత అంతర్జాతీయంగా చమురు ధరలు పెరగడంతో పాలిస్టర్ తయారీ ఖర్చులు భారీగా పెరిగాయి. మరోవైపు పత్తి ధరలు కూడా.. ఎరువుల కొరత, వాతావరణ పరిస్థితులతో పెరుగుతున్నాయి. సాధారణంగా ఒక టీషర్ట్ తయారీలో ముడి పదార్థాల ఖర్చు దాదాపు 60 శాతం వరకు ఉంటుంది. కానీ గార్మెంట్ కంపెనీల లాభాలు మాత్రం 2 నుంచి 3 శాతం మధ్యే ఉంటాయి. పెరిగిన ఖర్చులను కస్టమర్లపై వేయలేక కంపెనీలు నష్టాలను భరిస్తున్నాయి.
జారా, పుల్‌అండ్‌బేర్ వంటి అంతర్జాతీయ బ్రాండ్లకు దుస్తులు సరఫరా చేసే కంపెనీలపై ఈ ప్రభావం ఎక్కువగా కనిపిస్తోంది. యుద్ధం మొదలైన కొద్ది వారాల్లోనే పాలిస్టర్ నూలు ధరలు 25 శాతం వరకు పెరిగాయి. అటు భారత్, బంగ్లాదేశ్ వంటి వస్త్ర తయారీ కేంద్రాల్లోనూ ఒత్తిడి పెరుగుతోంది. బ్రాండ్లు సాధారణంగా ఏడాది ముందుగానే దుస్తుల ఆర్డర్లు ఇస్తుంటాయి. అందుకే ఇప్పుడు పెరుగుతున్న ఉత్పత్తి ఖర్చుల ప్రభావం వచ్చే ఏడాది దుస్తుల ధరల్లో కనిపించే అవకాశం ఉంది. ఇప్పటికే ఆహారం, ఇంధన ధరల భారంతో ఉన్న వినియోగదారులకు ఇది మరో షాక్‌గా మారనుంది.
యుద్ధ ప్రభావం.. చమురు ధరల పెరుగుదల ముడి పదార్థాల కొరత.. ఇవన్నీ కలిసి ప్రపంచ క్లాత్ మార్కెట్‌ను కుదిపేస్తున్నాయి. ఇక రాబోయే రోజుల్లో ఫ్యాషన్ డ్రెస్సుల ధరలు ఎంత పెరుగుతాయన్నది ఆసక్తికరంగా మారింది.
Also read: తరుణ్ నీలో ఈ టాలెంట్ కూడా ఉందా.. ‘ENE రిపీట్’ కోసం భలే కాకా పడుతున్నావే!
Share
32 ఏళ్ల క్రితం పుట్టింటికి వెళ్లి.. తిరిగి రాని భార్య.. 67 ఏళ్ల వయసులో భర్తకు విడాకులు!
పావలా శ్యామల కుమార్తె విషయంలో 'మా' కీలక నిర్ణయం!
