Nellore Function Hall: ఫంక్షన్ అంటేనే ఖర్చులు.. హాల్ బుక్ చేయాలంటే వేల రూపాయలు… దానికి అదనంగా విద్యుత్, డెకరేషన్, పార్కింగ్ ఖర్చులు. ఇక పేద, మధ్యతరగతి కుటుంబాలకు ఈ భారం తగ్గించేందుకు నెల్లూరు కార్పొరేషన్ కీలక నిర్ణయం తీసుకుంది. కేవలం రూపాయికే ఫంక్షన్ హాల్‌ను అందుబాటులోకి తీసుకొచ్చింది. ఆగస్టు 16న మంత్రి నారాయణ ఈ హాల్‌ను ప్రారంభించారు.
400 నుంచి 500 మంది వరకు ఫంక్షన్ నిర్వహించుకునే సామర్థ్యం ఈ హాల్ సొంతం. సెంట్రల్ ఏసీ టైల్స్ విశాలమైన ప్రాంగణం వాహనాల పార్కింగ్ ఇలా కార్పొరేట్ స్థాయి సౌకర్యాలు కల్పించారు. ఈ హాల్ నిర్మాణానికి ఎన్‌క్యాప్ నిధుల నుంచి 25 లక్షలు, కార్పొరేషన్ నిధుల నుంచి కోటి 15 లక్షలు ఖర్చు చేశారు.
Also read: ప్రజాధనానికి పెట్టిన గుండు.. NCLT తీర్పుపై కాంగ్రెస్ సీనియర్ నేత జైరామ్ రమేష్ ఫైర్!
మొదటి ఆరు నెలలు కేవలం ఒక్క రూపాయికే అద్దెకి ఇస్తారు. ఆ తర్వాత కూడా విద్యుత్, మెయింటనెన్స్ వంటి నిర్వహణ ఖర్చులు మాత్రమే తీసుకుని హాల్‌ను అందుబాటులో ఉంచాలని అధికారులు భావిస్తున్నారు. సామాన్య కుటుంబాల్లో శుభకార్యం అంటే ఖర్చు గురించి ఆలోచించాల్సిన పరిస్థితి. అలాంటి కుటుంబాలకు నెల్లూరు కార్పొరేషన్ తీసుకున్న ఈ నిర్ణయం కాస్త ఊరట కలిగించనుంది.
Also read: కొరివితో తలగోక్కోవడం అంటే ఇదే మరి… వైరల్ వీడియో కోసం వెళ్ళి 1500 ఏళ్ల దుష్టశక్తిని నిద్ర లేపారు
Share
ఢిల్లీలో మళ్లీ మొదలైన డీలిమిటేషన్ రగడ.. బీజేపీ నెక్స్ట్ ప్లాన్ ఇదేనా..?
నా బాడీ గురించి మీకెందుకు? సోనియా ఫైర్
